كتالوج السواقة على الطريق الدائري

**shaddadfalcon1** · 20-10-2011 02:20 PM

بس 8 - 9 دي صعب قوي
انا ساعات بمشي 3 واخر مره وصلت الدائري علي 5 وكان ماشي يعني بقف شويه عند نزلة المعادي وقبل الكورنيش بشويه والمشكله اني مش ببشوف سبب للزحمه يعني تبقي ماشي زحمه وهوبه الطريق يسلك من غير اي سبب

**mohamed_selim** · 20-10-2011 02:45 PM

بص الموضوع ملوش اسباب ولا علامات ..ز بس مثلا لو يوم الحد اجازه هتلاقى الناس كلها مسافره و الدائرى وقف و الصحراوى زحمه و الزراعى ضايع
لو فى الصيف هتلاقى الدنيا كده سواء فى اجازه طويله او لأ
فى الشتا الدنيا بتبقى اهدا شويه بس برضه ممكن تقفل بدون اى مقدمات

**Karim_Monir** · 22-10-2011 04:21 AM

نقلت الموضوع للقسم العام لاستفادة اكبر بعد اذن صاحب الموضوع

**kar!m** · 23-10-2011 12:32 AM

أنا الحمد لله بقالى أكتر من سنتين بسافر يوميا من الزقازيق للقرية الذكية.

3 ساعات رايح و 4 ساعات راجع .. يعنى ربع اليوم بقضيه فى المواصلات.

و الله المستعان.

**mada_76** · 23-10-2011 05:36 AM

المشاركة الأصلية كتبت بواسطة shaddadfalcon1

بس 8 - 9 دي صعب قوي
انا ساعات بمشي 3 واخر مره وصلت الدائري علي 5 وكان ماشي يعني بقف شويه عند نزلة المعادي وقبل الكورنيش بشويه والمشكله اني مش ببشوف سبب للزحمه يعني تبقي ماشي زحمه وهوبه الطريق يسلك من غير اي سبب

هو الموضوع كله بيتلخص في نظرية عنق الزجاجة .
ودي بقت مشكلة الشوارع والكباري عندنا . يعني تلاقي الطريق واسع وماشي كويس ومفيش مشاكل وفجاة تلاقي منزل او مطلع او مخرج تتكدس عليه العربيات فاصبح ده عنق الزجاجة اللى هايخرج منها الطريق الواسع ده .

**mada_76** · 23-10-2011 05:37 AM

المشاركة الأصلية كتبت بواسطة karim_monir

نقلت الموضوع للقسم العام لاستفادة اكبر بعد اذن صاحب الموضوع

اكيد موافق واتمنى الفايدة تعم على الجميع .

**mada_76** · 23-10-2011 05:44 AM

المشاركة الأصلية كتبت بواسطة minicooper20

معندكش كاتلوج لكوبرى اكتوبر و 15 مايو

اعتقد ان دول مش محتاجين كتالوجات لانهم زحمة باستمرار .
ومشكلة الكوبريين دول ان لو عربية الكاوتش بتاعة ريح يبقى كده الكوبري كله بالشفا .
لكن بما انك جيبت سيرة كوبري اكتوبر انا عايز اعلق على حاجة ,
الواحد بياخد علقة جامدة عشان تطلع من المهندسين او الدقي وتبقى جاي مدينة نصر . وتفضل ماشي اول تاني لغاية لما تعدي الجز المعلق كده ويبدأ الطريق يفتح وبعدين ممكن تهدي شوية عند منزل صلاح سالم لكن مسافة لا تذكر يعني . وبعدين تقوم فاتح على الرابع لغاية لما تنزل من على الكوبري .
قاموا بتوع تخطيط الطرق عندنا عاملين مطلع امتداد رمسيس وده بقى بيوقف اخر جزء كان بيمشي في الكوبري .
هو المطلع مفيد بصراحة بس برضه عامل عنق زجاجة جديد .
انا بصراحة مش لاقي حل لمشكلة المرور في مصر .

**mada_76** · 23-10-2011 05:45 AM

المشاركة الأصلية كتبت بواسطة kareemz

أنا الحمد لله بقالى أكتر من سنتين بسافر يوميا من الزقازيق للقرية الذكية.

3 ساعات رايح و 4 ساعات راجع .. يعنى ربع اليوم بقضيه فى المواصلات.

و الله المستعان.

ربنا معاك

**shaddadfalcon1** · 23-10-2011 07:31 AM

المشاركة الأصلية كتبت بواسطة mada_76

هو الموضوع كله بيتلخص في نظرية عنق الزجاجة .
ودي بقت مشكلة الشوارع والكباري عندنا . يعني تلاقي الطريق واسع وماشي كويس ومفيش مشاكل وفجاة تلاقي منزل او مطلع او مخرج تتكدس عليه العربيات فاصبح ده عنق الزجاجة اللى هايخرج منها الطريق الواسع ده .

اعتقد دي ليها علاقه بثقافة السواقه في مصر وخصوصا في القاهره
الدائري بيبقي واسع جدا حتي في المنازل لكن تلاقي الاذكياء مش بيمشو يمين عند اي مدخل
بالعكس تلاقيه ماشي شمال علي اساس انه اذكي خواته ويجي قصاد المخرج يقوم داخل يمين وده في مش في الدائري بس ده في اي طريق فيه مخارج او يوتيرن وبالتالي بدل ماتبقي الحاره اليمين اللي فيها المخرج هي اللي وافقه مع ان الناس لو ماشيه في اليمين كلها مش هتقف لاتها هتبقي سلسله وفي اسوا الظروف هتبقي ماشيه بالراحه لكن علي العكس تلاقي الطريق كله واقف والناس بتمشي براحه جدا عشان الكل يبيجي قصاد المخرج ويقوم داخل وبالتالي يوقف الطريق كله واللي واقف يمين كمان وتحيا السواقه في القاهره

الموضوع: كتالوج السواقة على الطريق الدائري

LinkBack

أدوات الموضوع

عرض

-

-

-

-

-

-

-

المواضيع المتشابهه

لعنة الطريق الدائري مازالت تطاردنا ، حادث جديد على الدائري.القطامية

ما تعرضت له علي الطريق الدائري !!!

انا مشيت عكس علي الدائري في نص الطريق

الطريق الدائري

يوميات شوماخرتين علي الطريق الدائري

الكلمات الدلالية لهذا الموضوع

المفضلات

المفضلات

ضوابط المشاركة