يعني ايه العلامه دي...حد يعرف ؟؟

**ENG\AHMED** · 21-05-2008 01:30 AM

هو الواضح كدا ان مفهوم العلامة دى مختلف من شركة للتانية
يعنى فى عربيات بيبقى معناها اخر النقلة ودى هتلاقى علامات بعدد النقلات انما اللى فيها علامة واحدة او علامتين تبقى حاجة مختلفة لأنوا مش هيحذرك عند نقلة والتانية لأ وبرضوا مش موضوع اقل استهلاك للبنزين لأن اقل استهلاك بيبقى عند 90-100 او عند اعلى عزم لموتور العربية , وموضوع السرعة جوة المدن او على طريق سريع غريب شوية بردة لأن دى قواننين وممكن مع مرور الوقت تتغيروممكن تتغير من بلد للتانية يبقى اية الحل وخصوصا كمان ان فى عربيات فيها علامة واحدة وفى فيها اتنين وفى عربيات مفهاش حاجة اصلان!! , انا عندى فكترا وفيها علامة واحدة عند 50 والتفسير الوحيد اللى لاقيتوا لها والله اعلم صح ولا لأ ان دى اقصى سرعة والعربية باردة لسة مسخنتش

**Ahmad Allawy** · 21-05-2008 09:24 AM

طيب و لقيت الكلام ده فين يا باشا؟؟
موضوع اقصي سرعة وكده؟؟

**volcano12** · 21-05-2008 11:09 AM

المشاركة الأصلية كتبت بواسطة farahat

سيدي الفاضل أنا بقول على السؤال الأساسي إلي كان على اوبل كورسا ، مفيهاش غير علامة وحدة بس عند ٥٠ ماينفعش تكون دي shift point ( هو د إلموتوت الصغير ) .
الميجان فيها العلامات دي عند elshift point ، إلي هي maximum torque point ، و إلي المفروض حضرتك تنقل عندها ، لو كملت و منقلتش هتوصل لل-red zone في ال-rpm ، و هنا هو لازم ينقل و ميسبكش تحرق الموتور

كلام جميل يا باشا وحمشي معك للأخر، أصل الموضوع كبر ف دماغي أنا كمان :) أنا افتكرت أصدق ال-megane
بص يا سيدي الاوبل كورسا الأول عند ٤٠ والتاني عند ٦٠ و التالت عند ٩٠ والرابع ١٢٠ وبعد كدة خامس
ديه اوبل كورسا ١٠٠٠ cc
على موضوع ال-megane .... اه كلام معئول كدة :)

بس لو إنت أصدق على أعلى torque، فدة مش عند أعلى rpm ...
حرجع واأول إلي مش مقتنع بيه وصلحلي .. لو فيه حاجة غلت

ال-megane الأول لو دة ال-max torque عند ٣٠ ماشي بس لو أنا زودت لسة حوصل لحد ٦٠- ٥٠ على الأول وكدة حبقة حارئ على الأول
لكن من كلام حضرتك ، ديه تبقى ال-best point to shift مش اخرها

**ENG\AHMED** · 21-05-2008 03:23 PM

المشاركة الأصلية كتبت بواسطة Ahmad Allawy

طيب و لقيت الكلام ده فين يا باشا؟؟
موضوع اقصي سرعة وكده؟؟

افتكستة

اصل ما انا مش لاقى تفسير ومحدش عارف دى اية ولا فى الكتالوج وبقالها فترة مدايئانى وهى اودامى كدة ومش عارف دى اية فاملقتلهاش تفسير تانى فا انا كنت الاول مش بعدى 60 ومش بقرص والعربية لسة مسخنتش دلوقتى 50

**momo44** · 21-05-2008 10:55 PM

انا لاقيتها فى الاكسنت عند ال 120 ودى نفس السرعة اللى بشتغل عندها الصوت التحذيرى

**hazem_khidr** · 21-05-2008 11:30 PM

انا لاقيتها فى الاكسنت عند ال 120 ودى نفس السرعة اللى بشتغل عندها الصوت التحذيرى

و موجوده في الاكسيل برضه
و دي علشان السرعه القصوي في الخليج 120 و منزلين كل الشرق اوسط مواصفات خليجي
و الكورولا و اللانسر الخليجي فيها جرس بس

**samirayad** · 23-11-2008 09:15 PM

المشاركة الأصلية كتبت بواسطة Khalid_Mostafa

حد يعرف العلامه دي بتدل علي ايه ؟؟؟ انا دورت بصراحة وملقتش إجابه

......أنا أتوقع دا تنبية من صانع المحرك .........بأنة يلزم عمل عمرة وخلافة للمحرك.............حينما لاتستطيع التحرك بالسيارة على سرعة أعلى من50 كم/ساعة.........خوفا من الفقد والتدمير الشامل للمحرك................راودتنى تلك الفكرة بعد قراءة جميع التعليقات!!!!!!!!!!!!!1