حد يعرف العلامه دي بتدل علي ايه ؟؟؟ انا دورت بصراحة وملقتش إجابه
عرض للطباعة
حد يعرف العلامه دي بتدل علي ايه ؟؟؟ انا دورت بصراحة وملقتش إجابه
دى غالبا علامة بتاعت السرعة القصوى داخل المدن.
مش عارف ايه لزمتها بس مش حاجه مهمه يعني
بس حفتي حته كده و اقولك ان العلامه دي معناها اخر الغيار الاول اللي هوه مبنفعش الاول يجيب اكتر من كده
و الله اعلم
دي السرعة إلي عندها أحسن إستهلاك بنزين (optimal fuel efficiency) ، و أكيد في كلام في الكتالوج بتاع العربية عن السرعة دي
يا جماعه هي موجودة عندي فعلا عند نفس السرعة.. و مش عارف ليها حكمة بصراحة..
محتاجة شوية بحث..
بس اكيد ليها حكمة من اللي مصنع العربية.. او مواصفات معينة او كده..
بس هي مالهاش علاقة بالغيارات عشان هتلاقيها ف الاوتوماتيك كمان..
و كمان عندي مع ان الموتور 1200 بس اقدم 11 سنة..
ليها غرض تاني لسة مش عارفينه..
و برضه اجتهادات الناس منطقية برضه..
انا دورت في الكاتالوج قبل ما اسأل طبعاً ولكن قد تكون فعلاً السرعة إلي عندها أحسن إستهلاك بنزين ولو اني اعرف انه 90 ك/س كما ان سرعة 50 ك/س شكلها قليل اوي علي السرعة المثالية من ناحية إستهلاك الوقود
وده ممكن يؤيد نظرية الإستهلاك الأمثل لأن موتورك 1200 سي سي يعني تقريباً نفس السعة اللترية والي حيأكد النظرية او ينفيها ان حد يكون موتوره 1600 سي سي مثلاً و يقولنا العلامه عنده علي سرعة كام
كلام منطقي جدا..
اذا.. نحن في انتظار حد معاه عربية 1600 و 2000 ..
فين مصطفي فاروق و محمد مختار..؟؟
هاجيبلك الخبر اليقين يا باشا..
اسف شكلى هخذلك يا احمد باشا
الصراحه مش عارف
انا عندى العلامه دى وكانت الموتور 1600 وكمان على الموتور ال 2000 العداد فيه نفس العلامه وعند 50 كم/س
ومفيش اى كلام عنها فى الكتالوج
انا اعتقد انها بداية السرعه الخطر
يعنى زى ما دلوقت العربيات بتديك انذار لما تعدى ال 120 كم/س دى بتقولك انك عديت السرعه المسموح بيها فى المدن محليا
يا باشا مفيش خذلان ولا حاجة..
انا كنت عايز بس اعرف هي موجودة في ال1600 و 2000 عن
نفس السرعة ولا لأ..
مش اكتر..
اما غرضها فده لسة محدش يعرفه لحد دلوقتي هنا..
العلامه دي عندي في المرسيدس ومش عارف فائدتها ايه بالضبط ؟
انا العلامه دي اعرف انها اخر غيار معين وبتكون العربيات دي فيها مثلا الاول والتاني والتالت مش جري بيكون عزم والرابع هو اللي جري فا انت لو حبيت تجري وتعدي العلامه تكون جايب غيار معين ولازم تراجع دليل السياره لأن الكلام اللي بقوله ده كان في البيتلز
يا جماعة دى السرعة(50km/h )
اللى بيحسبو عندها نسبة العادم المصرح بيها
ودة فى معظم البلاد الاوروبية
اى خدمة
والله ما يجيبها غير حبراءها يا معلم يا كبير...
اله ينور عليك يا باشا..
تصفي حاد و ارفعوا القبعات..
المعلم الكبير يات لافر هو اللي عرف يحل الفزورة.. :)
الف شكر يا باشا و منكم نستفيد و نتعلم.. (العلم نورن :) )
الله عليك يا باشااقتباس:
يا جماعة دى السرعة(50km/h )
اللى بيحسبو عندها نسبة العادم المصرح بيها
ودة فى معظم البلاد الاوروبية
اى خدمة
معلشانا جديد معاكو و مبتدىء بس اسمحولى . انا مش مقتنع بالمره بالاجابه بتاعه نسبه التلوث ؟
نسبه التلوث بتتقاس و العربيه واقفه عند عدد لفات معين بجهاز بيحلل العادم الخارج من الشكمان . مش وهيا ماشيه و على سرعه 50 كمان ؟؟ و الا ايه ؟
انا دورت برضه و مش لاقى سبب واضخ للموضوع ده .
شوفوا يا جماعة انا عندى نفس العلامة على ال 50 وكمان وحدة عند ال90 وكمان وحدة عند 130 وده فى كل العربيات البيجو 405 ومع ملاحظة الأر بي ام ان ان الغيار الاول اخرة فى السرعة العلامة دية 50كم والتانى والتالت هكذا
يعنى معنى العلامة ببساطة أنك متتخطاش سرعة ال50 كم وانت على الغيار الأول لأن ده يشكل خطر وتلاقى العلامة باللون الاحمر يعنى تحذير خطر
يا شباااااااااب
دي بتاعه السرعه القصوي داخل المدن في اوروباااااا
انا عارف ومتاكد كويس من الموضوع ده
حتلاقيها في اغلب العربيات السوق الاوروبي
وكمان في المرسيدس فيها علامتين
واحده عند 50 والتانيه عند 120
"نا متاكد من موضوع السرعه القصوي داخل المدينه"
يا ميشو فعلاً هى متوسط السرعة داخل المدن الاوروبية .. بس مش القصوى
وإلا يبقى الناس دى مابتمشيش وواقفة مكانها
بالعكس دول عندهم طرق مفروض السرعة متقلش فيها عن رقم معين
انما هى السرعة المتوسطة اللى بيتحسب عندها كمية ال CO2 الخارجة من المحرك على افتراض انها السرعة الاكثر استخداماً فى المدن
طب انا حقول حاجه و دا تحليلي مش متاكد منه
ان دا اخر الغيار الاول
و يا ريت ahmed allawy
يكون معايا في الكلام دا لانه حيفهمه
في ال125 الايطالي كان منها موديلين
موديل ب rbm و موديل من غيره
الموديل اللي من غير ال rbm كان عليه تلات علامات واحده عند 40 و التانيه عند85و التالته عند 130 و مفيش رابعه
و دي السرعات القصوي لكل غيار
الموديل اللي فيه RBM مكنش فيه العلامات دي
نفس الحال بالنسبه لل 132 ال GLS ال1600 من غير RBM كان فيها العلامات
ال 1800 فيها RBM مكنش فيها العلامات .
و نفس الكلام بالنسبه لل 125 البولندي
المرسيدس W123 للي بيسموها التمساحه
تلاقي فيها شرطه في الاول و بعدها بشويه شرطتين و بعدها بشويه 3 شرط
بس مش فاكر الارقام بصراحه و دا معناها برضه السرعه القصوي للاول و التاني و التالت.
الموديل اللي فيه ال RBM اعتقد بنسبه كبيره مافيهوش الشرط دي.
دا تخيلي و اعتقد انه صح
احترت ومش مقتنع باي اجابه
لا تلوث
ولا غيار
اعتقد بقي طالما كله بيعتقد يعني انها بدايه السرعه اللي التصادم فيها يؤدي لتلفيات في العربيه
وكل ما تزيد التلفيات تزيد
وكل ما تقل التلفيات تقل
انا كمان مش مقتنع بموضوع علاقته بعدد لفات الموتور لأن ببساطه ممكن تكون في مطلع او منزل او مقاومة الهواء شديده
بالنسبه لموضوع السرعه الي عنها بيتقاس إنبعاثات ثاني اكسيد الكربون فده برضه مش مقنع لأن الإنبعاثات بتتقاس بعدد لفات الموتور مش السرعه و ذلك للسبب بعاليه كما ان المرسيدس فيها اكتر من علامه
برضه حكاية الغيار دي مش مقنعه لأن محركات بسعات مختلفه وبتكون العلامه عند 50 ك/س برضه .
لحد دلوقتي اكتر تفسير مقنع بالنسبالي حكاية السرعه داخل المدن ولو انها قليله جداً ولكن لحد دلوقتي هو ده إلي مقبول
متهيالى موضوع السرعه داخل المدن ده انسب تفسير ممكن يكون مقبول و بالاخص ان بعض السيارات فيها العلامه موجوده عند ارقام مختلفه زى 30 و 50 و 130
و انا كمان كان معايا بولندي:)اقتباس:
حازم بك.. هو بالفعل كلامك مقنع..
انا فعلا كان معايا فيات 125 بولندي..بس مكنتش واخد بالي خالص من الموضوع العلامات ده..
هاشوف كده اتأكد و ارد عليكم.. بس هو الاستنتاج منطقي برضه
اللي فاكره ان تالت شرطه كانت عند ال 100(عباره عن نقطه تحت الميه بالضبط)
و الكتالوج فعلا كان محدد ارقام التسرع بتاع كل نقله و النقله التالته عند 100
انا فاكر و بدات اتاكد من كلامنا اهو :)
الياريس ما فيهاش العلامة دى
الميجان موجودة عند 30 - 50 -90- 130
لو اكتر من علامة ==> ممكن تكون السرعة القصوى لكل غيار زى ما قال استاذ
حازم
لو علامة واحدة ==> ممكن تكون السرعة اللى المفروض ما تمشيش عليها و
تمشى اقل او اسرع بسبب ظاهرة renosance واللى بتقول ان كل شىء له تردد
معين و لو قابلته بنفس التردد هيحصله انهيار كان فى دكتور كلمنا عن الحكاية دى بس مش فاكر بالظبط . ياريت اللى يقدر يجيب المعلومة يفيدنا
بيتهيألى الخاصية دى اسمها resonance مش renosance
وديه معناها ان كل حاجة فى الطبيعة لها تردد طبيعى(natural frequency)
ولو اى حاجة جابت التردد ده بيحصل فعلا انهيار نتيجة تزايد القوة بمرات عديدة
زى لما حصل فى اسرائيل فى صالة الافراح اثناء الفرح
الالات الموسيقية والطبل والرقص وصل الى تردد مساوى لتردد المبنى فانهار الطابق
وكما حدث ايضا فى كوبرى المشة فى انجلترا
الكوبرى مشى عليه دبابات ولم يحدث له شىء
ولكن عندما مشى الجنود عليه بالخطوة المعتادة(الخطوة العسكرية) عملو تردد مساوى لتردد الكوبرى الطبيعى فانهار
ارجو ان اكون ساعدتك فى فهمها
العلامة دي كانت موجودة عندنا في الاوكتافيا A4 وكانت علامتين
على ما اتذكر على50 و 70 وسألت ناس كتيير عليها وكل واحد افتى بفتوة زي اللي موجوديين هنا
حتى في التوكيل ماحدش كان عارف وكانوا بيقولوا ماتزودتش الغيارات عن العلامة دي
أعتقد لو فى كذا علامة زى ما بعض الأعضاء قالوا مثلا 30-50 فدة بيبقى متوسط السير داخل المدن و مثلا 50-90 فدة بيبقى فى الطرق الأقل أزدحام و أخيرا لو من 90-130 فدة بيبقى على الطرق السريعة. وهى بتختلف من شركة لشركة حسب قوانين السير عندهم.
لكن لو فى علامة واحدة زى ما أشار ألية الأستاذ خالد مصطفى عند 50 تبقى زى ما أشرت ألية فى ردى السابق وهو أقصى سرعة داخل المدن و ليس المتوسط.