الموضوع: شوفت المنظر ده النهارده

المشاركة الأصلية كتبت بواسطة michohat

انا عارف العربية دي مش دي جنب مؤمن وصاحبها على كده من ايام الثورة وكل ما الورق يبوظ من الشمس يطبع الورق تاني ويعلقة

مبسوط اني لاقيت واحد بلدياتي

وانا والله
في جروب اسمه تجمع اعضاء محافظه الشرقيه هنا علي المنتدي خش عليه
بس كده المفروض بتوع الزقازيق يعملو مقابله

المشاركة الأصلية كتبت بواسطة medo500

والله الراجل ده معاه حق بصراحة احنا محتاجين ثورة علي الاخلاق المنعدمة من بعض المستهترين محتاجين ثورة لتصحيح مسار الحياه لدي البعض لو يعرف الي بيمشي عكس الاتجاه انه بإستهتاره ده بيعرض حياته وحياة غيرة للخطر لو يعرف الي بيركن صف تاني انه بيعطل مصالح غيرة لو يعرف الي بيكسر اشارة انه برعونته ممكن يكون سبب في وفاه شخص لو تعرف كل الناس الي بتعمل الغلط انها بكده بتتسبب في ايذاء ناس ابرياء مالهمش اي ذنب فعلا محتاجين ثورة علي الضمير المغيب وعلي الرعونة واللامبالاه وصدق من قال القياده فن وذوق واخلاق ... كفانا الله وإياكم شر هؤلاء الناس

والله كان حصل عندنا في الزقازيق بسبب موضوع كسر الاشارة دي مات فيها 7 باين
اولا مش عارف مين الي كسر الاشارة لكن الي حصل مكروباص ماشي وجاي بسرعه ونص نقل معدي هول خبط المكروباص في جنبه قام النص نقل جاري وموقفش والمكروباص انقلب والكومسري نجي باعجوبه وقع من الباب وهوب ولع وانبوبه الغاز فرقعت
والاتجاه المعاكس حصلت معايا شخصيا في طريق اتجاهين والله فرقت علي المريات بعد اما كل واحد فينا مات علي فرمله وكير الناحيه التانيه انا كنت هلبس في تاعربيات الي ركنه بسبب افندي تالت ساب حرته ومشي عكس و الي كان داخل فيا جاي بسرعه طبعا كسر عليا

المشاركة الأصلية كتبت بواسطة minicooper20

جامد جدااااااااااااا

ربنا يخليك يابشا

المشاركة الأصلية كتبت بواسطة car's sniper

كنت كاتب ايام الثورة بنفس الطريقة دى بس على شكل صفحات جنب بعضها كل صفحة فيها كلمة او كلمتين
"هالتزم بالسرعة وحزام الامان..المحترم محترم دايما"
بس هو شهر او اقل والورق اصفر وبقى شكله وحش رحت شايله وماخبيش عليك رجعت للادمان بتاعى تانى ...السرعة العالية
فانها تدق ابواب العربيات فى اى وقت :)

كلنا كده يابشا حتي ابويا 51 سنه وكان شادد قريب علي 160 ومعاه العيله بس كانت لظرف ما احنا ترجمتها بلطجيه لكن الموضوع طلع شد

المشاركة الأصلية كتبت بواسطة abdalah_hashem

المشكلة مش كتير اللى بينفذ

فعلا

المشاركة الأصلية كتبت بواسطة gmakram

على فكره اللى حاطط الورق ده على عربيته مش شرط يكون بيوصل بها رساله للناس,ده ممكن يكون بيوصل به رساله لنفسه

انا من وقت قريب كانت عربيتى بتتصلح فى التوكيل وواحد صاحبى تطوع وسلفنى عربيته لحد لما اصلح عربيتى,وكان لازق على ازاز عربيته من جوا ورقه عليها جمله "عدم القاء القمامه فى الشوارع يحافظ على بلدنا نظيفه" وكنت طول منا ماشى بالعربيه وتيجئ عينى على الجمله دى بفتكر انى كنت بعمل حاجه غلط ولازم اصلح ده فى نفسى,وبقيت حاطط قدامى ديما طول مانا سايق العربيه مسؤليه وجود الورقه اللى بتحمل الرساله البسيطه دى ذات المعنى الكبير

الخلاصه من وجهه نظرى :ان دى مش بس رساله للناس اللى بتشوفها من برا,دى كمان رساله لصاحب الرساله نفسه

تحياتى

فعلا مسؤليه كبيرة كمان لانك اما تسوق العربيه بتبقي مسؤل عن ارواح الي حوليك وكمان العربيات الي حوليك امانه كبيرة
واتفق معاك انها رساله للي سايق قبل الي برة

طيب دى حاجه حلوه :)

مصري محترم ربنا يكتر من أمثاله

ناس محترمة و عندها دم و دول بيشكلوا اقل من 5% من المصريين