الموضوع: Opel Astra 2008 all models

100000 شكر يا احمد باشا .
موضوع ال(sub) فانت ممكن تجيبه و تحطه فى بوكس فى الشنطه لو مش بتحتاجها كتير و تخلى حد بيفهم كويس يوصلهولك على الجهاز بتاع العربيه .فى احتمال بقى ان القوه الى طالعه من الجهاز بتاع العربيه تكون مش كفايه عشان تشغل ال sub بكفاءه عاليه.علشان كده حاول تتاكد قبل متعمل فيها حاجه و انا ان شاء الله هسألك كده لو لقيت حد مركب فيها sub .و 10000000 شكر مره 2 على شرحك للفتيس ده انت المفروض تدى كورسات للناس الى بتعارض الفتيس و بتقول عليه وحش.

المشاركة الأصلية كتبت بواسطة ahmadelbanna

ya sidi lashokr 3ala wageb we 3o2bal matgeeb el astra el gedeeda we sa3etha tedini laffa.??!!! we belnesba le waldak ana mota2aked ennoh hayestamte3 gedan bel ASTRA fel manual mode le2annak belzabt betsoo2 3arabeya manual bas mn3'air debreyage
we heya di qemet el mot3a fil sewa2a mn weghet nazary
we fi kaman ma3loma be7'osos el fetees el EazyTronic dah, elftees da aslan fe tarkeebo 3ebara 3an "Modefied Manual geer Box" ya3ni howa fel asl manuau we et3amalo ta3deel 3alashan yekone belsora di. we di miza 3an el fetees el automatic fel estehlak le2an fi baladna el 3arabeyat el automatic beythelek fiha el gear el awalani 3ala 7esaab ba2eet el 3'eyarat we bema ann el fetees el automatic beyigi7aga wa7da we "Combination" wa7da fataba3an law baz ... kollo beyt3'ayar laken el "Structure" beta3 el EazyTrinic mish keda 7'ales le2ano fi Tarkeebo zay el Manual belzabt ya3ni 3andak 5 troos be 5 "Gear Ratio" mo7'talefa we di momken teb2a miza 3al mada eltaweeeeeeeeel fil service wel mentainance.

كلام سعاتك مظبوط..
هو اسمه manual gear, automatic shifting
يعني هو فغتيس مانيوال فعلا.. بس النقل هو اللي بيتم بطريقة اوتوماتيكية.. و هو من جوة فيه اسطوانة و ديسك عادي جدا كمان علي فكرة..
بس الفرق كله ان وقت النقلة.. الكومبيوتر بتاع العربية بيدي الامر لوحدة بتعمل عمل رجلك لما تدوس دبرياج و تنقل و تشيل دبرياج تاني..

فوق المميزات اللي سعاتك ذكرتها.. في حاجتين مهمتين..
الاولي ان استهلاك البنزين افضل من العربيات المجهزة بفتيس اوتوماتيك عادي.. (تقليدي)
و كمان استهلاك الفرامل.. افضل بكتير..
بمعني ان التيل بيعمر اطول. و الطنابير و كده..

فعلا موضوع انه يعملك خصم 3000 جنيه ده بيعملوه فى الفيكترا قبل مسعرها يتنزل كنت سألأت عليها فى فرع اسكندريه الى على الصحراوى قالى 218 الف و ممكن نعملك خصم 3000 جنيه و كمان قالى انا ممكن اقسطهالك على سنه بدون فوائد (مكانوش نزلو الاعلان فى الجرايد) فانا استغربت هو الراجل ده بيكرمنى ليه كده ؟؟ تانى يوم لقيت الاعلان فى الجرايد بتاع التقسيط بدون فوائد!!

السلام عليكم

بجد الحمد الله أنا مبسوط جداً عشان عندي إخوات ال- الاسترا بتاعتي، دي كانت واحيدة بس الحمد الله بقى لها إخوات دلوقتي.

عيوب العربية بالنسبة ليه :

مفيش حامل أكواب، بس دة تغلبت عليه بوضع الكان مابين الهاند بريك والكرسي، بيتحشر في النص. عادي بس المشكله بيكون واسعة لو كباية بلاستيك.
فعلاً كان نفسي في مرايا في الشامسه اللي قدامي، عشان بحتاج أربوط الكرفتة الصبح وأنا نازل عشان كانت عندي في الكورسا بس عادي مش قصة.

فعلاً الكاسيت بشغل أوديو بس، مفيش أي حاجة تانية، بس عادي يا جامعة، بعمل إسطوانات اوديو أو ممكن دلوقتي تشتري المحول بتاع الراديو بس اشتري حاجة نضيفه من راديو شاك عشان أنا استرخست وجبت واحد من إسبينس وكان أي كلام.

الفتيس كان غريب بالنسبة لي بس مع الواقت لقيت إنو لذيذ جداً وعجبني جداً ، لدرجة اني بفكر لما أغير حجيب إيه ، كنت بفكر من فترة اني أغير الاسترا وأجيب تيدا عشان أوسع في الصالون مش أكتر عشان أحياناً في أطفال بيركبو في الكنبه وعشان أنا بحب العربيات اللي الحجمها صغير. بس مباشي يدخل في دماغي الفتيس الاوتوماتيك مع كل الحترام الاوتوماتيك.
أياً كان أسلوب القيادة منوال أو أوتوماتيك،الايزي ترونيك في الاثنين كويسين أنا في الاوتوماتيك بشيل رجلي من على البنزين لمجرد الثانية وتكمل عادي، مفيش موضع انها النتشة الجامدة ولا الكلام الغريب دة ، دة يعني مش نتشة الهو واحد ليسا يتعلم ازاي يسوق . معايا أنا بتكون كأنها سحبه و بتبان أكتر في النقلة التانيه مش نتشة وتكركر والكلام اللي الناس بتقوله.

فعلاً أنا شايف إن منصور مغلي جداً في سعرها. غير كدة، الحمد الله أنا مرتاح فيها جداً، والحمد الله إن ربنا كرمني اني اركب حاجة محترمه في الصناعة والشكل ، وفعلاً مأ شاء الله العربية مريحني وكويسة .

بالنسبة ليك يا أحمد البنا، على ماعتقد انك ممكن تغير الكاست اللي فيها عادي عشان ملوش تدخل في شاشة المعلومات اللي عندك، صح ولا أنا غلطان، يعني ممكن تركب مكانو دبل كاست، أو حتى ديفيدي بشاشه تكون نفس حجم الكاسيت وتعيش باءة أفلام، وحفلات عمرو ونانسي وحتخلي شكل التابلوه بردو حلو وجامد. بس دة إعتقاد مني يعني ممكن ينفع وممكن لأ والله أعلم. يعني ممكن تسأل كذا محل معروف وتقارن قبل متمعل أي حاجة.

بجد يا جماعة لازم كلنا نتقابل، مش ينفع الكلام دة .

كان معكم الرغايي جداً مصطفى فاروق من القاهرة، مصر الجديدة.

مصطفى باشا منورنا .
والله يا جماعه انا لاحظت حاجه ان غالبيه الى بيقولو على الفتيس وحش مركبوش العربيه ولا جلربوه بس مجرد انهم مش عايزين يعترفو بأنه فتيس حلو و جديد انما كل الى ركب العربيه زى حضارتكو و اتعود عليها بيقول انه فتيس حلو و زى الفل و اهو مصطفى باشا مش عايز يركب غيره و شايفه احلى من الاوتوماتيك .
ان شاء الله انضم ليكو و اشترى الاسترا الجديده او ذلك بعد اقناع الوالد بجوده الفتيس و حلاوته و بعد انتهاء امتحاناتى و بيع الاسترا القديمه الى قربت تجيبلى سكته قلبيه !!!!!!