الموضوع: عاوز المساعده والمعونه جين2 vs يارس

1- جوده شركه بورتون ؟؟

شركة بروتون تعتبر شركة جديدة نوعا ما فى عالم السيارات و لكن اخذت خبرات من شركتين كبار جدا هما ميتسوبيشى فى الأول و بعدين لوتس

الأول كانتو بيستعينو بشاسية و محركات و حاجات كتيير من ميتسوبيشى علشان مكنش عندهم خبرة قوية فى المجال فا حبو يستفيدو من الشركات الأخرى

بعدها تم شراء شركة لوتس العالمية و طبعا مثلت قفزة لبروتون حيث تم انتاج اول سيارة بروتون خاصة بدون معاونة من اى شركة خارجة ( بالأشتراك مع لوتس يعنى شركتهم :) ) و كانت اول سيارة الجين 2

2- قطع الغيار هتبقى معمرة زى اليابانى ولا اقل منه ؟؟

بصراحة مش حقدر افتيلك فى دية استنى اراء ملاك السيارة

3- القدرة التشغيليه عاليه ولا اقل من اليابانى ؟؟

السيارة من الناحية الميكانيكية مفيهاش اى حاجة خالص خالص زى الفل

يعنى عمرى ما سمعت شكوى من محرك او جيربوكس ( مانيوال ) لأن الأوتوماتيك يقال انة سحبة ضعيف

يعنى من الأخر كل العيوب الى ظهرت عيوب تقفيل فقط مش عيوب جوهرية

4- فى اعطال ممكن توقف السيارة منى واضطر اسافر موصلات عشان قطعه الغيار
ولا كلها اعطل لا توقف الاستفاده من العربيه ؟؟؟

زى ما قلت لحضرتك كل الأعطال عبارة عن عيوب تقفيل مثال ( السنتر علق الزجاج مش عارف اية لمبة الصالون منورتش صوت تزييق خفيف ) حاجاة صغيرة كدة بس تم تفاداها فى اغلب موديلا 2007-2008 و عندك ما شاء الله عربية الأخ توت موديل 2007 و ما شاء الله مفيهاش حاجة
و متقلقش خالص من الموتور و الجيربوكس و الشاسية و العفشة و الكلام دة لأنة كلة ممتاز و بشهادة ملاك السيارة

و انتظر برضة اراء الملاك

تمام كلام فهد مضبوط 100 100 و ممكن تدخل تشوف تقييم العربية في القسم هنا ..
:):)

ردي هايكون كالتالي

3 سيارات مع أصحابي
الأول موديل 2006
و عامل بيها ............... 90 ألف كيلومتر اﻵن ....... لم يُغير أي شئ في السيارة سوى الزيوت و فلاتر الزيت و فلتر الهوا و الكاوتش مرة واحدة و تيل الفرامل
يعني هو غير الحاجات المشتهلكة فقط
أما المحرك ........... فما شاء الله لم يُغير فيه أي شئ
مع أن صاحبي ده سواقته وحشة قوي ( عنيفة جدا )
و ده دليل على جودة الخامات المستخدمة في الصناعة

-----------------------

الثاني
موديل 2007 و عامل بالعربية حوالي 20 ألف كيلو متر
لم يحدث أي شئ معه إطلاقا
و كان يذهب في مواعيد الصيانة الدورية فقط و حتى اﻵن

------------------------
الثالث
موديل 2007 و عامل حوالي 12 ألف كيلومتر
و نفس الكلام الذي قلته على الثاني ينطبق على الثالث

-------------------------------------------
أما الرابع فهو العبد لله ........ توت عنخ أمون
السيارة معي منذ 8 أشهر اﻵن
و عامل تقريبا 5000 كم
و لم يحدث معي شئ اطلاقا ( و لا عيوب تقفيل و لا غيره )

استهلاك البنزين أكثر من رائع و لم أكن أتوقعه
360 كم لكل 20 لتر ...... يعني تقريبا كل لتر بيعمل حوالي 18 كم
بشروط
عدم التسارع
تغيير السرعة عند 3000 لفة / د و عدم تسريع المحرك بأكثر من ذلك
عدم زيادة السرعة عن 90 كم / س
بنزين 92 أو 95
العربية شكلا ما شاء الله عليها من أجمل العربيات الموجودة في السوق
محركها قوي و بيشد ( مع الشد و الحركات و القيادة الرياضية بيكون الإستهلاك عالي شوية 200 كم / 20 لتر
كماليات غير موجودة في أي عربية من فئتها و بسعر منافس جدا
الصالون خاماته عادية جدا و لكن بالمحافظة عليها بيكون شكله حلو و جميل ( تلميع كل أسبوع و تنظيف السيارة داخليا )
مريحة في القيادة ..... و مش ضيقة ومش واسعة قوي
شنطتها ........ بحر
جنوط و ثبات عالي جدا و عفشتها متوسطة النعومة و مش ناعمة الباور مش ناعم قوي و زاويته ضيقة و ده علشان الثبات على السرعات العالية .... ( مع إن أنا مابحبش السرعة )
الاصدار الأوتوماتيك فيه مثبت سرعة و لكن سحب الأوتو ضعيف شوية
أتكل على الله .......... و هات الجين 2 ..... جميلة الجميلات

ميزة الموتور بتاعها
لو عايز توفر بنزين .... سوق على مهلك سوق و خلي الدنيا تروق
عايز تسوق سواقة رياضية .... دوس بقى و براحتك و على حساب البنزين و هاتلاقيه بتستهلك زي أي عربية 1600 عادية

كله متاح ...............
-----------------------------------------