الموضوع: استفسار عن جاكت(هو الجو سقع مرة واحدة ليه كدا)

المشاركة الأصلية كتبت بواسطة mahmoudyoussif

بص حضرتك انا ساكن جنب المصانع في جسر السويس و في محل جلود هناك

هو اللي بيعمل الجواكت بتاعت تيمبر لاند و اديداس و الاسعار بتاعته بتبقى حنينه عشان الموديل اللي بيعمله

للمحلات الكبيره بيفوت عليه فتره ده غير انه مصنع .... بس انا اخر مره رحتله كان من سنتين مش عارف لسه موجود و لا

لا بس فعلا حاجاته نضيفه سواء جلديات او جواكت و اسعاره معقوله و ما تفرقش حاجه عن اللي في المحلات

يا خسارة انه قفل.يا رب يا مسهل نلاقى واحد زيه كدة.

المشاركة الأصلية كتبت بواسطة zaza_lanos

الجو بقى ثلاجة مرة واحدة

ومن غير اى تحذيرات ولا لحقت احضر نفسى حتى.

المشاركة الأصلية كتبت بواسطة khaloooda

هو فيه كذا حاجة ممكن تشوفها
عندك سلليني حاجته كويسه جدا وهتلاقي اسعاره اقل من سيتي ستارز واخواتها
عندك كونكريت وده طبعا حاجته جميلة جدا بس اسعاره مبالغ فيها . بس بصراحة حاجته حلوة وبتعييييييييش
انا جايب منه جاكت جلد بقاله معايا فترة طوييييلة مش فاكر اد ايه ، ولسه بحالته
وعندك المصانع في اكتوبر وبالاخص فرع كونكريت هناك - اسعاره معقولة واقل من الفروع االعادية ، وكمان سرار حاجته حلوة واسعاره اقل - ده فرع المصانع اللي في المنطقة الصناعية اما غير كده اسعاره زي كونكريت
وفيه كمان محل اسمه سيفنتي ليه فروع في كل المولات ، جميل اوي .. الخط بتاعهم بيبن الكاجوال وبين الكلاسيك وفي كلاسيكيات هادية وفيه كاجوال كمان بس مش العك اللي بتلاقيه في طلعت حرب .. وهتلاقي اسعاره اقل من اللي فاته كلهم

وكمان عندك طيبة مول بقي out let مول .. كل المحلات اللي فيه عاملة saaaaaaaaaaaaaaale جامد
وفيه في طيبة فرع لسيفنتي ده لاقيت فيها تيشيرتات وبلوفرات بنصصصصصص التمن اللي موجود في باقي الفروع بره
اشتربت تي شيرت بـ 190 جنيه من فرع جنينه ، ورحت لاقيته في فرع طيبه بـ 100 او 110 مش فاكر
وفي شوية محلات في ضهر نادي التوفيقية للتنس من احمد عرابي بيجيبوا حاجات تركي مرحتش عندهم في الشتا قبل كده فمعرفش مودهم ايه لكنهم حاجتهم في الصيف بتبقي كويسة

موسوعة يا باشا.ربنا يباركلك وربنا يسهل الامور وانزل بكرة بامر الله الف لفة.

المشاركة الأصلية كتبت بواسطة نور القمر

اول واحد كنت شاريه هدية واحد قريب منه اوي ونفس اللون السنة قبل اللي فاتت ولون تاني رمادي الشتاء اللي فاتت من طلعت حرب
بس بسوسته مش زراير وشيك جدا على الجينز وتقيل بيدفي ومبطن ستان وخامته كويسه

حضرتك تقصدى المول ولا الشارع يا افندم ولو امكن تقريبيا سعره كان كام.؟

المشاركة الأصلية كتبت بواسطة mido51eg

اكتر اتنين عاجبيني رقم 1 ، 3 ولو لقيت منهم ياأستاذ ايمن قول لي وكذلك انا لو لقيت هكتب هنا واقول لكم. وبالمناسبة انت سايب صاحبك عربيته بايظة وبتدور على جواكت !!!!!!!!!!!!!!

ههههههه.صاحبى نفسه مش فى باله العربية تقريبا.هخاف انا عليها اكتر منه.والله انا شفت شبيه الاول فى تمبر لاند.بس ايه ب 1650 بس.

المشاركة الأصلية كتبت بواسطة ahmed2y

الاول والرابع جامدين جدا

عرفة الى فى العاشر من رمضان لو عندك وقت روح واتفرج وهتلاقى حاجات كويسة

يا مسهل الحال وانزل قبل ما التلج ينزل.

المشاركة الأصلية كتبت بواسطة khaloooda

ياريييييييييييييييييييييي ييت
موضوع الاحذية الكلاسيك ده مشكلة
الواحد ممكن يفضل لابس الجزمة طول اليوم وبوزها ضيق ونعلها جلد نااااااااشف
ياريت لو حد عنده معلومة يفيدنا في حوار الاحذية الكلاسيك ده

انا بتعامل مع 3 محلات (بيبو-المرشدى-احمدومحمود)