الموضوع: بالصــور تركيـــــب فوجــــــــات لانســــــــــر كريستــــــــــــــــــــ ــــالـــة

الحمد لله تم تركيب فوجات لانسر كريستالة موديل 2000 ( العريض )

في البداية الفكرة طبعا عندي من زمان واني اركب فوجات غير التقليدية بتاعة العربية ( شكلها مش اوي وإضائتها ضعيفة ) وكذا مرة اشوف لانسر مركب فوانيس عريضة بحجم الطبه بتاعة الفوج وسألنا وفحصنا في الموضوع لقينا الناس بتركب فوج العربية الديماكس وطبعا الموضوع دا سخني اكتر :)
http://www.nilemotors.net/Nile/241109-a.html

وبالبحث تم الشراء بعد معاناه عشان في كذا نوع منه ( الصيني ، الصيني النظيف ) وطبعا الفوانيس بتيجي بالضفيرة + الزرار ودي ميزة كويسة جدا جدا وموفرة جدا ودي صورته قبل التركيب

وبعد كدا رحلة البحث عن التركيب عشان مش نفس مقاس الطبه ( الطبة اكبر بحوالي 4 سم ) لازم حد بتاع فايبر يظبطها والحمد لله روحت لبتاع الفايبر وقاللي عشان اظبط صح لازم افك الاكصدام عشان اظبط وش العربية بالفوجات قولتلوا ماشي ودي شكل العربية عندوا ههههههههه

وتم تركيب الفوجات بالمقلوب عشان الشكل يكون مظبوط واكتر من اربع ساعات شغل متواصل وكان عندي حتة في الاكصدام مكسورة لحمهالي كمان :) والتثبيت بشكل جيد والحمدلله ودي شكل العربية بعد التركيب :)

وتم توصيل الكهرباء وتركيب الزرار بتاع فوانيس الديماكس بشكل محترف من صنايعي شاطر ماشاء الله عليه ووفر عليا تمن شراء زرار جديد للفوجات ( 100 ج من التوفيقية )
ودي حصيلة مجهود اكتر من اسبوعين والحمد لله

ونيجي للأسعار كلوا عاوز يعرف اتكلفت كام :)
الفوانيس 110 ج
مصنعية بتاع الفايبر 50 ج
( فك وتكيب الاكصدام + لحام جزء من الاكصدام وطبعا تركيب الفوجات )
مصنعية كهربائي 50 ج شاملة الآتي :-
5 متر سلك 2 مم + كتاوت + ضبط زرار الفوج على الطبة في التابلوة والموضوع مش سهل +تركيب وتوصيل الكهرباء للفوجات + فريم لكاسيت بيونير 3150 من عندوا عشان الفريم بتاعي كان مكسور :)
وإن شاء الله سيتم تركيب زينون في الفوجات في القريب العاجل :))
بس مستني منحة العيد وخصوصا بعد المصاريف اللي اتصرفت دي :))))
وأي استفسار انا في الخدمة