احلى نكته

**beautiful0mind** · 21-10-2011 12:20 AM

المشاركة الأصلية كتبت بواسطة mahamedaraby

واحد غبي جاله عقد عمل فى الكويت، يوم السفر قاعد فى المطار فالمذيع الداخلى بيقول : "على ركاب الرحله 770 المتوجهه الى الكويت التواجد بصاله الدخول"، "النداء الاخيرلركاب الرحله 770 المتوجهه الى الكويت التواجد بصاله الدخول." فموظف المطار بيقوله "رحله الكويت هتطلع يا أستاذ" ، فيرد عليه ويقوله : "يا عم دول طالعين رحله .. اناطالع شغل.".

جاااااااااااااااامدة بجد

خد دى

واحد قاعد في أمان الله بيقرا الجرنان، وفجأة جت مراته وضربته بغطا الحلة فوق دماغه .. طرررررخ!!! الزوج: "فيه ايه يا بنت الحلال؟ ليه كدا؟؟؟" الزوجه:"ايه الورقه اللي في جيب بدلتك ومكتوب عليها "سوسو"؟؟" الزوج: "يا بنت الحلال، ده أسم الحصان اللى بنشجعه في السباق!" الزوجه صدقته وراحت لحالها... بعد اسبوع، الزوج قاعد في أمان الله يقرا الجرنان، وفجأة جت مراته وضربته بغطا الحلة على راسه !! الزوج: "خير يابنت الحلال في ايه تاني؟؟" الزوجه:"حصانك على التليفون ..!!"

**shaddadfalcon1** · 21-10-2011 11:28 AM

مره واحد محشش راح يخرج... فقال لأمه عايزه حاجه ياما انا خارج.
قلتله روح يا ابني ربنا يبعد عنك ولاد الحرام وبنات السوء !!
قام رجع وقلها خلاص مش خارج بوظتي ام الخروجه!

**shaddadfalcon1** · 21-10-2011 11:29 AM

نساء العالم اتحدن وقررن ان لا يقومو باى اعمال فى المنزل!
وبعد اسبوع تجمعو ليعرفوا نتائج الاضراب!
فقالت الزوجة الفرنسية "انا قلت لجوزى ميشيل انا مش هعمل حاجة فى البيت الاسبوع دة كلة" وقالت "اول يوم ماشوفتش حاجة تانى يوم ماشوفتش حاجة تالت يوم بدا يغسل ويمسح" وقالى "انتى بتتعبى اوى يا حبيبتى".
وقالت الزوجة الانجليزية "انا قلت لجوزى انا مش هعمل حاجة خالص فى البيت الاسبوع دة اول يوم مشوفتش حاجة تانى يوم بدا يعمل الاكل تالت يوم عشانى وغدانى برة."

جت المصرية وقالت "انا قلت لابو العيال انا مش هعمل حاجة فى البيت الاسبوع دة" وقالت "اول يوم ماشوفتش حاجة تانى يوم ماشوفتش حاجة تالت يوم بدات اشوف شوية بعينى الشمال!!!

**shaddadfalcon1** · 21-10-2011 11:31 AM

خمسة مساطيل بيصلوا واحد عطس قال: الحمد لله. ……قال الثاني: يرحمك الله. ….. قال الثالث: ما ييفعش تتكلمو! ….قال الرابع: كل صلاتكم غلط! …..قال الخامس: الحمد لله أنا ما تكلمتش

**shaddadfalcon1** · 21-10-2011 11:32 AM

مرة واحد غبي ضاعت محفظته راح القسم عمل محضر الظابط بيقولوا ماتقلقش يابلدينا هنجبهالك من تحت الأرض وبعد ما خرج من القسم شاف الناس بيحفروا للخط بتاع المترو راح قايلهم الهمة يارجالة سودة وبسوستة

**shaddadfalcon1** · 21-10-2011 11:33 AM

مره واحد قال لمراته ايه رايك نعمل جمعية .. قالت : ازاي ؟؟ قل لها كل يوم ابوسك بوسه واديكى جنيه فوافقت .. فجه اخر الشهر لقي معاها تسعين جنيه فسالها : ايه الفلوس ديه ؟؟ فقلتله : اسكت مش ابو ابراهيم جارنا دخل معانا بنفرين

**shaddadfalcon1** · 21-10-2011 11:36 AM

مره كانت نانسي عجرم ماشية بالسوق لقت بغبغان قعد يناديلها عجرم عجرم عجرم .. عاجبها جدا و اشترته راحت عالبيت وحطتوا بقفص قام بليل جالها واحد قام قعد الببغان يقول خاينة خاينة … فراحت رجعته و حكت لصاحبه القصة قام سخن ميه وحطه فيها ونتفلوا ريشه المهم بعد سنه رجعت مشيت بالسوق و كان الببغان تغير لونه و حلي صوته فقعد الببغان ينادي نانسي نانسي نانسي فراحت لتشتري بس قالتلوا للبياع ممكن امتحن الببغان قلها تفضلي قامت قعدت تسأله يا ببغان إذا إجا لعندي واحد بليل شو بتقول قلا أبوكي قالتلوا إذا 2 قلا أبوكي و أخوكي قالتلوا إذا3 قلا أبوكي و أخوكي و أخوكي قالتلوا إذا 4 قام قال الببغاء لصاحبه: قم يا عم سخن ميه

**mohammedabdallh** · 21-10-2011 08:10 PM

واحدة رايحة تشترى بغبغان الراجل قالها دا بغبغان جامد ترفعى رجليه اليمين يقولل اغنية لتامر حسني ترفعى رجليه الشمال يغنى لعمرو دياب قالتله ولو رفعت رجليه الاتنين هيعمل ايه رد الغبغان وقال هقع ياروح امك

**i_Boy** · 21-10-2011 10:07 PM

المشاركة الأصلية كتبت بواسطة shaddadfalcon1

مره كانت نانسي عجرم ماشية بالسوق لقت بغبغان قعد يناديلها عجرم عجرم عجرم .. عاجبها جدا و اشترته راحت عالبيت وحطتوا بقفص قام بليل جالها واحد قام قعد الببغان يقول خاينة خاينة … فراحت رجعته و حكت لصاحبه القصة قام سخن ميه وحطه فيها ونتفلوا ريشه المهم بعد سنه رجعت مشيت بالسوق و كان الببغان تغير لونه و حلي صوته فقعد الببغان ينادي نانسي نانسي نانسي فراحت لتشتري بس قالتلوا للبياع ممكن امتحن الببغان قلها تفضلي قامت قعدت تسأله يا ببغان إذا إجا لعندي واحد بليل شو بتقول قلا أبوكي قالتلوا إذا 2 قلا أبوكي و أخوكي قالتلوا إذا3 قلا أبوكي و أخوكي و أخوكي قالتلوا إذا 4 قام قال الببغاء لصاحبه: قم يا عم سخن ميه

ههههههههههههههههههههههههه هههههه