سامح محمد pschiptuning subdealer في مصر، موبايل:
+20 10-1251586
للاستزادة يمكنكم التوجه الي يوتيوب و البحث عنpschiptuning و ستشاهدون العجب العجاب، ارجو ان تضعو اجمل الفيديوهات و تعلقوا عليها في هذا الموضوع لاثراءه.
سامح محمد pschiptuning subdealer في مصر، موبايل:
+20 10-1251586
للاستزادة يمكنكم التوجه الي يوتيوب و البحث عنpschiptuning و ستشاهدون العجب العجاب، ارجو ان تضعو اجمل الفيديوهات و تعلقوا عليها في هذا الموضوع لاثراءه.
موضوع حلو بجد ,فاجئنى و اتمنى تكون سعيد بالتجربة فى تركيا مع بارباروس
انا سامح وكيل (PS ChipTuning)الوحيد فى مصر,لاكثر من سنتين و يمكن أيمن مومو على علم من زمان
انا بقدم نفس الخدمة لأعضاء المنتدى الكرام باسعار خاصة شاملة الداينو,انا كنت عايز اصحح معلومة MOMO انا عندى الداينو الرباعى الخاص و الريماب بيتعمل عندنا و بنقيس السيارة قبل و بعد الريماب لأفضل النتائج .
تشرفت بوجودك في موضوعي المتواضع اخي سامح و الشباب اللي كانو حاملين هم الذهاب إلى تركيا اكيد في منتهى السعادة، اتمنى عليك ان تشرح لنا جميعا عن عملية الريماب و ان تجيب على الاستفسارات الواردة في الموضوع و التي منعت نفسي عن الإفتاء بها.
الرحلة إلى اسطنبول كانت اكثر من ممتعة لم يعيبها الا ضيق الوقت بسبب الانشغال بالسيارة و الالتزام بمواعيد عمل. و اكبر مكسب فعلا هو الالتقاء بشخص مثل بارباروسا هو فعلا فريد من نوعه و انا متأكد انك تعرف اني.لا ابالغ لمعرفتك به.
نقطة اخيرة افكر بشكل جدي بإجراء الموضوع في سوريا الا ان التكاليف العالية للاجهزة و المعدات و وجودي في مدينة صغيرة ليست العاصمة بالاضافة طبعا لظروف البلد الحالية كلها سوية تجعلني اتردد، فما رأيك و على حد علمي الريماب غير معروف في سوريا و لا يوجد من يقدم هذه الخدمة.
السلام عليكم
أولاً ألف حمد لله على السلامة من الرحلة الشاقة دي ، و الحمد لله انك حاسس إن النتيجة جيدة أو على الاقل توازي مجهود الرحلة :)
و أحب أشكرك على شكرك ومجاملتك الرقيقة في بداية موضوعك
لو تسمحلي وباقي الاعضاء الكرام أعلق عل النتايج إلي أنا شايفها أكون شاكر لسعة صدركم .
أول ملحوظة لفتت نظري وطبعاً رسمت على وشي إبتسامة لما شفتها ، في البرنامج القديم .. الشكل كله مستقيم أو بيتصاعد تدريجياً ماعدا حتة واحدة في الاول ، حد عارف إيه دي ؟ ، هي عربية حضرتك موديل كام ؟أعتقد 2007 ؟
ودي السوفتوير الجديد إلي كان بينزله التوكيل عشان حركة الفتيس إلي كان بينتش بين الاول والتاني ، والحل إنه كان بيقلل العزم قبل النقلة على طول عشان السائق يقل احساسه بالنتشة ، وبما إن العزم بيكون طبيعي قليل في بداية حركة العربية فالإحساس بنقص العام مش هيضايق السائق قوي يعني :)
الملحوظة التانية وقت التعديل ، وهو ساعة واحدة فقط !
للتوضيح بس .. أي موتور بيكون فيه عوامل (engine parameters) كتير جداً داخلة في معادلة العزم ومعادلة القوة ، لكن مش العزم والقوة بس هما الخارج الناتج من الموتور ، لأ دة كمان فيه حاجات تانية ذي العادم ومركباته ،واستهلاكه للطاقة، والحرارة و أماكن تركيزها وتوزيعها على أجزاء المحرك وأنابيب العادم ، والصوت ، والإهتزاز ، والنعومة وسلاسة الأداء، حاجات كتير جداً بتطلع من المحرك ، ولفكرة في البرنامج إنه بيحقق معادلة وموازنة ما بين كل دول عشان على طول أداء المحرك من أول 500 RPM لحد 7000 RPM (أو أكتر أو أقل على حسب المحرك )، والأداء دة بيتحدد متطلباته على حسب إحتياج العربية دي ومفروض تتبع فين ومين السائق المستهدف ... وهكذا .
يعني نفس المحرك ممكن يتعمل منه نسخة رياضية ونسخة هادية في الصوت ونسخة باردة و و و- .. على حسب هيتباع فين ولمين ، ولو الناس تفتكر الميجان فيه منها موتور 115 حصان و-110 حصان ، وهي هي نفس العربية ونفس الموتور .
المهم نرجع تاني للموضوع ، فيه عوامل بتأثر أكتر من غيرها في أداء المحرك ، يعني لو افترضنا على سبيل المثال فيه 200 عامل للمحرك ، فيه منهم 10 هما إلي تغيرهم بيأثر جامد قوي في الأداء ، والباقيين تأثيرهم أقل في الأداء ، لكن مهمين برضه لأنهم داخلين في حاجات تانية ذي الصوت مثلاً أو نعومة أو إهتزاز الموتور ...
وموضوع إنه عدل في ساعة واحدة دة معناه إنه غير في حاجات قليلة ، وهي الاكثر تأثيراً !
أول حاجة واضحة تقليل العزم عند النقلات ودة غالباً عمله عن طريق التحكم في البوابة أو الثروتل بادي ، ودة معناه إنه اتحكم في كمية العواء الداخل للموتور ودي طبعاً حاجة مؤثرة جداً في أي موتور ، ولو الناس تفتكر زمان في الكربراتير كان فيه حاجة اسمها "بك الهوا" ، كان الميكانيكي لما يلعب فيها يا إما تحس العربية فاقت قوي يا إما إتكتمت ، بس كان إيه عيبها ؟ حد فاكر ؟ سخونة العربية بتزيد أو تقل ، وبدون الدخول في تفاصيل فنية لكن العربية كدة يا إما هيكون داخل لها هوى أكتر من البنزين (تسخن ) يا إما داخل لها بنزين أكتر من الهوا (تكون باردة بس تستهلك بنزين ).
التجربة في الحتة دي إلي محتاج حضرتك تجرب فيها هي ما بين سرعة 3000 و-3500 RPM ، لأن دي أكتر منطقة فيها تعديل ، هل لو مشيت عليها فترة منتظمة العربية بتسخن ولا إستهلاك البنزين اللحظي بيزيد ؟ ، لأن لو هو عدل فقط في جدول البوابة يبقى هتسخن ، ولو عدل معاه كمان في جدول الحقن يبقى العربية هتسحب بنزين أكتر من العادي في المنطقة دي . لكن الأداء هيتحسن أكتر .
تاني حاجة .. حضرتك بتقول إستهلاك البنزين عموماً كان أقل ، عشان حضرتك وانت في سفر أكيد كنت ماشي على 160-170 ، وأكيد على سرعة موتور في حدود 4500 -5000 RPM تقريباً ، وعند المنطقة دي في الشكل المرفق هتلاقي العزم زاد شوية ، يعني الأداء أفضل وبالتالي هتاخد سرعة أعلى بنفس البنزين مقارنةً بالقديم ، أو بمعنى أصح عند نفس السرعة هتستهلك بنزين أقل ، لكن دة في المنطقة المستقرة من الشكل ، و دي مش بيكون استخدامها في القيادة العادية، يبقى دي أهميتها محدودة شوية ، العبرة بالإستهلاك داخل المدينة . إلي ممكن يتحسن برضه لكن مش بنفس الدرجة .
تالت حاجة .. ودي أكيد عدل فيها هي فتحة الرشاش ، أو كمية البنزين المحقون ، ودي بيتم التحكم فيها عن طريق أكتر من عامل من عوامل الموتور ، طب ليه أنا متأكد قوي كدة ؟
أرجع لسؤال meggieboy ، هي ازاي العربية مش بتخرج غير 87 حصان بدل المكس بتاعها إلي هو كان 110 !!!، الإجابة ببساطة هي 4 سنين إستعمال وبنزين مختلف وبلد مختلفة ، يعني إيه الكلام دة ؟
مع الإستعمال الرشاشات أكيد ضاقت شوية نتيجة تراكم كيماويات البنزين على جدرانها (وعشان كدة بتحتاج تنضيف كل فترة )، وكمان مجاري الهوا أصبحت فيها نفس التأثيرات ويمكن الفلتر كمان مش نضيف ، ضيف على دول كمان إستهلاك الموتور ، يعني تأكل في جدران السيلندرات ، معناه عدم إحكام الحريق ذي ما كان يوم ما طلعت من مصنعها (ودي الحاجة الوحيدة إلي الناس بتكشف عليها لما بتيجي تشتري عربية مستعملة ، يقولك كبس كام في المية ) ، زائد كمان إن الإختبار الأساسي بيكون في جو ثابت (حرارة 25 درجة مثلاً وضغط جوي معين )، وبنزين بيكون أعلى حاجة متاحة للشركة وقتها إلي غالباً بيكون 98 أكتين ( ودة لوحده تغييره يؤثر في العزم مباشرةً )
لو جيت جمعت كل العوامل دي يعني كبس نقول مثلاً 85 في المية عشان الموتور لسة مش ماشي كتير ، وكمان ضيق الرشاشات وأتربة وضيق في المجاري الهوا والبوابة ، وتراكم أتربة وكيماويات وغيرها على الحساسات يبقى النتيجة 87 حصان دة منطقي جداً .
طب إيه من الحاجات دي ممكن نعدله ؟
الرشاش أصبح ضيق أو مش بيفتح كويس أو فيه بوش ، الحل نطول وقت الفتح بتاعه وبالتالي يدي نفس كمية البنزين إلي كان بيديها لما كان جديد ، يبقى كدة حلين جزء من المشكلة ومن غير إستهلاك زيادة في البنزين عن الطبيعي ، لأن احنا لسة داخل الحدود إلي كان متسمم عليها الموتور أصلاً ؛)، وحتى لو زودنا شوية في بعد مناطق السرعات ، يعني عند سرعة معينة أو حاجة عشان نحس بفارق في الأداء في المنطقة دي ، برضه مش هتكون محسوسة في الاستهلاك المتوسط ، لكن السائق هيفرح بتحسن الأداء فيها .
طبعاً عشان نعمل تحليلات أكتر لازم يكون فيه بيانات أكتر عن التعديل ، أو ممكن أقعد كدة مع نقطة نقطة مع البينات والمعلومات إلي عندي عن هذا الكنترول الموجود داخل الميجان من أيام ما كنت شغال فيه ممكن نعرف تحديداً إيه إلي اتعمل ، بس الموضوع مش مستاهل كل دة ، المهم إن الأداء يكون مرضي لصاحب السياره .
والأهم عشان نرد على اسئلة الاعضاء كلها إن في المجمل مفيش خطر مباشر على الموتور ولكن دايماً بيكون حاجة على حساب حاجة ، في مناطق هتلاقي الموتور فيها يسخن ومناطق ماسورة العادم تسخن ، ومناطق الرشاش فيها يبقى جايب اخره وتحت إجهاد عالي ومناطق يكون فيها رعشة في الموتور أو صوت أكتر من الطبيعي . (كلمة مناطق هنا أقصد بيها سرعة موتور معينة )
وهو دة إلي بتعمله أي شركة لما بتصمم أي موتور انها بتوزن ما بين كل العوامل دي مع بعض عشان ترضي أكبر عدد من الناس ، إلي عايز أداء كويس وإلي عايز إستهلاك كويس وإلي عايز عمر قطع غيار أطول وإلي عنده بنزين وحش ........ كل الناس .
مع إن إنت كدة هتسخن علي الرفيق أيمن Momo ،، عشان احنا بقالنا 3 سنين بنتجادل في جدوى الموضوع دة ومازلنا مش متفقين ، لكن الخلاف في وجهات النظر دايماً هدفه إن احنا نوصل للافضل وليس إثبات خطأ الاخر :baby25:
أخيراً أحب أقولك مبروك مرة تانية ، وإستمتع بالعربية ولا تقلق من شيء ، وفي إنتظار تقريرك بعد الإستعمال لفترة ، ويا سلام بقى كمان لو في أول نزول ليك لتركيا تاخد معاك زيارة معسل تاني وتعدي على بارباروس وتخليه يرسملك نفس جدول الأداء تاني بعد فترة ، تبقى في الجون :00020140:
الشرف لى ,فعلا بارباروس شخص فريد من نوعه
انا هكون سعيد فى الرد على استفسارات الاعضاء كلها .
بالنسبة لموضوع المجال ده فى سوريا ,انا شفت سيارات من سوريا فى السباقات و شايف ان ده شىء محبوب فى سوريا و هيكون مجال كويس,بالنسبة للتفاصيل انا هبعت لحضرتك رسالة خاصة .
يا صديقي الشرف ليا انت تهديني هذا النجاح .... ربنا يكفيك شرها ويقدرني علي مسئوليه هذا الثناء.اقتباس:
ايمن باشا، نورت الموضوع و اهدي نجاحه لك شخصيا فانت السبب و الوسيلة و لولاك لما كلن اصلا.
العزم اعلي في المسطح ... التسارع افضل في الرياضي.اقتباس:
هل يوجد فرق بين العادي و الرياضي?
انا اسف يا سامح باشا .... والله سقطت مني سهوا حته الداينو الجديد بتاعك .... ربنا يوفقك ويجعله قدم خير عليك .... وسعر 2000 جينه شامل القياس قبل وبعد ... دا سعر مبهر فعلا مش مجامله ليك والله يا سامح.اقتباس:
انا عندى الداينو الرباعى الخاص و الريماب بيتعمل عندنا و بنقيس السيارة قبل و بعد الريماب لأفضل النتائج .
(عايز اقولك كلمه في سرك .... كت التربو وصل و منيمه علي السرير في حضني )
علي ميعادنا يا درش اول الشهر في القاهرة.اقتباس:
طيب و المكان فين في القاهرة .
استاذي فرحات باشا الكبير .....اقتباس:
بقى العربية هتسحب بنزين أكتر من العادي
لا اعترض معاك في اي كلمه ... بس خليني ابسط الكلام عشان الرجاله ....
طبعا REMAPPING مقصود بيها اعاده رسم خريطه ال ECU للعربيه.
الخريطه دي مقصود بيها خريطه تحكم ال ECU في الهوا والبنزين.
اكيد انت اشغلت علي Tuning Car Studio وشفت ان اللعب كله في البنزين والهوا بس ومعادله كمياتهم من غير ما يبقي في تحميل علي الرشاشات والبساتم للوصول لافضل نتيجه ...
الضرر الوحيد ( ودا عن خبره السنيين في الحته دي ) في زياده استهلاك البنزين بصفه عامه ... يعني ببساطه تاكيد لكلامك.
السر ان اي Tuner بالنسباله مش فارق استهلاك البنزين مدام في احصنه حتزيد تحت الكبوت.... وكل حصان ليه تمنه.
هنا بقي يكمن القرار لكل شخص ... يعني هل ممكن يكون ليه جدوي عند كل الناس .... طبعا لااااااااااا
REMAPPING فقط لل TUNERS يا صديقي العزيز.
أشكرك يا صديقي العزيز على هذا التوضيح الجميل والبسيط
ولو تسمحلي بعد إذنك أضيف نقطة بسيطة، معلش مش بقدر أمسك نفسي لم تكون معلومة واقفة في زوري كدة ، وإنت عارفني :)
إلي أقصده بالتحميل على الرشاشات هو الآتي ، دلوقتي الرشاش دة محسوب ليه عمر إفتراضي مبني على إن بياخد كهربا قد كدة في كل حقنة ، نقول مثلاً إن العمر دة حوالي 100 ألف كيلو ، دلوقتي احنا عشان عملنا ضعف الكهربا يبقى عمر الرشاش تقريباً هيقل النص أو أكتر شوية ، يعني نقول 60-70 ألف !
بالنسبة لواحد عمل تعديل دة مش فرق كبير لأن أصلاً الموتور هيعدله تاني بعد فترة (وإنت أدرى مني في النقطة دي ؛) ) ، لكن لو الشركة الأم كانت عملت كدة من الأصل عشان تقوية الأداء كانت كل الناس هتغير رشاش على 60 ألف وهيطلع سمعة على طول إن العربية دي وحشة بتاكل رشاشات ، إنت فاهم قصدي ؟
وقيس على كدة بقى كل جزء مستهلك في الموتور بيتحمل عليه أثناء التعديل ، ذي البوابة وحساس الهوا والاكسيجين والبوجيهات ، كل دول عمرهم هيقل بالنسبة للعادي ، لكن مش لدرجة إن تاني يوم هيبوظ .. لأ أنا بتكلم على عمر إفتراضي للإستعمال بيكون بالسنين عادةً .
اعذرني تاني على الدخول في التفاصيل قوي كدة ، لكن إنت عارف أنا بحب كل شيء يكون واضح بكل تفاصيله وكل واحد بعد كدة حر في إختياره
ولا إيه يا صديقي ال-Tuner :)
انا كنت عايز اشارك فى نقطة صغيرة,الرشاش بيشتغل عن طريق سرعة النبضات او وقت الحقن,كلما زادت سرعة الاشارة,زاد معاها كمية البنزين الناتجة داخل غرفة الاحتراق,مش معنى انك تزود كمية البنزين يبقى العربية هتكون اسرع و قوتها تزيد لكن بالعكس القوة هتقل الا لو كانت النسبة اصلا قليلة و محتاجة زيادة,و دة برده يقول ان الرشاش جهده بقة اقل فى حالة الميجان ,يعنى متقلقش عليه لو حالته جيدة .
بالنسبة للميجان ..لو حضرتك عندك خلفية عن نسب خليط الاحتراق بين الهواء و البنزين هتعرف ان فى نسب معينة للموتور و لازم النسب ديه تتم بصورة صحيحة فى غرفة الاحتراق عشان الموتور يتطلع احسن كفاءة.
الميجان بتنزل من المصنع بنسبة البنزين عالية لدرجة انها تقلل قوة الموتور و انا اختبرت النسب ديه بنفسى .فعلا ugitirian محمد عنده حق فى كلامه ان نسبة استهلاك بقت احسن و طبعا مع زيادة فى القوة .
عايز اضيف معلومة اخيرة ان الداينو بتاع PS Chiptuning نتائجه اقل بكتير من الانواع الاخرى و ده سبب يفسر ان الرسم الاول كان قليل شوية,ده مش غلط لان مفيش جهاز داينو بيدى نفس الرسم و الناتج النهائى لازم دايمن بيكون فى فروقات,اهم حاجة الناتج قبل و بعد و راحة صاحب السيارة بالفرق ده .
شكرا
سامح باشا
أنا أعلم إن التحكم في الرشاش عن طريق Pulse Width و-Duty cycle ، وأحيانا عدد الحقنات في كل دورة (على حسب نظام التحكم في الموتور )، وأعلم تماماً كما ذكرت في كلامي إن المفروض النسبة تكون موزونة بين البنزين و الهوا ، وبالتالي مش كتر البنزين هو إلي هيحسن ولا كتر الهوا ، وطبعاً النسبة المثلى هي ال-،stoichiometric .
ومتنساش إن ال-S3000 بتاع الميجان دة closed loop ، يعني حساس الاكسيجين بيزبط تاني الكمية عشان يقلل الاستهلاك ، وبالتالي كلمة العربية بتنزل بنزينها كتير مش دقيقة .
بس الفكرة هنا مع رشاش قديم و فلتر ومجاري هوا قديمة إن الداخل للموتور هيكون بالفعل أقل من المصمم عليه ، سواء من الرشاش أو من الهوا والبوابة ، وبالتالي هو بيعوض دة في أغلب الاحيان بزيادة ال-pulse width على الرشاش ، في مناطق معينه من ال map ، وقبل دة كمان ممكن يزود كمية الهوا عن طريق الثروتل.
الخلاصة إن ممكن يكون فيه تحسن في الاستهلاك ذي ما قلت في المتوسط لكن مش في كل أجزاء الماب .
أخيراً أنا سعيد جداً بالحوار دة لأنه بيفيد الكل ويسعني التعرف عليك في أقرب فرصة إن شاء الله