تويوتا يارس 1300 اوتو ولا لانسر بومه 1600 اوتو
المقارنه من حيث :
1-الراحه
2-قوة الموتور سحب وتوب سبيد
3- مدى قوة التكييف وتأثيره على سحب العربيه
4-الباور
5-سعر قطع الغيار
6- الاعتماديه (الاعطال )
عرض للطباعة
تويوتا يارس 1300 اوتو ولا لانسر بومه 1600 اوتو
المقارنه من حيث :
1-الراحه
2-قوة الموتور سحب وتوب سبيد
3- مدى قوة التكييف وتأثيره على سحب العربيه
4-الباور
5-سعر قطع الغيار
6- الاعتماديه (الاعطال )
البومه من خلا ل تجربتها سنه لحد 50 الف كيلو والله ما عتبت التوكيل ولا مرة وقفت ولا قالت اي سحب حلو جدااااااااااا علم علي عربيتنا المرحومه الكورولا 1.6 مش اليارس 1.3 التكيف كان معقول لكن بتاع الاوبترا الي معانا حاليا علم علي تكيف اللانسر تكيف الاوبترا غبييييييييييييييييييييييي يييييييييييييييييي والله بيجكد الواحد التاتير علي السحب في البومه مفيش اسعار فطع غيار البومه معقوله كاتيل وحجات من دي
البومه
1- اعطال مفيش
2- حاليا ستيب تورنك
3-نعومه
4-سحب
5-قطع غغيار متوفرة
6-الموديل الي كان معانا 2006
كسحب التويوتا ما تور 1300 افضل من الانسر 1600 عن تجربة
كأعتمادية الاتنين كويسين بس اليارس تكسب في عمر قطع الغيار
كبور اليارس افضل بكثير
كقطع غيار في مصر اعتقد الانسر تكسب
شوف بقه بالنسبه لاستهلاك البنزين الياريس اقل جدا من الانسر موفرة بطريقه غبيه متعه القيادة الاتنين قريبين من بعض الياريس اعلى فى المطبات الثبات على السرعات العاليه الانسر تكسب صوت الماتور الانسر اعلى بشىء بسيط التوكيل اتا اتعاملت مع تويوتا الى فى ابو رواش ناس زى الفل والشاى مجانى يعنى جوة البلد انا افضل الياريس لو سفر مسافات افضل الانسر بس اكتر شىء لاحظته فرق التوفير فى البنزين الياريس بعد خمس سنين هتوفر تمنها من البنزين ودة اكتر شىء عجبنى فيها
انا مجربتش ولا واحده فيهم
بس لو انا اللي بشتري حجيب اللانسر
ليه معرفش
:)
انا مبحبش الياريس لسبب تافه بس ميضايقنى جدا, منظر العدادات اللى فى نصف التابلوه مستفززززز
هرد على استفسارات حضرتك لكن للامانة انا مركبتش او سقت لانسر قبل كدة فكلامي عنها هيبقى مبني على المواضيع والردود والحجات اللى سمعتها من ملاك العربية
1-الراحه
الاتنين طبعا القعدة فيهم مريحة لكن الانسر كصلون اوسع نوعا ما من الياريس لكن مش بكتير
في نفس الوقت الياريس عفشتها انعم بالتالي هتبقى اريح معاك في الطرق والاحساس بالمطبات
2-قوة الموتور سحب وتوب سبيد
ماتور الياريس صحيح 1300 بس شديد وعمرك ماهتحس انه ماتور 1300 ابدا بالعكس هتلاقي نفسك بتعدي عربيات 1600 مرتاح سواء اتوماتيك او مانويل
الانسر برضوا سحبتها قوية والناس بتشكر فيها لكن مين اقوى الله واعلم واعتقد الفرق مش هيبقى كبير لو مشيت لانسر جمب ياريس من الصفر
3- مدى قوة التكييف وتأثيره على سحب العربيه
الياريس ثم الياريس ثم الياريس
تكييف يخليك تحس بالبردوة وتقلله مهما كانت درجة الحرارة
عايز اقول لحضرتك والله العظيم في عز الصيف وفي عز الظهر بقلل التكييف نتيجة اني بحس اني بردت !
هو بيأثر على سحب العربية بس مش التأثير الكبير يعني حاجة مش ملحوظة بس يمكن تحسها لو مشغل التكييف والعربية محملة اوزان غير كدة مش هتحس بحاجة
4-الباور
الياريس باور كهرباء والانسر بور زيت وبالتالي فالباور في الياريس افضل
5-سعر قطع الغيار
الانسر طبعا بدون نقاش متوفرة وارخص وممكن تجبها من البقال لكن برضوا قطع غيار اليارس متوفرة لكن غالية شوية
6- الاعتماديه (الاعطال )
الاتنين الاعتمادية فيهم عشرة على عشرة وهتشتريهم وتنساهم
انا الحمد لله العربية بقالها معايا خمس سنين مافتركش اني وديتها لميكانيكي قبل كدة حتى صيانات التوكيل الدورية مكبر دماغي منها واخري اغير زيوت فقط لا غير
ده بالنسبة للنقاط اللى حضرتك سالت عنهم
لكن بإختصار لو هنتكلم على مميزات البومة فهي افضل من الياريس فالتالي
الثبات على السرعات وفي الملفات - الياريس ثابتها مش قد كدة
اسعار قطع الغيارا والصيانة - وده نتيجة لان البومة منتشرة انتشار فظيع فقطع الغيار منتشرة وارخص
والبومة زيرو ارخص من الياريس الاتوماتيك (البومة هتبقى في حدود 117 - 120 على حسب اخر مرة سالت عليها ومش عارف بصراحة دي انهي فئة - الياريس الاتوماتيك الكاملة عاملة 133 الف ! ! )
ولو هنتكلم على مميزات الياريس فهي افضل من البومة فالتالي
التكيف فرق كبير
العربية اعلى والعفشة انعم
الباور افضل من الانسر مع ان باور الانسر برضوا جميل
استهلاك البنزين - فرق كبير لان دي 1300 ودي 1600
اما باقي العوامل كاعتمادية وسحب وقوة ماتور هتلاقي الفرق بسيط
------------
انا انصح حضرتك لو ناوي تشتري زيرو وفضلت الياريس استنى الشكل الجديد عشان خلاص هينزل قريب اوي واسال عليه في التوكيل شوف هينزل امتى والاسعار المتوقعة والكلام ده
البومة جميلة بس بقت حاجة قديمة ومتعودين نشوفها كل يوم في الشارع وبشكل كبير ومش هتحس ان حضرتك اشتريت حاجة مميزة
الله يبارك فيك يا باشا وصدقني فرقت معايا في الثبات في كتير اوي اوي اوي اوي يعني لو حضرتك ناوي على الياريس وخايف من الثبات جبها واديها جنط 16 مع كاوتش عريض وهتدعيلي
ماتور الياريس ال 1300 هو نفس ماتور الكورلا ال 1300 الشيب القديم
وده بيطلع 92 حصان و فيه ناس بتقول 88 حصان تقريبا الله واعلم الصح فين وفي جميع الاحول القوة دي على وزن خفيف زي الياريس بيدي اداء جميل اوي
غياراته الاول بيقفل معايا 55-60 التاني 95-100 التالت 150-160
اقصى سرعة جبتها انا شخصيا بالعربية على الصحراوي كانت 185 واعتقد ان الاتوماتيك ده التوب سبيد بتاعته اما المانويل بتقفل ال 200
التسارع من صفر ل 100 ماقدرتش احسبها بالظبط الصراحة لكن ان شاء الله همسك الاستوب واتش وهحسبها عشان ناس كتير سألتني عليها
ياريس 1300 :
نعومه و راحة الركاب أفضل
شكل خارجي مميز
توفير بنزين ممتاز
ارتفاع عن الأرض أفضل ( الارتفاع بالأرقام متتطابق مع البومه ذات الجنط 15 الأصلي ، لكن حوض الياريس ضيق أكتر و ده بيخلي العربية ماتحكش في المطبات أفضل )
لانسر 1600 :
موتور أقوى ( بمراحل )
ثبات أعلى ( بمراحل )
صالون أوسع
قطع غيار أرخص
بالنسبة للتكييف يا أفندم العربيتين زيرو مش هتحس بفرق كبير .. أي عربية زيرو حتى لو كانت صيني تكيفها هيكون فوق الممتاز ، لو هنتكلم مع العمر .. أنا بسوق أكتر من عربية ياريس موديل 2007 و 2009 بصراحة تكييف ممتاز .. و برضه لانسر بسوق 2005 - 2007 - 2009 برضه كله ممتاز جدا ماقدرش أقول واحد أحسن من التاني .. بالنسبة للتأثير على السحب مدام هتشتري عربية مش أوروبي يبقى التأثير على السحب هيبقى كبير فعلا أيا كان بقى ياريس أو لانسر أو كورولا أو شارك أو مازدا حتى السيفيك ... كلهم لما التكييف بيشتغل خصوصا وقت الظهر السحب هيقل بنسبة كبيرة.
بالنسبة للسحب لو عايز أرقام .. الياريس مانيوال من 0 إلى 100 كم في 13 ثانية مانيوال
لانسر في 10 ثواني أوتو .. و نقدر نقول 9 و أجزاء من الثانية كمان .. علشان كده بقولك فرق قوة الموتور فرق كبير ..
الأرقام دي نتيجة تجارب شخصية + تقييمات عالمية + فيديوهات كل الناس تقدر تشوفها :
lancer acceleration from 0 to 100 km/sec - YouTube
Mitsubishi Lancer 1.6L Vs. Kia Cerato 1.6L - YouTube
9 sec. 0 a 100 km/ h Lancer GLX - YouTube
Toyota Yaris Acceleration 1.3L - YouTube
Toyota Yaris 0-100 km/h Video
2009 Toyota Yaris - Consumer Guide Automotive
تقييم الياريس الجديدة 1500 على توب جير 11 من 20 .... و أغلب الحديث مازال يدور على الثبات ، التسارع ...
المشكلة بس مش عارف ألاقي تقييمات للانسر البومه لإن أغلب التقييمات على توب جير أو غيره كلها للشارك مش للبومه .. لكن عموما تقييمات البومة القديمة فيه منها مازال موجود على مواقع تانية غير توب جير .. العيوب كلها بتدور حولين صوت الموتور العالي ، العفشة ناشفة شوية و غالبا مش بتاخد أقل من 8 من 10 ...
لازم تحط في اعتبارك إن لانسر هي فئة تقارن بالكورولا على طول الخط في كل الإصدارات .. دي تناطح دي في كل دول العالم ... أما الياريس فهي فئة أقل من الكورولا ، و ده شيء متعارف عليه .. بالتالي كده انت بتظلم الياريس كعربية .. لكن طبعا اللي خلاك تقارن ده بده هو إن سعرهم زي بعض مش أكتر ..
تقيمي الشخصي للبومه 1600 تاخد 8 من 10 مقابل سعرها ... الياريس 1300 تاخد 6 من 10 مقابل سعرها .. الياريس 1500 تاخد 7 من 10 مقابل سعرها ...
و التقييم ده بناء على إن فيه عربيات تانية أرخص في السعر من البومه و الكفائة تقريبا واحده .. زي الجين تو
و فيه عربيات كتير جدا جدا سعرها أفضل من الياريس بكتير أيا كانت 1300 أو 1500 و أحسن منها .. زي الصني أو الجين تو أو البومه أو الهوندا سيتي أو التيدا .
كده الموضوع يرجع لحضرتك .. لو محتاج عربية داخل المدينة و شكلها أشيك و قعدتها مريحة و توفرلك بنزين .. ياريس .. لو محتاج عربية سفر يبقى اللانسر أفضل.
انا اكيد مش هجادل حضرتك في الفيديوهات دي ابدا ولا هشكك فيها لاني عمري ماسقت الانسر فمعرفش
لكن انا هتكلم على اللى سقته وحافظه
الفيديو ده
Toyota Yaris Acceleration 1.3L - YouTube
ده مش ممكن ابدا يكون تسارع الياريس اللى انا راكبها بقالي خمس سنين
ده حاجة من الاتنين ياما المكنة فيها حاجة
ياما (وده الارجح) ان السواق حمار مع إحترامي الشديد ليه لانه ماداش الكيك داون بتاعة الغيار الاول صح ودي باينه وواضحة جدا ان الRPM في الغيار الاول طالع براحة وعلى مهله خالص وده أخر العربية في التسارع من 0-60
تقدر حضرتك تبص على الفيديو ده مثلا
toyota yaris 0-100 - YouTube
واضح طبعا ان العربية مانويل وعمل تسارع في زمن 8 ثواني وهتلاقي فيديوهات كتير نفس التسارع عشان كدة بقول لحضرتك فيديوهات اليوتيوب مش بعترف بيها لا ليا ولا عليا
عموما عشان نقطع الشك باليقين ليك مني فيديو تسارع عربيتي من 0-100 في اقرب فرصة هنزله لحضرتك :x1[1]: خليك متابع بس من فترة للتانية في قسم تويوتا وهتلاقيه قريب اوي ان شاء الله
فعلا وبامانة المبلغ 133 الف كتير ومبالغ فيه بغباء
لكن لو حضرتك بصيت على اسعار العربيات الياباني بشكل عام
السيتي اللى هي اقرب عربية للياريس تقريبا نفس السعر 127 الف
الكرولا وصلت ل 160 الف
السيفيك ناطحة في ال 190 ! !
فماتستغربش لما تلاقي الياريس ب 130 !
الى يدقعك 133 الف فى يارس 1500 روح هات بومة كاملة و استبترونك و فتحة سقف وجموط اسبور و وغتب وكساحات و اسبويلر و abs+ebd وحاجات تانية كتير وبجد هتدعليى دة لو مفيش عندك غير الاختيارين دول
هههههههههههه التوقيع بتاعك جامد
الفيديو اللي حضرتك منزله أحمد باشا ..
ياريس 1500 .. و ده كلام صاحب الفيديو :
jajajaj , yep, the car is stock, the car is 1.5 , is the same car that u can buy in eny toyota place.
i dont installed anything yet,
و أنا برضه مصدق على الفيديو ده و ماقدرش أكدبه .. الياريس 1500 مانيوال أنا جامع عنها فيديوهات على موضوع خاص في منتدى ميتسوبيشي بقارنها بالانسر و قايل إن التسارع بتاعها على السرعات القليلة يناهض اللانسر 1600 مانيوال .
سيبك بقى يا باشا من كلام الفيديوهات ده وانا صورتلك مخصوص فيديو تسارع عربيتي 1300 اتوماتيك
من 0-100 في 12.34 بالاستوب وتش بالظبط
وشوف الفيديو في الموضوع ده
http://www.nilemotors.net/Nile/253049-0-100-12-a.html
العداد بدأ يتحرك من عند الثانية 2 ولمس 100 بالظبط عند الثانية 14
لكن فيه اجزاء من الثانية لازم ناخد بالنا منها عشان كدة انا صورت فيديو وكان واحد زميلي ماسك الاستوب واتش وبالظبط طلعت في 12.34 ثانية
وعلى فكرة العربية تجيب تسارع احسن من كدة واقرا الموضوع اللى انا كاتبه وهتفهم ليه وازاي
تمام تمام تمام يا أحمد باشا ...
هو ده الكلام ..
و أنا فعلا لما سوقت الياريس بتاعت اصحابي جيبت بيهم 13 ثانية .. فأكيد الياريس بتاعت حضرتك أنضف شوية و انت مهتم بيها .. إنها تكون أوتو و تجيب الرقم ده فده شيء ممتاز جدا جدا ..
و أنا ماقولتش عليها وحشه في ولا رد من كلامي ..
بس هو الحق يتقال .. أنا بحاول أكون حيادي جدا ..
كده انت أثبتلي بالتجربة العملية إن ياريس 1300 أفضل في التسارع من لانسر 1300 فعلا ... لكن مازالت أقل من لانسر 1600 أيا كان أوتو أو مانيوال ..
و كده إحنا عرفنا نعمل موضوع كويس .. فيه الحجة و الدليل مش مجرد كلام ..
و مع إني بقول إن سعر الياريس مبالغ فيه جدا .. لكن بصراحه و عن تجربة شخصية .. إنك تشتري عربية ياباني زي الياريس أفضل بكتير من إنك تشتري عربية كوري أيا كانت إيه ..
تقبلوا تحياتي .. و كل سنة و انتم طيبين بمناسبة الأيام المباركه القادمة مع بداية شهر ذي الحجة ..
انا افضل الانسر
لانها فئة اعلى من اليارس
بما انك ممكن تدفع لفوق 130 الف .. ما تجيب النترا 2012 وفكك من العربيات دي اللي اعتقد مفيش ما يميزها غير كلمة ياباني
كلمة حق بصراحه الياريس مشوفتش زيها فى التسارع انا كنت ساعات باجرها فى دبى مفيش عربيه تسد معاها على الطريق الا العربيات الرياضيه زى انفينيتى وبورش وكده وانا معايا لانسر 2011 1600 ستبترونك ما تجيش جنب الياريس حاجه فى التسارع مع العلم الياريس كانت هتشباك مش سيدان
ماهو ياريس العربيه مش تسارع وخلاص, يبقى كدة الفيرنا احسن عربية,
الفكرة ان لو اتكلمنا على قدرة المواتير فاكيد موتور البومة 1600 بيخرج قدرة وعزم اكبر من الياريس ال1300 بس الياريس ممكن تسارعها يكون احسن فى الاول عشان وزنها الصافى kerb weight اقل من البومة بحوالى 10 - 15%
فيه حجات اهم كتير من التسارع لازم تحطها فى اعتبارك وانت بتفكر فى عربية, زى الثبات, الكماليات, التكييف, وسع الشنطة والصالون, توافر قطع الغيار, سعر اعادة البيع, فى مصر لازم العربية تبقى عالية على الارض بس بدرجة متاثرش على الثبات,
:U_thin1[1]::breakpc1:
لو مكانك
لانسر
العربيه بغض النظر عن 1300 او 1600 ومواتير وتسارع وحركات
الانسر فئه مختلفه عن الياريس
وشايف ان الياريس كبودي وصاج اضعف من اللانسر بكتير
خبطت مره في ياريس من الخلف وكانت خبطه مش جامده علي حوالي سرعه 25 العربيه كانت لسه واخده الغيار التاني
الاكصدام بتاع الياريس اشرخ نصفين وكانت حاجه غريبه جدا
حلو جدا النقاش ده وفعلا مقارنات مفيده جدا بس للاسف انا في اخيار بين فئات تانيه بين البونتو و الجولف قديمه في اوراخر التسعينات وبين حاجه كوري زي اللانوس لاني خايفه من عدم توافر قطع الغيار بدعوكم للمشاركه في الموضوع بتاعي