محتاج حد بيفهم عندو كمبيوتر اوبل

**drshadow** · 21-10-2011 11:57 AM

يا رجاله الاوبل عايز حد عندة كمبيوتر بس المحلة او طنطا لو بعيد ..
لسة مسقط موتور وعايز اظبطه على الكمبيوتر
ومحدش يقولى المنصورة حسام البحقيرى عشان اللى شارى منو يبقى تبعو .. ويمكن مقسمين سوا ..

سمعت عن عصام فى المحلة ومش عارف طنطا ياريت تفيدونا والموضوع ده بيتكلف كام

**the_bird5** · 21-10-2011 02:01 PM

انا كان عندى مشكلة ورحت امبارح عند واحد فى طنطا شكله بيفهم اوى ان شاء الله هروح اجيب العربية انهارده وهقولك على اللى حصل كله هو اسمه وائل بس هو نفسه بيقولى انه غالى اوى

**the_bird5** · 21-10-2011 02:02 PM

لو عايز تيجى معايا ونروحله براحتك عايزتستنى علشان تعرف اللى حصل معايا ماشى

**drshadow** · 21-10-2011 02:39 PM

اوك ... استنى اعرف منك عملت اية النهارده

**medo111** · 21-10-2011 02:54 PM

في واحد تاني في المنصوره اسمو الزيني هو ميكانيكي لو عايز ممكن اوصفلك مكانوا واجبلك رقمو

**mora1stromio** · 21-10-2011 09:04 PM

بص يا باشا هو افضل واحد في طنطا اعرفه وعنده كمبيوتر وشغال بالكتالوج بتاع العربيه اسمه حسام اوبل هو كويس وقطع غياره اغلبها اصلي وغاليه طبعا
بس بصراحه انا مبقتش اتعامل معاه لاني بحس انه شخص خنقه كده وبيتنطط على خلق الله وشميط ع الاخر في الفلوس مش واخد بالو انه في والاخر ميكانيكي
هو شغله عباره عن انه بيكشف كمبيوتر يشوف العيب لاقاه مثلا في طرمبه البنزين يبقى الطرمبه كلها تتغير
الكمبيوتر ما جبهاش بيخليه يغير في القطع اللي هيا سبب العيب لحد ما واحده تظبط معاه يغيرها كلها
يا رب اكون افدتك
لو عزت حاجه تاني في طنطا قولي عشان انا مجرب صنايعيه هناك

**mora1stromio** · 21-10-2011 09:11 PM

المشاركة الأصلية كتبت بواسطة the_bird5

انا كان عندى مشكلة ورحت امبارح عند واحد فى طنطا شكله بيفهم اوى ان شاء الله هروح اجيب العربية انهارده وهقولك على اللى حصل كله هو اسمه وائل بس هو نفسه بيقولى انه غالى اوى

على فكره يا باشا لو قصدك على وائل فتحي "الالمانيه" في تفرع من حسن رضوان الراجل ده مش تمام زي ما انت فاكر وبعتمد ع العيال اللي شغاله تحت ايده وهما مش تمام وفي الاخر شميط فلوس
وخد بالك من قطع غياره زي الزفت وغاليه برده
لو ركبلك حاجه خد بالك امن عليها ع الاخر قبل ما تمشي عشان لو مشيت ورجعتله في نفس اليوم ع القطعه دي بياخد منك فلوس على تصليحها بس مش بيجيب العيب عليها
وحاول ما تسبش العربيه عنده وتمشي "او عند اي واحد غير المعرفه" لان العيال اللي عنده مهمله
يا رب اكون افدتك

**opelawy** · 21-10-2011 09:21 PM

روح لشكري في المنصورة في سوق الجملة

ممتاز و هوا اللي ظبطتلي العربية بعد معاناة شهر كامل

**drshadow** · 22-10-2011 01:37 AM

شكلها هترسى على شكرى ربنا يسهل

**mora1stromio** · 23-10-2011 02:48 AM

والله يا باشا مش بعقدك
بس عشان انا انكويت منهم مش عايز حد يكرر اللي انا عملته
انت هاتتعب شويه على ما تلاقي حد نضيف وفي نفس الوقت محترم بس بعد كده هاترتاح
ولو سمعت من حد صاحبك بيفهم في الصنايعيه ان في ميكانيكي نضيف ومحترم روحله مهما كان فين
وربنا معاك ان شاء الله