رأيكم فى ماكنية حلاقة hitachi

**MASERATI** · 27-10-2011 01:53 PM

السلام عليكم و رحمة الله و بركاته

أنا ماعرفش استخدام المكنة اللى سيادتك بتقول عليها بيبقى أخباره ايه, بس أنا بقالى أكتر من 17 سنة بحلق بالمكنة اللى هى الPhilishave ذات الثلاثة رؤوس و آخر واحدة معايا كنت جايبها من المدينة من السعودية و أنا بعمل عمرة من حوالى 10 سنين و بفضل الله, ممتازة جدا و ماغيرتش الأمواس بتاعتها الا مرة واحدة من حوالى سنتين و اللى معايا اللى هى ال4 series و بفضل الله, بتحلق زى الموس, و أنا أنصحك أنك تجيب منها و تجيب ال8 series لأنها هتكون الأحدث و ابعد عن الحاجات الغالية أوى زى ال arcetic و الكلام ده لأنها هتكون غالية بافراط, الArcetic دى فيليبس برضه.

أنا قصدى, هاتلك واحدة من دول:

Philips - 8200 series - Personal care - Shavers

**Ahmed Selim** · 27-10-2011 02:35 PM

المشاركة الأصلية كتبت بواسطة a_h_m_a_d

بس طبعا ماتتوقعش نعومة الموس مع إستخدامها , لازم هاتلاقي شعرات صغيرة في الاخر مش هاتقدر تشيلها بيها

حاول تستخدم بودرة تلك قبل ما تستخدمها للتنعيم........أنا مش عارف أيه فايدته بالظبط بس ساعات لما بروح للحلاق و أحلق دقنى بالمرة بيحلقها الأول بالموس عادى و بعد كده بيستخدم مكنة زى اللى فى الصورة كده بس أقل فى العرض علشان ينعم بيها.......و قبلها على طول بيحط بودرة كده زى بودرة التلك.

**horas3000** · 27-10-2011 03:54 PM

شوف حضرتك انا كنت اشتريت مكنه باناسونيك شبيها باللي انت حاططها دي

دي صورتها

بس للاسف بتسببلي تهيج شديد في بشرتي و بطلت استخدمها رغم اني بشرتي مش حساسه و بالموس مفيش اي مشاكل

جبت بعدها فيليبس و اللي فيها ميزه اطلاق كريم و بييجي معاها عبوه كريم من نيفيا و قلت اهي دي ممكن تبقي احسن لكن للاسف برضه بتسببلي تهيج و لما بحط كريم بكميه اكبر الشعر المحلوق بيلزق فيه و بتبقي زروطه

دي صورتها

و ده الكريم اللي معاها

فشوف لو بشرتك حساسه الانواع دي مش هتنفعك قوي
و عرفت ان النوع اللي هينفعني بتكون الشفرات بتاعته مختلفه و دول كلهم غاليين