حد يقدر يساعدنى رجرجه جامده على السلانسيه

**mohmmedzohier** · 21-10-2011 03:53 PM

كيا اسبكترا 2005
1600 CC

اولا: المشكله دى بقلها سنتين ومفيش حد عارف ايه اللى فيها وهى

احيانا ادور العربيه الصبح فقط القيها بتدرجرج جامد لدرجه يد الفيتيس بيدرجرج جامد جوه ادوس بنزين تروح اشيل رجلى ترجع تانى للسلانسيه

وترجرج الموضوع دا بياخد بتاع 20 ثانيه وبعد يها كله زى الفل فى حاجه كمان الموضوع دا ممكن مره كل

اسبوع او كل شهر او ممكن مرتين فى اليوم هى بحالات الموضوع دا بيزيد فى الشتاء

تانيا : العربيه وهى بارد ادور العربيه حتى لو مفيش رجرجه ال ار بى ام بيبقى على الواحد او اقل كمان ويفضل ينزل احد 500 لفه تقربيا
ودا طبعا مش مظبوظ لانها كانت اعلى من الواحد وينزل لحد 850 لفه

مع العلم غيرت بوجيهات 3 مرات الاصلى

سلك بوجيهات 4 مرات

حساس tps
حساس maf
حساس idle
البوابه نفسها
الموبينه
طبعا الفلاتر كلها
وتنظيف رشاشات

ومش عارف اعمل ايه ياريت لوحد يفدنى

**eng.m7md.ali** · 21-10-2011 07:06 PM

تقريبا غلطت في القسم
هنا قسم بروتون ياباشا ههههههههههههههه
بس على العموم ممكن يكون من البنزين
جرب غير البنزين وحط 95 وشوف اللي هيحصل

**tarakgalal** · 21-10-2011 07:42 PM

ياسيدى احنا نحب نساعد حتى لو لقسم تانى حاول تستعمل منظف رشاشات من النوع الممتاز واللى بيضاف الى البنزين لأن تقريبا المشكلة فى دورة البنزين

**ahmed azab** · 23-10-2011 05:37 PM

يعني المشكلة انها بتدور واطية؟؟
المسؤول عن المشكلة دي في بداية التشغيل والعربية برده الايديل وبيخليها اول ماتدوور تبقي عليا علشان متحس بالرجة دي وبتبقي اكتر من 1 علي الاربي ام لحد ماتسخن وترجع للوضع المثالي 7 او 8 علي حسب نوع العربية
وعلشان تتأكد منه لما بتشغل التكيف بتبقي نفس الرجة دي موجودة ؟؟؟؟
لانه في حالت عطله بيعمل نفس المشكلة مع التكييف
وممكن تروح عند حد كويس زي مركز الصفا اللي قباء هايظبطهالك ويحطها علي الجهاز ويقيس برده سلك البوجيهات

**mohmmedzohier** · 25-10-2011 04:56 PM

فينكو يا رجاله

**abdohod** · 02-11-2011 12:55 PM

يارب رسالتي تساعدك
في ميكانيكي شاطر جدا في النزهة - متفرع من جسر السويس وهم اثنين في الورشة مش واحد فقط - متخصصين كيا بالتحديد وكانوا شغالين في توكيلها لفترة طويلة وهم محمد وبطرس - رقم تليفون الأسطى محمد هو 0125634933 وسلملي عليهم كتير قولهم بس عبدالرحيم من السويس