الشارع على ناصيته قهوة الشمندورة
عرض للطباعة
الشارع على ناصيته قهوة الشمندورة
انا عن نفسي لا اتعامل مع عبده او اي احد من ورشته لان المرة الوحيدة الي رحتله فيها وطلع يجرب العربية وكشف عليها حسيت وانا ماشي من عنده اني راكب اسف علي اللفظ (( سلة مهملات )) مش عربية كان تقريباً عايز يغيير كل حاجة في العربية
عن نفسي الجاء للميكانيكي بعد تحديد العيب وقطعة الغيار التالفة عن طريق استشارت اخواني بالمنتدي والخبرة الي عندي في السيارات و بروح لميكانيكي في المطرية متعود عليه من زمان وبخليه هوا العضلات وانا المخ وطبعاً فهمتوا قصدي ايه
ماهو حضرتك يمكن العربيه كانت محتاجه حاجات كتير تتعمل وبصراحة انا واحد من الناس بسيب العربية لغاية الآخر وبعد كده اروح اتصدم فى اللى هيتعمل فيها وبصراحة بحس انهم كل حاجه عايزه تتغير ومش عارف ده فعلا محتاج ةلا لأ ؟!بس اللى انا مقتنع بيه بس هو اللى انا بعمله بس
انا فعلا بعمل زى استاذ طارق على قد ما اقدر
بفضل اشوف المشكله واقرى فى الكتالوج واسئل اخواتى هنا فى المنتدى
لحد ما احدد عاوز اعمل ايه
لو هقدر اعمله بنفسى يبقى خير وبركه
لو مقدرتش بروح للميكانيكى وانا شارى قطع الغيار معاى وهو يفك ويركب وعلى قد ما اقدر اكون عارف هو القطعه دى بتتغير ازاى
بقالي سنة من بعد مروحتله ولسة مغيرتش نصف الحاجات الي قالي انها عايزة تتغير من سنة زي
1 - طقم دبرياج كامل (( اسطوانة +دسك +بلية + فرش )) والعربية سافرت بيها ومشيت علي سرعة 175 كم وكان ممكن ازود
2 - طقم مساعدين امامي بالبطاحات والكوبيات ولسة مغيرتش حاجة منهم لغاية دلوقتي لان العيب كان في جلب المقصات
3 - ردياتير لانه مسدود ولسه شغال لغاية دلوقتي وطلع تسريب مياه من الكوعه الالمونيوم وعدم وجود الثرموستات الميكانيكي
الخ
الخ
الخ
هعد افرد تفاصيل كتير مش قلتلك خرجة من عنده حسيت اني راكب (( سلة مهملات ))
يعنى عاوزين نعرف من السادة الاعضاء... محمد عبدة صنايعى شاطر لوحدة ولا حسن هو اللى كان مشغله؟
يا جماعة ...... انا مش عارف انهى احسن حسن الكبير و لا محمد عبده ....... لان كل كلام الاعضاء فى الموضوع السابق بيقول ان حسن انسان لا يؤتمن ....... و بيمشى شمال .....
وده لينك الموضوع القديم
http://www.nilemotors.net/Nile/29619-a-6.html
و خاصة ان استاذ / محمد ممدوح ما شكرش فيه نهائى
يا ريت حد يفيدنا مظبوط لانى عايز اظبط كام حاجة فى العربية
والله اللى بيرتاح مع عبدو يروحلو والله بيرتاح مع حسن يروحلو - الموضوع راحه نفسية - محمد كان صاحب الورشة وحسن كان صنايعي فى الورشة حسن شاطر ومحمد شاطر وانا كل اللي يهمينى ان شغلي يتعمل صح من غير فذلكه ولا تغيير حاجه ملهاش داعي تتغير .
انا اللى كان بيشتغلى فى العربية من اول مادخل لغاية ماخلص حسن ومحمد كان بيعمل تشيكه كل شويه عملت كذا عملت كذا ......
انما موضوع الأخلاص ومخلص بصراحة انا سمعت اللى حصل من طرف واحد بس ماسمعتش من الطرف التانى والحكم يكون بعد سماع الطرفين