دي اراء شخصية وكل واحد وله رايه يحتمل الصواب ويحتمل الخطاء
عرض للطباعة
دي اراء شخصية وكل واحد وله رايه يحتمل الصواب ويحتمل الخطاء
انا شخصيا محصلش معايا مشكله معاهم علشان ببقي رايح عارف انا هغير ايه وواخد القطع معايا
لكن المشكله حصلت مع صاحبي وديتله عربيه لانسر عامله حادثه
جزره فيها كان مغلي عليه الحاجه علي اساس انه شغل تامين
وكان قايله الايرباج ب10000
روحنا جيبناها ب2800 بالتركيب
الصراحه كلام محمد ممدوح كله صح
انا سبب اني مرحتش لمحمد عبدوا من 3 او 4 سنين هو حسن لانه اشتغلني في فلوس كتير وانا كنت ليسه مش فاهم في العربيه اوي
كفاية اقول انه مره اشتغلني في طرمبة زيت بي 450 جنيه وديه اول ماره لان لمبة الزيت كانت بتنور قالي الطرمبة وانا بقالي معاه سنيين واسئلوا ممدوح من ايام الورشه القديمه الله يمسيها بالخير فقلت اميين هاعمل ايه امري لله وهو بيغير الطرمبه لقيته بينضف المصفاه وحرق السيلكون الي فيها وقالي نضافه مش اكتر
المهم عدت الايام و العيب ظهر تاني قالي طرمبة الزيت المره ديه قلت لا انا مش هاخود علي قفيا تاني وسعتها اسلام كان موجود قلت ديه المصفاه هي الي مسدوده قالي لا الطرمبة قلته المصفاه قالي طيب الهانفوك ولو مالقناش وساخه سده المصفه هاتشيل طرمبة الزيت قلتله طيب ماشي المهم اسلام فك ونزلة معاه بعد مافك الكرتيره بتاعة الزيت ولقينا المصفاه فعلا مسدوده بالسيلكون مشكله حسن انه بيغير كل حاجه ليها علاقه بالعيب وديه مش امانه منه بعد العشره الطويله ديه للا اسف وديه كانت النهاية مع ورشة محمد عبده ولومت محمد عبده علي كل ده وقلتله حسن عمل كذا و كذا وكان بيشتغلني في قطع الغيار جوان وش السلندر بي 40 جنيه يقولي 80 جنيه وانا طبعا معرفش لاني مش انا الي بجيب قطع الغيار هو كان يروح بالمكنه ويقولي حساب القطع الغيار كذا وانا اقله اميين علي اساس العشره و العيش و الملح الي كان مابينا بس مطمرش فيه للاسف
وفي الاخر قلت ربنا يسامحه لاني مش هاخسر ناس( محمد عبده ) و اعمل مشاكل علشان خاطر فلوس
فا انسحبة بكل هدوء من الورشه وماروحتش تاني من ساعتها
وعايز اقول معلومه محمد عبده اول واحد في مصر ركب مواتير ليجانزا علي عربيتيين نوبيرا عربيتي واحده منهم دلوقتي وعربيه تانيه بتاعة واحد ساكن في اكتوبر علي ما اتذكر
وممدوح يشهد علي كلامي
الله ينور عليك... انت كدة جبت المفيد يا عم ياسر....
انت عارف ان حسن دة كان سبب انى قفشت زمان و مروحتش لعبدة يجى سنة و نص؟؟؟... مرة كان عندى قاعدة موتور مقطوعة و روحت لعبدة و مكنش موجود و كان حسن اللى موجود... قولتلة على القاعدة و غيرها فى 5 دقايق بالعدد... كام عايز منى يا عم حسن قاللى 30 جنية (كان ساعتها لتر البنزين لسة بجنية)
اديتة ال30 جنية من سكات و مشيت... و انا فى الطريق كلمت عبدة قولتلة حصل كذا كذا و انا مش جاى الورشة تانى و فعلا فضلت يجى سنة و نص مبروحش بسبب استهبال حسن... و بعد ما رجعت اتعامل مع عبدة تانى قولتلة انى هحاسبة هو شخصيا و لو هو مش موجود همشى من غير ما اسيب فلوس لحد ما ابقى اقابلة تانى... و عشان كدة اى حد بيروح لعبدة بقولة حاسب عبدة مش حسن
انما لما الموضوع تحول الى تقليب قطع غيار و بيع حاجات جايبها عبدة لحسابة يبقى الموضوع عايز وقفة
MMamdouh