ميتسوبيشي كولت شوية استفسارات

**cupooo** · 21-10-2011 07:35 PM

السلام عليكم و رحمة الله و بركاته
انا كان عندي شوية استفسارات كدة عشان مقبل على شراء كولت 2001
هو في وحدة خلاص بحاول اخلص فيها و هكشف بكرة
فكان في حجات كدة فيها :
1) الماتور متغير و مركب 1600 mivec هو الماتور بيعرق و حالتو حلوة بس لما بيبدأ يشتغل بسمع زي صوت تاكيهات كدة و لما بتسخن بيروح الصوت , هل ده عيب خطير ؟؟
و الرخصة مكتوب فيها رقم الماتور 23 بس , هل في حاجة كدة و مترخص 1500 ؟؟؟ ازاي اتأكد انو مثبوت على الرخصة ؟؟؟؟
2) التاكيف بتاعها مش بيطلع هوا ساقع بس بيشتغل يعني لما تدوس على الزرار بتحس ان الكومبرسور اشتغل و الراجل بيقول انها محتاجة شحن فريون بس ؟؟ لو التكيف بايظ ممكن يتصلح بكام ماكسممم ؟؟؟
3) هي فيها رش عند الشنب بس ماجتش في الشاسية و فيها خبطة كدة من جوة يمين ناحية التقاء القائم مع العتب و هو عملها دوكو و رشاها
ممكن تفودوني هل العربية حالتها حلوة ولا ابعد عنها ولا اعمل ايه عشان اعرف حالتاها تستاهل ولا اية ؟؟
و شكرااا جدااا

**cupooo** · 22-10-2011 01:14 AM

هو مفيش حد عارف حاجا او حابب يساعد ؟؟؟؟

**sonystar** · 22-10-2011 01:28 AM

محدش يقدر يفيدك غير اللى معاة كولت

لو عايز راى لو صاحب العربية معرفة

والعربية سعرها حلو توكل على الله

واكيد هتلاقى الاصدقاء هنا هيفدوك

بس اهم حاجة تاخد بالك منها رقم الماتور انا ليا صحبى جاب بومة لقا رقم الماتور مش هوا اللى فى الرخضة ادبس فى واحد

بالنسبة مثبوت 1500

انا مركب 1500ى

مثبوت فى الرخصة 1300

**nice_bird** · 22-10-2011 01:28 AM

1) الماتور متغير و مركب 1600 mivec هو الماتور بيعرق و حالتو حلوة بس لما بيبدأ يشتغل بسمع زي صوت تاكيهات كدة و لما بتسخن بيروح الصوت , هل ده عيب خطير ؟؟

بالنسبة لصوت التاكيهات اللي عند التشغيل دا المفروض ميظهرش غير لما تكون باردة تماما بس ع العموم دا موضوع بسيط وبالنسبة للعرق بتاع الموتور علي حسب كميتو ايه هل حاجة بسيطة ولا كتير ويفضل تقيس الكبس بتاعو علشان تطمن

الرخصة مكتوب فيها رقم الماتور 23 بس , هل في حاجة كدة و مترخص 1500 ؟؟؟ ازاي اتأكد انو مثبوت على الرخصة ؟؟؟؟

رقم الموتور لازم تتاكد منو لان لو مش مثبوت صح هيعملك مشكلة وممكن تغرم موتور جديد وقصة 1500 في ناس كتير بتكون ثابتة الموتور اقل علشان الضريبة (عادي)

التاكيف بتاعها مش بيطلع هوا ساقع بس بيشتغل يعني لما تدوس على الزرار بتحس ان الكومبرسور اشتغل و الراجل بيقول انها محتاجة شحن فريون بس ؟؟ لو التكيف بايظ ممكن يتصلح بكام ماكسممم ؟؟؟

بص يا ريس طالما راشة شنب ممكن تكون خدت خبطة في السربينتينة وبقت بتنفس وكدا وطالما حضرتك بتقول بتسمع زي صوت كومبريسور فأما الراجل يكون صادق عايز يتشحن او محتاج سربنتية و غالبا هي زي الكريستالة في قطع غيارها

) هي فيها رش عند الشنب بس ماجتش في الشاسية و فيها خبطة كدة من جوة يمين ناحية التقاء القائم مع العتب و هو عملها دوكو و رشاها

خبطات الدواخل يفضل سمكري يكشف عليها وانا بفضل اني ابعد عن الحاجات دي خاصة في عربية نادرة

وليا استفسار عن العربية دي لونها ايه ومعروضة بكام

**cupooo** · 22-10-2011 03:21 AM

هو يا جماعة انا اكتشفت ان الراجل بيضحك عليا و الماتور طلع 1500 twincam لاني شوفت شاكلو و شوفتو على النت و العربية لونها اسود معروضة على كونتاكت كار و هو منزلها صور اعمل فيه ايه ده و هل 1500 دة حلو يعني يستاهل ؟؟
حوار مثبوت ده بقا انا اعمل اية يعني اخود بصمة الماتور و المفروض تكون 23 زي الرخصة ؟؟

**nice_bird** · 22-10-2011 04:37 AM

هل 1500 دة حلو يعني يستاهل ؟؟

بص يا ريس هيا كل مواتير الميتسوبيشي كويسة بس في مواتير منتشرة وليها قطع غيار ومواتير قطع غيارها قليلة شوية وبصراحة انا معرفش الموتور دا بس اسمع انهم بيسقطوه للكريستالة.

حوار مثبوت ده بقا انا اعمل اية يعني اخود بصمة الماتور و المفروض تكون 23 زي الرخصة ؟؟

كلام مظبوط بس الكلام لازم قبل ما تخلص فيها

http://www.contactcars.com/Images/Po...48_a1ga3dk.jpg

وعلي فكرة هوا العربية شكلها منصوب ومتظبط بس السعر غالي شوية لان فيها لعب في الدواخل انا كان قدامي كولت 96 بموتورها الاصلي 1300 وفيها كل التظبيط جنط 16 وديفل وعدة صوت ودي في دي وكراسي ريكارور كان بيحكي في 40 بس العربية صح الصح (راشة برا نظافة بس) وكل الناس قالتي دي اخرها 36 او 37 لما تكون عاجباك ع الاخر وعلي هيا تقريبا لسه قاعدة مع صاحبها لحد دلوقتي !!!

**cupooo** · 22-10-2011 09:13 AM

شكرااااا ليك يا باشا

**Sameh** · 22-10-2011 09:22 AM

طالما قلت بنفسك يظهر الراجل بيضحك عليا ، يبقا تسيبك من البيعة كلها حتى لو بيضحك عليك فى فرش الكراسى !

**prisoner** · 22-10-2011 09:26 AM

نصيحة خللى بالك طالما فيها كذب من اولها يبقى اكيد فيها حاجات تانية وانت ماكتشفتهاش فيها ولاقدر الله تطلع عيوب لايمكن تفاديها وترجع تندم خللى بلك العربية مش نادرة والا حاجة موجودة ومنتشرة بس انت دور كويس تحياتى

**cupooo** · 23-10-2011 03:04 AM

شكرااا ليكو يا رجالة و هو فعلا انا كلمتو و قولتلو انت كداب في كل كلمة و هو نازلي في سعراها بس انا مشترتش بردو لاني بكره كدة و جاري التدوير مرة اخرى و بشكر كل واحد ساعدني :]:]

الموضوع: ميتسوبيشي كولت شوية استفسارات

LinkBack

أدوات الموضوع

عرض

-

-

-

-

المواضيع المتشابهه

ميتسوبيشي كولت

فوانيس ميتسوبيشي كولت

ميتسوبيشي كولت

ميتسوبيشي كولت

ميتسوبيشي كولت

الكلمات الدلالية لهذا الموضوع

المفضلات

المفضلات

ضوابط المشاركة