عرض للطباعة
انا عايزة اشترى عربية مع العلم انى اول مرة اركب عربية ولسة بتعلم السواقة:) ... انا عرفة انه صعب ابتدى بعربية جديدة بس انا معرفش حد خالص و لا حتى فىحد فى اهلى ممكن يساعدنى فى شراء عربية مستعملة ... انا عايزة رايكم فى عربية تكون كويسة ... طبعا انا مش عارفة اية المواصفات الكويسة ويكون سعرها لحد الف 70000
اهلاً بيكى يا باشمهندسة نجوى معانا فى المنتدى
و احنا هنا كلنا اخوات و بنساعد بعض باللى نقدر علية
بس ممكن حضرتك تراجعى اللينك دة .. وتاخدى كوبى من النص و تحطية هنا فى الموضوع بعد ما تملية بالاحتياجات بتاعتك ... عشان المبلغ كبير و حرام يبقى الترشيح غير مناسب لإحتياجات حضرتك من العربية
استمارة استشارة فى الشراء
وهارجع تانى انا و بقية الاعضاء نرد على حضرتك
المبلغ المتاح /اقصى حد 65-70 الفنوع العربية / يفضل زيرو مع العلم ان دى اول تجربة ليا
إمكانية التقسيط فى حالة الزيرو /فى مقدم والباقى تقسيط (تقريبا النص)
خبرتك فى السواقة وسكك الصيانة /مفيش خبرة
شكل العربية / مش فارقة
الموديل / جديد
إستخدام السيارة فى الاغلب / الاتنين
انتقالاتك بالعربية / فى الاغلب لوحدى
الكماليات المرجوة / المهم التكييف
إستهلاك البنزين /قليل ودى اهم حاجة
قطع الغيار / فى المعقول (ويفضل رخيصة)
اماكن الصيانة / يفضل توكيل
التفرغ لأعمال الصيانة / ممكن تتدبر
الاستمرار بالعربية لفترة / هاتستمر بيها فترة طويلةفارقة
سعر إعادة البيع / خسارة معقولة
اهم حاجات بتدور فيها على العربية /الكل
- قوة تحمل
- قلة اعطال
- الشكل الحلو
- ............
ملاحظات اخرى / (اهم حاجة تكون سمعتها كويسة قوى صناعة واستخدام واستهلاك بنزين ومافيش شكاوى او عيوب ليه و ياريت لو شكلها مناسب لبنت بس مش شرط)
مدام نجوى أشتري هيونداي جيتز وتوكلي على الله
لو تزودي شويه السيريون يكون الاختيار المناسب بس اغلي شويه 77 الف
اة كدة فهمت
باشمهندسة نجوى
اشترى الكيا بيكانتو الجديدة
وعلى ضمانتى
فيها كل اللى انتى عايزاة و اكتر كمان
لها مميزات تانية كتير
(توكيل ممتاز -قطع غيار فى المعقول-سعر اعادة بيع هايل -توفير رهيب فى البنزين -ابعاد مناسبة للسواقة -حرية الحركة فى البلد-...)
ولو مش عايزة زيرو و عايزة توفرى ممكن تشوفى المستعمل بتاعها موديلات 2005 او 2006 (بس هايبقى الشكل القديم وهو حلو اوى برضو) و هاتبقى هايلة و فى حدود الخمسينات
ربنا يوفقك إن شاء الله
فعلا انا رأى ليكى حتبقى مناسبة جدا جدا الكيا بيكانتو
هية 1100 سى سى فل اوبشن ( تكييف و باور و 2 زجاج كهرباء و سنتر و عداد Rpm ) و على فكرة موفرة جدا فى البنزين
و التوكيل محترم جدا و الضمان الوحيد فى مصر 5 سنين او 100 الف كم ايهما اقرب
أختى الكريمة :
أنصحك بـــ كيا بيكانتو
أولاَ أهلاَ بك يا بشمهندسة في المنتدى ..
فعلا البيكانتو احسن إختيلر لك ..
كماليات + قوة + أوسع سيارة في فئتها + سعر مناسب + قطع غيار + توكيل محترم + ضمان ..
:):)
و أتمنى أنك تختاري الأنسب لك فيس النهاية و ربنا يوفقك إن شاء الله ..
:):)
طب سيب ليا حاجه اقولها يا باشمهندس :)اقتباس:
المشاركة الأصلية كتبت بواسطة SEATLOVER
بصراحه مش لاقي كلام اقول
فعلا يا باشمهندسه البيكانتو افضل حاجه ليكي
كمان رأى لبيكانتو بعد كلام م\عمرو اضيف ان العربية دى تناسب اى بنت لان شكلها فعلا بناتى
لا ازيد عن راي الاخوه البيكانتو افضل بالنسبه لكي
بلاش انت يا حازووم .. دة كل موضوع بتسبق ليةاقتباس:
المشاركة الأصلية كتبت بواسطة hazem_khidr
بافتكر انى انا اللى كاتب مشاركتك
ربنا يديم التوافق
وانت الخير و البركة
السلام عليكم
انا متشكرة جدا جدا يا جماعة ... طيب ممكن سؤال تانى... ايه رايكم فى فيات باليو ؟
و كمان احب اعرف رايكم فى هيونداى اتوس؟
بلاش من رائي الهيونداي اتوس مش عملية عن تجارب الاصدقاء
بس البيكانتو شيك جدا وعملية
انصحك بيها
والف مبروك
وخلي بالك من السواقة
البيكانتو عربية حلوة عن تجربة وواسعة وممكن تشوفى I10 الجديدة من هيونداى وهما الاتنين نفس الموتور
بس انتوا معايا فى ان هيونداى اتوس اكبر و اوسع من البيكانتو؟ ... و بالنسبة للجيتز انا شايفة ان تمنها كتير عليها شوية! ... يا ريت لو تقولولى عيوب و مميزات كلا من الاتوس و البيكانتو؟ ... و نفسى اعرف الفيات الباليو ايه سمعتها مميزاتها و عيوبها.
البيكانتو عربية ممتازة و ممكن بردة I10 من هيونداى نفس الفئة و المواصفات تقريبا
http://www.postimage.org/Pq1l0gni.jpg
مبقاش فيه اتوس خلاص ،،اقتباس:
المشاركة الأصلية كتبت بواسطة eng_nagwa
و حتي لو فيه متشتريهاش ،،
لأن الآي 10 نزلت خلاص و بنفس السعر تقريبا ،،
قارني فقط بين البيكانتو و الآي عشرة ،،
البيكانتو افضل اختيـــار :thumbsup:
ويستحسن بلاش الـ i10
لان واضح انك مش هتكونى
فاضية لزيارة التوكيل كل شوية
السلام عليكم
متشكرة جدا على اهتمامكم و ردودكم :).. بس ليه ككم مرشحين البيكانتو؟ للدرجة دى هى احسن الموجودين :) ... بس نفسى اعرف رايكم كمان فى فيات باليو ... منتظرة رايكم... سلام
السلام عليكم
فى ناس قليتلى انa113 الِصينى كويسة قوى... ايه رايكم؟
على فكرة انا روحت معرض و شوفت البيكانتو بس دى الشنطة بتاعتها صغيرة قوى و كمان حسيت انها اضيق من الاتوس (انا ركبت الاتوس بتاعت وحدة صحبيتى)... مش عارفة ليه حاسة ان سعرها كتيير عليها شوية!!
بلاش الصينى خالص
وشوفى هيونداى i10 وهى مختلفة فى الشكل عن الاتوس وقارنى بينها وبين البيكانتو
+1اقتباس:
المشاركة الأصلية كتبت بواسطة bassam nagy
الصيني و الصغير دا كمن ابعدي عنه.
الشنطه لازم تكون صغيره ما تتوقعيش شنطه كبيره في عربيه ميني.
لو مش عاجباكي البيكانتو شوفي ال I10
هيا هيا البيكانتو باختلاف الشكل الخارجي
السلام عليكم
انا روحت معرض لغبور و شوفت ال i10 شكلها حلو جدا جدا جدا:) ... تحفة بجد يا جماعة بس انتو طبعا عارفين ان البنات بتهتم بالشكل و امكانيتها كلنا عارفينها عشان كدة نفسى حد يكون جربها او يعرف حد اشتراه و جربها ا ويدينا تفاصيل عنه عن تجرية
تويوتا ياريس أحسن بكتير من ده كله
الناس كلها بتشكر التكييف بتاع الياريس واقتصادية وكمان فيها Abs, و Ebd
والثبات بتاع العربية بيشكروا فيه
اللى يشوف العربية من برا يقول صغيرة لكن من جوه العربية مش صغيرة ولا حاجة وكفاية إنها تويوتا
أحسن بمراحل من العربيات الصينى
بلاش العربيات الصينى :wheelchair:
فى واحد أنا أعرفه كان عاوز يشترى عربية وبعدين وجد الشيفروليه الأفيو
بس هو غير رأيه فى آخر لحظة واشترى هيونداى أكسنت الجديدة
بس أنا رأيى مفيش أحسن من السيارات اليابانية بالذات فى السيارات صغيرة الحجم
السيارات اليابانية جودتها عالية
أعطالها قليلة مع الحفاظ على السيارة
اقتصادية فى استهلاك الوقود
لكن يجب المحافظة عليها والعناية بها
إبعد عن الصينى وغني له :embarrassed2:
فى أوروبا والدول المتقدمة :dots: بيعملوا حاجة حلوة قوى اسمها اختبار التصادم (crash test) وبيعملوا التقدير من خمس نجوم - المهم العربيات اليابانى زى تويوتا كورولا حصلت على خمس نجوم فى اختبار التصادم يعنى العربية حصلت على أعلى تقدير والياريس لسة مش متأكد حصلت على خمس نجوم ولا أربعة نجوم المهم إن العربية تقديرها عظيم
العربية الصينى عليها لعنة الله حصلت فى الاختبار الأول على نجمة واحدة و:hang: بقت عاملة زى ما يكون داس عليها قطار ولما عدلوها شوية حصلت على ثلاثة نجوم إللى هى بريليانس جالينا اللى عاملين يتكلموا عليها
والاختبار بتاع العربية اليابانى تويوتا ياريس والسيارة حصلت فيه على تقدير عالى لإن صالون السيارة مازال سليم بعد التصادم
http://www.youtube.com/watch?v=DMLN_...eature=related
أما بقى اختبار التصادم بتاع السيارة الصينى تلاحظوا فيه إن المقدمة والقوائم وأبواب السيارة تهشمت
وكمان الإيرباج أو أكياس الهواء بعدت عن رأس السائق أثناء التصادم وتقدروا تشوفوا الاختبار على الرابط ده
http://www.youtube.com/watch?v=F06LjugtIUo
الاختبارات اللى إنتوا شوفتوها بتتعمل على سرعة 64 كم فى الساعة ( للتنبيه:dots: )
التويوتا ياريس بتتباع فى أمريكا بمبلغ 12 ألف دولار تقريباً :chris:
تقريبا بـــ 70 ألف جنيه مصرى
فى مصر العربية بتتباع بــ 90 ألف وإنت طالع:chris:
فيه موقع عن اختبارات التصادم فى الاتحاد الأوروبى تقدروا تختاروا نوع العربية وتشوفوا اختبار التصادم وتحكموا على العربية
الموقع اسمه :superman:
www.euroncap.com
ده فيديو عن التويوتا ياريس اللى بتنزل فى أمريكا
طبعا اللى بتنزل هنا مفيهاش نفس الخصائص
http://www.youtube.com/watch?v=K9JVJ7WivZs&NR=1
يرجى من العضو المحترم عدم اغراق القسم بمشاركات عديدة... المنتدى ليس ساحة سباق لجمع اكبر عدد من المشاركات... المنتدى مكان لتبادل المعرفة بين الاعضاء
مشرف القسم
طبعا كلام حضرتك مظبوط ... بس سعرها مش مناسب ليا !
بلاش
بلاش
بلاش
بلاش
بلاش
بلاش
العربيات الصيني اللي عاملة زي الورم الخبيث دي ..
:):)
فيات باليو عربية جيدة هي مع واحد صاحبي سافرنا بيها اسكندرية مرتين ثابتة علي الطريق
ثمنها 65500
1500cc
2 زجاج كهرباء
اقتصادية في البنزين
لكن معنديش فكرة عن التوكيل وأسعار قطع الغيار
لكن هي أكبر من البيكانتو
وأتمني ليكي التوفيق في شراء السيارة المناسبة
البيكانتو ثم الi10
انا رأيي خليكي في ال i10
لانها اخت البيكانتو في كل حاجة +كماليات اكتر