واحد زميلنا فى الشغل اتثبت فى مدينة العبور

الاسبوع اللى فات واحد زميلنا فى الشغل مستنى الباص فى مدينة العبور الساعة 06:30 .. لقى عربية لانوس وقفت جنبه و بيسألوه على الطريق .. و هو بيوصف له نزل منها 2 بمطاوى و ثبتوه و خدوا منه المحفظه و الموبايل و اللابتوب و الفلوس و كل حاجه .. و اتحايل عليهم فسابوا له البطاقة و الرخصة (فيهم الخير) .. و الراجل مجاش الشركة من ساعتها.

بجد موقف صعب جدا .. الراجل بقاله شهر بس ساكن فى العبور .. من اسبوعين مينى باص نقل عام خبط له العربية و جرى و راح عمل له محضر و العربية فى التوكيل دلوقتى.

أنا كنت الأول بقول لو حد ثبتنى هسيب له الحاجه .. بس بجد دلوقتى لو حصل لى الموقف ده .. أنا مش هسيب لحد حاجه و ان شالله أموت .. الموبايل و اللابتوب و الحاجات دى أحيانا بيبقى عليها حاجات خاصه الواحد ممكن يموت من الحسرة لو حس انها مع حد تانى.

و نصيحه يا جماعة كلنا نعمل باك أب دورى للبيانات المهمة على الكمبيوتر و الموبايل و نشيلها فى مكان أمين .. عشان فى حاجات لما بتضيع .. مستحيل ترجعها تانى.

بجد شعور وحش جدا .. ربنا ما يوريها لحد .. و حسبى الله و نعم الوكيل فيهم.

مدينة العبور دي بيحصل فيها حاجات كتير
دي رابع مرة اسمع عن تثبيت في العبور
ربنا يسترها معانا ونخلص بقى من القصة دي

البلد معدش فيها امان

اقتباس:

---

المشاركة الأصلية كتبت بواسطة eng_maged

البلد معدش فيها امان

---

نوههااااائي

اقتباس:

---

المشاركة الأصلية كتبت بواسطة eng_maged

البلد معدش فيها امان

---

+1

الواحد يجيب مسدس ويخلص

موقف صعب فعلا حصلت معايا رمضان الى فات واخد الموبايل الحمد لله على كل شئ

لما في حد بيقف يسألني على عنوان بابقى مرتابه شويه بس بقف وباوصفلهم العنوان لو عارفاه بالمنظر ده مش هقف لحد تاني
السرقه زادت جدا الفتره الأخيره مع ان الشرطه رجعت تشتغل

اقتباس:

---

المشاركة الأصلية كتبت بواسطة sara2001

لما في حد بيقف يسألني على عنوان بابقى مرتابه شويه بس بقف وباوصفلهم العنوان لو عارفاه بالمنظر ده مش هقف لحد تاني
السرقه زادت جدا الفتره الأخيره مع ان الشرطه رجعت تشتغل

---

أنا فعلا اخدت قرار لو حصل اللى الموقف ده مش هدى لبلطجى حاجة من حاجاتى .. حتى لو هموت فيها.

اقتباس:

---

المشاركة الأصلية كتبت بواسطة kareemz

أنا فعلا اخدت قرار لو حصل اللى الموقف ده مش هدى لبلطجى حاجة من حاجاتى .. حتى لو هموت فيها.

---

ماهي المشكلة مش فى إنه يقتلك ، لأنه مش حيقتلك .... بس ممكن يعورك فى وشك بالمطواة مثلا فتفضل معلمة فى وشك طول عمرك ... ودي مش بينفع معاها إي جراحات تجميل إلا نادرا جدا!

ربنا يبعد عننا كل شر والأفضل التعامل بحكمة فى المواضيع اللى زي دي! الحاجات بتروح وبتيجي ، لكن الانسان لأ.........

تحياتي.

يوم الجمعة الصبح

مراتي نزلت تدور ال 128
مبتدورش

نزلت اشوف فيها ايه
ال ايه ملاقيش البطارية والاستبن
وكالون الكبوت مكسور

الحمد لله ان العربية لسه موجودة.......وتقولي شرطة ...........دي شوربة مش شرطة

اقتباس:

---

المشاركة الأصلية كتبت بواسطة kareemz

الاسبوع اللى فات واحد زميلنا فى الشغل مستنى الباص فى مدينة العبور الساعة 06:30 .. لقى عربية لانوس وقفت جنبه و بيسألوه على الطريق .. و هو بيوصف له نزل منها 2 بمطاوى و ثبتوه و خدوا منه المحفظه و الموبايل و اللابتوب و الفلوس و كل حاجه .. و اتحايل عليهم فسابوا له البطاقة و الرخصة (فيهم الخير) .. و الراجل مجاش الشركة من ساعتها.

بجد موقف صعب جدا .. الراجل بقاله شهر بس ساكن فى العبور .. من اسبوعين مينى باص نقل عام خبط له العربية و جرى و راح عمل له محضر و العربية فى التوكيل دلوقتى.

أنا كنت الأول بقول لو حد ثبتنى هسيب له الحاجه .. بس بجد دلوقتى لو حصل لى الموقف ده .. أنا مش هسيب لحد حاجه و ان شالله أموت .. الموبايل و اللابتوب و الحاجات دى أحيانا بيبقى عليها حاجات خاصه الواحد ممكن يموت من الحسرة لو حس انها مع حد تانى.

و نصيحه يا جماعة كلنا نعمل باك أب دورى للبيانات المهمة على الكمبيوتر و الموبايل و نشيلها فى مكان أمين .. عشان فى حاجات لما بتضيع .. مستحيل ترجعها تانى.

بجد شعور وحش جدا .. ربنا ما يوريها لحد .. و حسبى الله و نعم الوكيل فيهم.

---

تصرف زميلك سليم 100%. المواقف دي مش محتاجة اثبات بطولات. يعني مش المفروض انه يغامر بأنه يتقتل او يتعلم في وشه علامة دائمة علشان موبايل وشوية فلوس ولابتوب. عارف ان من مات دون ماله فهو شهيد ، انما لازم يفكر في اسرته واولاده وانه مش هيرجع لهم تاني علشان موبايل ولابتوب.

الشرطة في خدمة نفسها

اقتباس:

---

المشاركة الأصلية كتبت بواسطة mido51eg

تصرف زميلك سليم 100%. المواقف دي مش محتاجة اثبات بطولات. يعني مش المفروض انه يغامر بأنه يتقتل او يتعلم في وشه علامة دائمة علشان موبايل وشوية فلوس ولابتوب. عارف ان من مات دون ماله فهو شهيد ، انما لازم يفكر في اسرته واولاده وانه مش هيرجع لهم تاني علشان موبايل ولابتوب.

---

أكيد فى حل للناس دى .. مره واحد صاحبى برضه حد وقفه وقال لى هات اللى معاك .. صاحبى عمل انه بيطلع المحفظه و طرررااااااخ بالقلم على وشه .. و أطلق ساقيه للريح :-) .. بيقول لى موقفتش الا بعد 2 كيلو من غير ما يبص وراه.

المفروض الواحد يمشي بأي حاجة ترش فلفل وشطة هي بخة تعميهم واجري.

للأسف الجيل الجديد دلوقتي
اغلبه تربيه مدارس خاصه
على راي سمير صبري...
لا بتاع ضرب ولا عضلات
فلما واحد طول عمره قاعد على المكتب يطلع عليه اشكال ضاله سوابق اصلا المفروض يتصرف ازاي يعني ؟
كمان لو فرضا هو جسمانيا جامد
ممكن يضرب واحد ولا اتنين
ويوم ما يفتري قوي ممكن يضرب 3
بس حيكون بيضرب بنيه انه يلم الموضوع
بعكس اللي نازلين شايلين مطاوي ونازلين يضربوه بنيه انهم يصفوه

يبقى الحل ايه ؟؟
الحل المنطقي هو اللي صاحبك ده عمله
والحل اللي مش منطقي ويودي في داهيه انه هو كمان يشيل سلاح ويحط في باله انه للأستخدام الفعلي مش للتهويش
وساعتها لو قتل حد حيقول يا ريتني اديتهم اللابتوب والموبايل

خربانه خربانه

الموضوع بسيط جدا قوله انته اكيد محتاج الحاجات دى اكتر منى اتفضل الموبايل بس سيب الشريحه اتفضل الاب توب بس ارجوك فرمط الهارد اتفضل الفلوس بس سيب ليا المحفظه يا خبر انته مش لابس جزمه اتفضل الجزمه انا عندى تلاته فى البيت ودة رقمى لو احتجت حاجه ابقه رن عليا وانا هكلمك اساعدك

اقتباس:

---

المشاركة الأصلية كتبت بواسطة ashouhdy

الواحد يجيب مسدس ويخلص

---

وقت الجد مش حتعرف تعمل بيه حاجه
انا شوفت واحد بيتخانق مع سواق ميركوباص بعدين سابه ورجع فتح بابا العربيه
وطلع مسدس
رمى الجراب على الارض
وفضل يشوح بيه في وشه بس هههههههه

اقتباس:

---

المشاركة الأصلية كتبت بواسطة newcar2011

الموضوع بسيط جدا قوله انته اكيد محتاج الحاجات دى اكتر منى اتفضل الموبايل بس سيب الشريحه اتفضل الاب توب بس ارجوك فرمط الهارد اتفضل الفلوس بس سيب ليا المحفظه يا خبر انته مش لابس جزمه اتفضل الجزمه انا عندى تلاته فى البيت ودة رقمى لو احتجت حاجه ابقه رن عليا وانا هكلمك اساعدك

---

مش عايز دي في دي ؟؟؟

ايه يا جماعه ... انا ساكن في العبور والدنيا الحمدلله بيس يعني مسمعتش عن حد تثبت او عربيه اتسرقت ...هتخوفونا ليه

اقتباس:

---

المشاركة الأصلية كتبت بواسطة i_boy

مش عايز دي في دي ؟؟؟

---

و نجيب له صوفيا لورين تقعد معاه فى الزنزانه كمان.

حسبى الله
سبحانك اللهم وبحمدك ، أشهد أن لا إله إلا أنت أستغفرك وأتوب إليك