ازاي اخمس على واحد واقف

**فتح الباب** · 24-10-2011 11:48 PM

واما ترفع الهاند بريك فى السحب الخلفى يبقى العربيه هتتحرك ازاى اصلا وفرامل اليد على العجلتين الخلفيتين قول ما ينفعش فى اسحب الخلفى اه

**i_Boy** · 25-10-2011 12:02 AM

المشاركة الأصلية كتبت بواسطة tjp

واما ترفع الهاند بريك فى السحب الخلفى يبقى العربيه هتتحرك ازاى اصلا وفرامل اليد على العجلتين الخلفيتين قول ما ينفعش فى اسحب الخلفى اه

مش حترفع الهاند اصلا
ولازم موتور قوي يعملهالك
كنت بعملها بعربيه جيب 4200 سي سي
مفيهاش هاند شغال اصلا وبتعملها بسهوله
الرك على الموتور لازم يبقى قوي

**ME5EMR** · 25-10-2011 12:24 AM

شوف يا باشا الحركات ديه متجيش غير بالخلفي
اصل الخلفي ده متعه لوحديه
انما الامامي شد الهاند اكبس لم الدريكسيون زي ما انت عايز الدايره و تلم العربيه
بانك بتم دبرياج و فرامل وتنزل الهاند
بس ملوش لازمه ولا متعه زي الخلفي
اتفرج علي لانسر بتخمس
و علي e36 بمكنهe25 الابيض او الاسود
طبعا هيسال اشمعنا دول
عشان اكتر مكنيت بيجوا في الbmw
هتشوف الbmw نفسك هتتسد تركب عربيه
او تلعب بعربيه تاني

**A.Saad** · 25-10-2011 10:35 AM

الحركة دى جت فى Fast & firuous
Tokyo Drift

**Mik_t4** · 25-10-2011 01:26 PM

الخلفي متعااااااااا خصوصا لو في ام بموتور 2000 او اعلي هتعمل تمانيات مش خمسات بس

**moh19227** · 27-10-2011 01:14 AM

عربيه دفع خلفي + موتور قوي
هتلف الطاره ناحيه البرميل اللي عاوز تلف حواليه وتدوس بنزين واول متلاقي العربيه ابتدت تتزحلق من ورا اعكس الطاره الناحيه التانيه علي الاخر وافضل كابس بنزين هتلاقي العربيه بتلف حوالين نفسها عكس اتجاه الطاره
بس نصيحه جربها في مكان واسع ومفيهوش حد

**makarhn** · 27-10-2011 03:08 PM

المشاركة الأصلية كتبت بواسطة moh19227

عربيه دفع خلفي + موتور قوي
هتلف الطاره ناحيه البرميل اللي عاوز تلف حواليه وتدوس بنزين واول متلاقي العربيه ابتدت تتزحلق من ورا اعكس الطاره الناحيه التانيه علي الاخر وافضل كابس بنزين هتلاقي العربيه بتلف حوالين نفسها عكس اتجاه الطاره
بس نصيحه جربها في مكان واسع ومفيهوش حد

تصحيح بسيط
هتلف الطاره ناحيه البرميل وأكتر شوية اللي عاوز تلف حواليه وتدوس بنزين على أخرة فجأة واول متلاقي العربيه ابتدت تتزحلق من ورا أفصل البنزين خالص واعكس الطاره الناحيه التانيه مش على الأخر لو لفتها على الأخر هتلف حولين نفسك و بعدين تتحكم برجلك فى دوسة البنزين على حسب أتجاة اللفة لو ماظبطش رجلك صح العربية هتلف منك حولين نفسها ودى طريقة الدفع الخلفى
الأفضل أن أنت تجرب فى مكان فاضى الأول علشان تتمرن تظبط رجلك

**topgun12** · 27-10-2011 04:12 PM

قسما برب الكعبة انتم ناس مش تعبانين فى القرش وبابا بيصلح اهم حاجة بابا بيصلح واحد بيبوظ اسطوانة دبرياج بتقعد بالسنين فى خلال دقائق تكون مفوتة وكل دة علشان الهبل يصقفولوا ............عوض عليا يا رب

**ahmedbasto** · 27-10-2011 08:38 PM

بعد اذن سيادتك انت قريت اسم الموضوع وانت عارف الكلام فيه هيبقى ازاى دخلت ليه وبعدين هو كل اللى بيعمل كدة يبقى بابا اللى بيصلح وبعدين ياسيدى الناس فيما يعشقون مذاهب وياريت بعد اذنك بلاش العصبية دى لانها مش حلوة علشانك .