عايز اسأل عن حاجة في سكودا فيليشيا . . . ممكن ؟

السؤال الاول : انا عربيتي 95 فيليشيا و موجود في التابلو بتاعها ساعة و عايز اغيرها بــ rpm فهل هي مجهزة اني اغير العداد القديم بواحد استيراد فيه rpm ؟؟ و لا هي محتاجة كهربائي يعمل تعديل و بتاع ؟؟ اصل في ناس بتقول انه في فيشة جاهزة خاصة بالــ rpm بس مش متركبه و اول ماغيرالعداد القديم بالجديد هاركبها و خلاص على كدة , بس انا مش مقتنع

السؤال التاني : انا عربيتي عوامة البنزين فيها مش بتخرف بس بصراحة مقدمه شوية هههههه يعني التنك يفضى و العربية تبطل و المؤشر على الربع مثلا فلو حد غريب ركبها اساسي هايركن على جنب و يسرح بجركن يدور على بنزين و دة حصل فعلا ههههههههههه , طيب السؤال هنا هو ايه افضل نوع عوامة تنك بنزين للفيليشيا و السعر كام ؟؟ و ايه رأيكم في الفيكا (Vika)؟؟

السؤال التالت : انا عربيتي مربياني بصراحة ههههههه , رغم اني اخدت على نسبة سخونيتها , يعني هي طول الوقت تقريبا مع القرص على 100 مثلا تبقى على النص او فوق شوية ( دة لو اعتبرنا 100 سرعة اصلا هههه ) و مع المشي الهادي تقريبا الحرارة بتبقى 85 , بصراحة طول مانا مش بقرص عليها يبقى تمام و الحياة بيس , مع العلم اني بحط مياة خضراء اسبانية الجركن بــ 35 و مغير طلمبة المية و جايب اصلي و مغير وش سلندر و جايبه فيكا جديد , و جايب مروحة 6 ريشة اصليه مع رادياتير اصلي استيراد , و مغير طقم شنابر , يعني مش مخلي حاجة تخص السخونية ماعملتهاش , و مع ذلك العربية بتسخن مع القرص الجامد يعني لو جبت فوق الــ 100 تبتدي العربية تزعل مني , ناس كتير بتقولي هي كدة , و ناس تقولي في حاجة في الموتور , فانا عايز حد يقولي الخلاصة لان عربيتي بعملها صيانة بشكل دوري , انا صحيح انا اخدت عليها زي ماهي كدة و بمشي اقل من 100 كسرعة و الامور مستقره بس صعبان عليا اني ساعات يبقى الطريق مفتوح و ماعرفش اشد , ممكن تساعدوني اشد بالعربية ؟؟ هههههه يعني في طريقة تخلي العربية ماتسخنش مع القرص ؟؟ و ايه الاسباب

اسئلتي طويلة و كتيرة سوري للاطاااااااااااااالة و السلام عليكم

انا لسة مغير عوامة البنزين وجبت الصيني فيكا ب 55 جنية وكويسة معايا بس انا بقالي حوال 20 يوم مغيرها من باب العلم بالشئ

اقتباس:

---

المشاركة الأصلية كتبت بواسطة wael_ghreez

السؤال الاول : انا عربيتي 95 فيليشيا و موجود في التابلو بتاعها ساعة و عايز اغيرها بــ rpm فهل هي مجهزة اني اغير العداد القديم بواحد استيراد فيه rpm ؟؟ و لا هي محتاجة كهربائي يعمل تعديل و بتاع ؟؟ اصل في ناس بتقول انه في فيشة جاهزة خاصة بالــ rpm بس مش متركبه و اول ماغيرالعداد القديم بالجديد هاركبها و خلاص على كدة , بس انا مش مقتنع

حضرتك هتشتري العداد rpm بس من عند اي حد بتاع استراد انا سألت عليه كان بـ 100 جنيه وهتروح لكهربائي يفك الطبلون ويشيل المنبه ويوصل العداد بالموبينه تقريبا

السؤال التاني : انا عربيتي عوامة البنزين فيها مش بتخرف بس بصراحة مقدمه شوية هههههه يعني التنك يفضى و العربية تبطل و المؤشر على الربع مثلا فلو حد غريب ركبها اساسي هايركن على جنب و يسرح بجركن يدور على بنزين و دة حصل فعلا ههههههههههه , طيب السؤال هنا هو ايه افضل نوع عوامة تنك بنزين للفيليشيا و السعر كام ؟؟ و ايه رأيكم في الفيكا (vika)؟؟
حضرتك انا العوامه عندي نفس المشكله ومكسل افكها واظبطها لان اساسا مش بحرك العربيه غير نادر وبحط بنزين بظروفها ويوم لما بحط فيها كبرها 32 لتر ومفيش غيري الي بيركب العربيه
السؤال التالت : انا عربيتي مربياني بصراحة ههههههه , رغم اني اخدت على نسبة سخونيتها , يعني هي طول الوقت تقريبا مع القرص على 100 مثلا تبقى على النص او فوق شوية ( دة لو اعتبرنا 100 سرعة اصلا هههه ) و مع المشي الهادي تقريبا الحرارة بتبقى 85 , بصراحة طول مانا مش بقرص عليها يبقى تمام و الحياة بيس , مع العلم اني بحط مياة خضراء اسبانية الجركن بــ 35 و مغير طلمبة المية و جايب اصلي و مغير وش سلندر و جايبه فيكا جديد , و جايب مروحة 6 ريشة اصليه مع رادياتير اصلي استيراد , و مغير طقم شنابر , يعني مش مخلي حاجة تخص السخونية ماعملتهاش , و مع ذلك العربية بتسخن مع القرص الجامد يعني لو جبت فوق الــ 100 تبتدي العربية تزعل مني , ناس كتير بتقولي هي كدة , و ناس تقولي في حاجة في الموتور , فانا عايز حد يقولي الخلاصة لان عربيتي بعملها صيانة بشكل دوري , انا صحيح انا اخدت عليها زي ماهي كدة و بمشي اقل من 100 كسرعة و الامور مستقره بس صعبان عليا اني ساعات يبقى الطريق مفتوح و ماعرفش اشد , ممكن تساعدوني اشد بالعربية ؟؟ هههههه يعني في طريقة تخلي العربية ماتسخنش مع القرص ؟؟ و ايه الاسباب
انا عربيتي بمشي بيها 120-130-140 ولي بحط مايه خضره ولي حاجه بس كل الي بعملها ان انا ظابط كهربة العربيه وبشد بيهاا عادي بس لما بيكون الجو حر جدا مش بشد بكون حونين 100 كفايه انما بليل دي حاجه تانيه بس حضرتك هتمشي 120 تفضل ثابت عليه انما لما بيقبلني مطب الحراره بتوصل 100 ومع اول ضعطت بنزين بترجع تاني 90
اسئلتي طويلة و كتيرة سوري للاطاااااااااااااالة و السلام عليكم

---

نورت القسم وانا تحت امر حضرتك في اي استفسار انا متواجد شبه مستمر فاضي بقئ والعربيه معايا من 3 سنين لحد لما لما بقئ بيحصل حاجه مش بحتاج اروح لميكانيكي بطلع شنطه العده بتعتي (حاجه كده جامده جيبها من بره)

اولا انت بتقول عملت كل ده :-

1. المشي الهادي تقريبا الحرارة بتبقى 85 .
2. مش بقرص عليها يبقى تمام و الحياة بيس .
3. بحط مياة خضراء اسبانية الجركن بــ 35 جم .
4. مغير طلمبة المية و جايب اصلي .
5. مغير وش سلندر و جايبه فيكا جديد .
6. جايب مروحة 6 ريشة اصليه مع رادياتير اصلي استيراد .
7. مغير طقم شنابر .
8. عربيتي بعملها صيانة بشكل دوري

ومع ذلك العربية بتسخن مع القرص الجامد يعني لو جبت فوق الــ 100 تبتدي العربية تزعل مني .

انا مع الناس اللي بتقول لك غير الموتور ، أقول لك هذا بعد تجربة مريرة لي حدث خلال الفترة من الخميس 13/10/2011 الي السبت 22/10/2011.............
خلاصة هذه التجربة أن الميكاينكي العبقري بتاعي قال لي ...... السخونة عايزة طقم شمبر ووش سلندر .............. + وهو بيفك وش السلندر ............. كسر عدد 2 مسمار ........... ولم نستطيع اخراجهم ؟؟؟؟؟؟؟؟؟؟؟؟؟؟
اشترينا موتور استيراد وركبناه ................... والعربية خلصت يوم السبت 22/10/2011 وجارى التجربة ؟؟؟؟؟؟؟؟؟؟؟؟؟؟؟؟؟
والحرارة كويسة والموتور كويس ؟؟؟؟؟؟؟؟؟؟؟؟؟

اقتباس:

---

المشاركة الأصلية كتبت بواسطة wael_ghreez

السؤال الاول : انا عربيتي 95 فيليشيا و موجود في التابلو بتاعها ساعة و عايز اغيرها بــ rpm فهل هي مجهزة اني اغير العداد القديم بواحد استيراد فيه rpm ؟؟ و لا هي محتاجة كهربائي يعمل تعديل و بتاع ؟؟ اصل في ناس بتقول انه في فيشة جاهزة خاصة بالــ rpm بس مش متركبه و اول ماغيرالعداد القديم بالجديد هاركبها و خلاص على كدة , بس انا مش مقتنع

السؤال التاني : انا عربيتي عوامة البنزين فيها مش بتخرف بس بصراحة مقدمه شوية هههههه يعني التنك يفضى و العربية تبطل و المؤشر على الربع مثلا فلو حد غريب ركبها اساسي هايركن على جنب و يسرح بجركن يدور على بنزين و دة حصل فعلا ههههههههههه , طيب السؤال هنا هو ايه افضل نوع عوامة تنك بنزين للفيليشيا و السعر كام ؟؟ و ايه رأيكم في الفيكا (vika)؟؟

السؤال التالت : انا عربيتي مربياني بصراحة ههههههه , رغم اني اخدت على نسبة سخونيتها , يعني هي طول الوقت تقريبا مع القرص على 100 مثلا تبقى على النص او فوق شوية ( دة لو اعتبرنا 100 سرعة اصلا هههه ) و مع المشي الهادي تقريبا الحرارة بتبقى 85 , بصراحة طول مانا مش بقرص عليها يبقى تمام و الحياة بيس , مع العلم اني بحط مياة خضراء اسبانية الجركن بــ 35 و مغير طلمبة المية و جايب اصلي و مغير وش سلندر و جايبه فيكا جديد , و جايب مروحة 6 ريشة اصليه مع رادياتير اصلي استيراد , و مغير طقم شنابر , يعني مش مخلي حاجة تخص السخونية ماعملتهاش , و مع ذلك العربية بتسخن مع القرص الجامد يعني لو جبت فوق الــ 100 تبتدي العربية تزعل مني , ناس كتير بتقولي هي كدة , و ناس تقولي في حاجة في الموتور , فانا عايز حد يقولي الخلاصة لان عربيتي بعملها صيانة بشكل دوري , انا صحيح انا اخدت عليها زي ماهي كدة و بمشي اقل من 100 كسرعة و الامور مستقره بس صعبان عليا اني ساعات يبقى الطريق مفتوح و ماعرفش اشد , ممكن تساعدوني اشد بالعربية ؟؟ هههههه يعني في طريقة تخلي العربية ماتسخنش مع القرص ؟؟ و ايه الاسباب

اسئلتي طويلة و كتيرة سوري للاطاااااااااااااالة و السلام عليكم

---

سؤال هااااااااااااااااام
هي الحاجات اللي انت مغيرها ده كلهاااااااااااااااااااااا ااااااااااااااااااااااااا ااا كلفتك كام ؟

اقتباس:

---

المشاركة الأصلية كتبت بواسطة wael_ghreez

السؤال التاني : انا عربيتي عوامة البنزين فيها مش بتخرف بس بصراحة مقدمه شوية هههههه يعني التنك يفضى و العربية تبطل و المؤشر على الربع مثلا فلو حد غريب ركبها اساسي هايركن على جنب و يسرح بجركن يدور على بنزين و دة حصل فعلا ههههههههههه , طيب السؤال هنا هو ايه افضل نوع عوامة تنك بنزين للفيليشيا و السعر كام ؟؟ و ايه رأيكم في الفيكا (vika)؟؟

---

يا اخي انا عندي نفس المشكلة في المروحة الاصلية للعربية ؟؟؟؟؟؟؟؟؟؟؟؟؟؟؟ وغيرتها بواحدة صيني نفس المشكلة ........العومة تجي عند الربع وتقف ؟؟؟؟؟؟؟؟؟؟؟؟؟
الحل ايه مش عارف ؟؟؟؟؟؟؟؟؟؟؟؟؟؟؟

اقتباس:

---

المشاركة الأصلية كتبت بواسطة wael_ghreez

السؤال الاول : انا عربيتي 95 فيليشيا و موجود في التابلو بتاعها ساعة و عايز اغيرها بــ rpm فهل هي مجهزة اني اغير العداد القديم بواحد استيراد فيه rpm ؟؟ و لا هي محتاجة كهربائي يعمل تعديل و بتاع ؟؟ اصل في ناس بتقول انه في فيشة جاهزة خاصة بالــ rpm بس مش متركبه و اول ماغيرالعداد القديم بالجديد هاركبها و خلاص على كدة , بس انا مش مقتنع

---

انا اسمع ان فيه كهربائي محترف اسمة الدكتور في الحرفيين ؟؟؟؟؟؟؟؟؟؟؟؟؟؟؟ بيعمل كل حاجة وأى حاجة ؟؟؟؟؟؟؟؟؟؟؟؟؟؟
اخطف رجلك للحرفيين واسأل علي الدكتور ده وهو حيقول تعمل ايه ؟؟؟؟؟؟؟؟؟؟؟؟؟

بالنسبة لسخونة العربية بعد ال100 هل انت متأكد ان المروحة بتشتغل عندك كويس ؟ ولو بتشتغل كويس فهي بتشتغل علي درجة حرارة كام ؟
ممكن لو غيرت الترموستات وخليتها تشتغل علي درجة حرارة أقل تحللك الموضوع ده
اسأل في الموضوع ده ممكن يفيدك انشاء الله

اقتباس:

---

المشاركة الأصلية كتبت بواسطة amr_azab

بالنسبة لسخونة العربية بعد ال100 هل انت متأكد ان المروحة بتشتغل عندك كويس ؟ ولو بتشتغل كويس فهي بتشتغل علي درجة حرارة كام ؟
ممكن لو غيرت الترموستات وخليتها تشتغل علي درجة حرارة أقل تحللك الموضوع ده
اسأل في الموضوع ده ممكن يفيدك إن شاء الله

---

هو كاتب "" جايب مروحة 6 ريشة اصليه مع رادياتير اصلي استيراد . ""

الله يعين اصحاب الحرارة ............... من اصحاب الاسكودا ؟؟؟؟؟؟؟؟؟؟

انا بشكر كل الناس اللي ردت على اسئلتي و بالنسبة لاستاذ ايهاب انا جبت الحاجات دي على مراحل بس ممكن اقولك اسعارهم برضه , المروحة الاصلي 6 ريشة بــ 220 تقريبا و انت و شطارتك بس هي كانت بالقميص بتاعها , بالنسبة لوش السلندر فهو كان بـ 1100 و طقم الشنابر بـ 130 تقريبا بس هي كانت بولندي و هو الافضل على فكره و كالاصلي , الرادياتير اصلي استيراد ب 180 اعتقد او بـ 200 مش فاكر بدقه بس في الحدود دي , و بالنسبة للاخ عمرو عزب فانا الترموستات عندي زي الفل وواطية يعني بتشتغل على 68 و تفصل على 80 , و المروحة ممتازة و قوية ماشاء الله , بصوا هو موضوع السخونة دة اساسا معروف انه من مادة صنع وش السلندر واللي هي الومنيوم مش حديد زهر , و دة بيخليها تتشرخ بسرعة لو سخنت جامد عشان كدة الفيليشيا بتغير وشاش كتير و كمان الالومنيوم بيسخن بسرعة لان الالومنيوم اخف كثافة من الحديد , دة سبب , و السبب التاني ان انا اكيد الموتور عندي كبر في السن و عايز عمره شامله او يتغير فعلا , رغم اني عامله شبه عمره او نص عمره بس دة مش كفايه , و الدليل على كلامي ان العربيه كويسة جدا من غير قرص جامد , و انا اخدت على كدة معاها خلاص , و اعتقد انه كتر خيرها برضه لانها ماعملتش عمره كاملة من ساعة ماتولدت هههههه , في اقرب فرصه الموتور يعمل قلة معايا هاغير الموتور ان شاء الله و اجيبه بالتكييف الاصلي بتاعها و ربنا يسهل و شكرا على الاخ اللي قالي سعر العوامة اللي اسمه صعب ههههههههه . . شكرا ليكم و لو عايزين تسألوا عن اي حاجة او سعر اي حاجة انا برضه تحت امركم

اقتباس:

---

المشاركة الأصلية كتبت بواسطة wael_ghreez

السبب التاني ان انا اكيد الموتور عندي كبر في السن و عايز عمره شامله او يتغير فعلا , رغم اني عامله شبه عمره او نص عمره بس دة مش كفايه , و الدليل على كلامي ان العربيه كويسة جدا من غير قرص جامد , و انا اخدت على كدة معاها خلاص , و اعتقد انه كتر خيرها برضه لانها ماعملتش عمره كاملة من ساعة ماتولدت هههههه , في اقرب فرصه الموتور يعمل قلة معايا هاغير الموتور ان شاء الله و اجيبه بالتكييف الاصلي بتاعها

---

هو الموتور عامل معاك كام الف كم ؟؟؟؟؟؟؟؟؟؟؟؟؟؟؟ انا عملت بالمتور الاصلي 335.000 كم فكده رضا اوى .......؟

السلام عليكم
بصراحة ومن وجهة نظري أنا ضد فكرة فتح الموتور وتفصيصه، اشتري موتور استيراد كويس ماتفتحش وعلى التجربة أحسن. وأنصح دايما بطلمبة مياه أصلي وبلاش الصيني في طلمبات المياه بالذات. أنا اشتريت إيطالي من أكثر من سنة وأعتقد كانت بحوالي 280ج.

انا العربية عندي عاملة تقريبا زيك كدة برضه حوالي 332000 او اكتر شوية , و بخصوص الموتور انا برضه بفضل اني اشتري موتور موديل اعلى و بكل محتوياته و اعتقد ارخص كمان من ان الواحد يعمل عمره كاملة

اقتباس:

---

المشاركة الأصلية كتبت بواسطة wael_ghreez

انا العربية عندي عاملة تقريبا زيك كدة برضه حوالي 332000 او اكتر شوية , و بخصوص الموتور انا برضه بفضل اني اشتري موتور موديل اعلى و بكل محتوياته و اعتقد ارخص كمان من ان الواحد يعمل عمره كاملة

---

+1
شوف انا قبل ما اجيب موتور الاستيراد ؟؟؟؟؟؟؟؟؟؟؟؟؟؟ كان صعبان علي اووووووووووووووى الموتور بتاعي لس متعمرش ولسه بحالته

شوف انا قبل ما اجيب موتور الاستيراد ؟؟؟؟؟؟؟؟؟؟؟؟؟؟ كان صعبان علي اووووووووووووووى الموتور بتاعي لس متعمرش ولسه بحالته ، وبدأت في تركيب طقم شمبر وجوانات + وش سلندر.......... وبالمرة تغيير طرمبة المياة ... وجبتها الماني ....................؟ العملية ديه دخلت في كتير ....
250 جم طرمبة مياه الماني
133 جم طقم شمبر --- برازيلي .
130 جم جوان وش سلندر + 2 مسمار + ............................... مش فاكرها .
100 جم مخراطة + اوى سيلز ؟؟؟؟؟؟ (جلد ....... )
------
613 جم + الموتور باظ من الميكانيكي لانه لم يستطع فك المسامير ؟؟؟؟؟؟؟ وخدت 4 أيام عطله علي الفاضي ؟؟؟؟؟؟؟؟؟؟؟؟؟؟؟؟؟؟؟ والنتيجة غير مضمونة ؟؟؟؟؟؟؟؟؟؟؟؟؟

علي فكرة أنا سمعت كتييييييييييييييييير أوى عن موتور الـ 1600 cc ............. ولكني سألت في بور سعيد وسألت كتير ؟؟؟؟؟؟؟؟؟؟؟؟؟؟؟؟؟ ومفيش واحد قالي عنده كله 1300 cc .

بخصوص ال rpm, تقريبا فى سلك بيبقى طالع من الموبينة لعداد ال rpm وهو دة المسئول عن العملية دى, فلو عربيتك مافهاش اساسا عداد rpm فمتهيقلى ان السلك دة مش هيبقى واصل للحتة بتاعة العدادات اساسا

بص حضرتك هى نصيحه لوجه الله انا كنت فى نفس مشكلة السخونة دى وغيرت كل حاجة وخسرت كتير ولقيت فى النهايه الحل وهى انى بعت العربية وخلصت منها دى عربية سيئة السمعة
اقسم بالله وانا ماشى فى الشارع بشوف اى عربيه فليشيا بتف عليها
كلها مشاكل

السلام عليكم
موتور فيليشيا 1600 بيكون موجود فعلا بس نادر، لو حد عوز موتور 1600 ممكن فعلا يتابع في بورسعيد مع حد بتاع سكودا ويوصيه عليه، هو موتور إنجكشن وممتاز بس بصراحة قطع غياره وأجزاءه نادرة الوجود طبعا هنا في مصر، ولو حد هيركب موتور 1600 ينصح بتغيير الفرامل عشان تكون متوافقة عليه، والحجم مش فارق كتير بس الشكل مختلف، وسمعت حد قال إن موتور أوكتافيا 1600 القديم (1998-99) ممكن بعد إجراء التعديلات على القواعد بس الكلام ده أنا مش أكيد منه.

بص بالنسبة لموضوع السخونة انا قول مت جبت العربية فعلا كانت بتسخن معايا, بس لقيت عندي نقص في المياه في دورة السخن فعملت التالي. لغيت دورة السخن و ديه بيعملهالك الميكانيكي (بس ميكانيكي سكودا عشان ميفتيش) حتى لو معندكشي نقص في المياه مفيدة برضه لأن المياه لسخونة اللي طالعه من الماتور بتخش دورة تانيه عشان تشغل الدفايه, واحنا في الغالب مش بنحتجها
بعد الموضوع ده العربية اخرها 90 وده في عز الحر و حاليا مع الجو الحلو اخرها 85 و انا سرعتي 100,110 في المتوسط و حاليا بقرص و اجيب 120, 130 و مفيش تاثير على الحرارة بالعكس على السريع بتنزل انا كانت الحرارة بتزيد على السريع زمان ايام نقص المياه
ثانيا شوف كده في نقص مياه و اتأكد ان سرعة المروحة التانية شغاله

اقتباس:

---

المشاركة الأصلية كتبت بواسطة tota_ys

بص حضرتك هى نصيحه لوجه الله انا كنت فى نفس مشكلة السخونة دى وغيرت كل حاجة وخسرت كتير ولقيت فى النهايه الحل وهى انى بعت العربية وخلصت منها دى عربية سيئة السمعة
اقسم بالله وانا ماشى فى الشارع بشوف اى عربيه فليشيا بتف عليها
كلها مشاكل

---

بتف !!!! على اى عربية فيليشيا بتشوفها فى الشارع .......؟؟؟؟ يا ترى العربيات الفيليشيا اللى فى الشارع

لما بتشوفك بيكون موقفها ايه ؟؟؟؟؟؟ يا ترى بتجرى وتهرب منك خايفة من التفة ؟؟

ولا برضو بتعاملك بالمثل .......؟؟؟؟؟


بجد مشاركة موفقة من حضرتك اهنيك عليها ........

السلام عليكم
زيادة على اراء الاحوة فى المنتدى المحترم
احب اقولك ان موضوع زيادة السخونة على السرعات العالية ده ممكن يكون
من الشاكمان او علبة العادم
لو مسدودة هاتعمل معاك كده بالظبط