لأ فى قطر
التقرير طبعا تحفه جدا والعربيه جميله جدا بس من الخلف مش ظريفه خالص لكن الهاتش باك فاجره بصراحه بس العربيه ديه لو سعرها عدى 110 الف مش حتمشى فى السوق عشان فى عربيات فى نفس السعر حاليا احسن منها فى السعر والامكانيات انا متوقع انها تبدا من 100 الف وانت طالع على حسب الامكانيات وان كان السعر ده عالى عاليها
بصوا يا جماعة أنا شوفتها هنا عند الوكيل فى السعودية وبصراحة تحفة بغض النظر انها من ورا مش حلوة قوى وكانت أول فئة بتبدأ من 55 ألف ريال سعودى يعنى أول فئة تقريبا بحوالى 89 ألف جنيه مصرى ... طبعا انتوا عارفين بقه لو هى سعرها كده فى السعودية يبقى فى مصر ح يبقى سعرها عامل إزاى؟
متوقع ان شاء الله سعرها يبدأ بسعر 90000جنيه مانيوال
العربية نزلت ب 117 اوتوماتيك مع امكانية مانيوال +/-
[overline]موضوع اكثر من رائع[/overline]
شكرا على التقرير الرائع
بس شكلها الخارجى وحش جدا جدا
دي مش بديل لللأفيو.........دي منافس للأكسنت rb.......و المواصفات دي عمرها ما تنزل بسعر الأفيو العاديةأو حتى الأتوماتيك......والمهم ديلوقتي.....هل هيكون في إنتاج تاني من الأفيو العادية وللا لأة؟؟؟؟؟؟؟؟؟؟؟
الف شكر يا باشا على التقرير الجميل ده
التقرير ده في مصر ولا في قطر ؟ انا ركبت العربية وصورتها وجيت اعمل تقرير لقيت تقريرك :))
بس اللي ركبتها كانت ب 117 الف وطاسات ونفس الكاوتش بس لون الانتيريور اسود مش بيج والفرش برضه
http://desmond.imageshack.us/Himg809...pg&res=landing
http://img841.imageshack.us/img841/8...0605140521.jpg
http://img7.imageshack.us/img7/5139/...0605140538.jpg
على فكرة العربية ضيقة من ورا شوية
انا بردوا جالي احساس بكده من الكنبه
الخلفية بس قولت يمكن احساس فقط ..
اه صحيح ومكانش فيها بلوتوث كمان
التقرير فى قطر يامودى انا اتفرجت عليها شهر 10 اللى فات
وعلى ما أذكر ان العربيه مش ضيقه من ورا خالص بالنسبه لفئتها بالعكس دى من الحاجات اللى عجبتنى خصوصا مساحة الراس
اللى فى مصر فرش اسود واكر داخليه نيكل احسن من اللى هنا
اللى معجبنيش فيها كان خفة وزن الباب والخامات الداخليه دول اكتر حاجتين لفتوا نظرى
وحاليا فى مصر بالسعر دا فرص منافستها صعبه لان سعرها مبالغ فيه مقارنة بالاكسنت والريو والاوبشنز اللى فيهم , بس هى كموتور وعفشه وفتيس وتقفيل ممتازه
اعمل تقريرك ياباشا وقول رأيك خلى الكل يستفيد وياريت لو حد جربها او اشتراها يقولنا انطباعه
اه مساحة الراس كويسة انا بتكلم على مساحة الرجل
انا بصراحة مش متشجع ليها خالص , من غير جنوط ولا abs ولا بلوتوث ولا طارة ملتي ولا فتحة سقف , منصور مضيعها
اما التقرير انت بسم الله ما شاء الله مسبتش حاجة مكتبتش فيها وكل اللي انا مصوره موجود عندك :)
انا جربتها بعيدا عن الكماليان العربية ثبات و تسارع و عزل و تعليق ممتاااااااز و الستيبترونيك فبها تحفه العربيه بجد تحفة و العدادات ديه حكايه الصراحة وضحة و مريحة العربية احسن من ال rb و الريو بس هما كماليات بس لكن هي افضل من كل الجوانب الاخرى و ده راى بصراحة
مساحة الكنبه والرجل كانت كويسه لو ذاكرتى ماخانتنيش :) هى نفس وسع الريو تقريبا , الار بى رغم انها نفس ابعاد الريو بس باحس انها اضيق , والسيتى والياريس برضه اضيق , عشان كدا هى عاجبانى كوسع فى الفئه دى
لو هاتبصلها كاوبشنز صعب اوى تفكر فيها اللى يجيبها لازم يبقى مقتنع بيها وغاويها
شكرا لنقل تجربتك يا استاذ احمد وعلى كلامك تبقى تستاهل فعلا بس ياريت برضه منصور يحن علينا وينزل سعرها شويه او يحط جنوط و Abs حتى :)
بس كمالياتها ضايعة خالص , كثبات ممكن تكون احسن والتعليق ممكن , بس الكماليات تحسسك ان راكب فيرنا بصراحة , لا بلوتوث ولا جنوط ولا طارة ملتي ولا ABS ولا usb ولا مثبت سرعة والخامات بلاستيك ولا فتحة سقف ولا اي حاجة , عربية Barebones وب 117 الف جنيه , والدركسيون بيتحرك فوق وتحت بس مفيش قدام وورا , , والتسارع اعتقد الاكسنت احسن فيه , وشنطة السونيك ضيقة , وشكل من ورا تعبان جدا , ومكان قفل وفتح الابواب غريب جدا ( في نص التابلوه )
هي كثبات وتعليق ومناورات ومتعة قيادة وفتيس ممتازة واكيد احسن من الاكسنت والريو , بس تضحي بباقي الحاجات بقى
بالنسبالى انا اه اضحى اهم حاجة عندى الاساسيات الكماليات متعة اول 3 شهور و بعد كده الاساسيات هى اللى قاعده و الكماليات الكتير ليها عيوب برضه لما تضرب و التوكيل يقولى التصليح بقى بكذا يعنى و لما برضه تكون الكواليتى بتاعتها مش زى الالمانى مثلا فى نفس كمالياته وجهات نظر و كلها ليها احترامها
انا شوفت العربيه دى بتبداء من 76 الف صحيح الكلام ده يا حسام بيه ؟!!! انا بصراحه عاجبانى اوى ... و عايز ابقى من الشيفرلويه :) ادوس ولا بلاش ؟!!!
عربية جميلة ماشاء الله تسلم ايدك على التقرير الجميل جداً
حسبي الله في منصور ، العربية تجنن من برى و جوا ، سبب عدم نزول الكماليات في السيارة هو الجمارك على حسب كلام المبيعات في التوكيل ، عزائي الوحيد موتور ألماني ، تقفيل رائع ، اللون رائع in and out , و المفروض وخدة أعلى نسبة أمان في الفئة بتاعتها ،
إلي بجد هيجنني ، ليه شيلين ال-usp و ال-AUX من العلبة إلي أعلى علبة التبلوه , كدة بئة مش لها لازمة ،،
، و نفسي اعملها test Drive قريباً إن شاء الله
يعني هي أحسن ولا الريو يا بشمهندزين أنا محتار ما بينهم
بس عاجبني شكل السونيك و خايف يكون فيها حاجه , لو حد مجربها يقولنا يا رجاله
نفس الرد اللى انا كنت عاوز اردو انا عمال اقارن بينهم بس اللى وصلتله مفيش حد مجرب السونيك على عكس الكيا متجربه وكيل وخليجي وكيل الكيا ومراكز الخدمه والصيانه احسن كتيييييييييييييييييييير من الشيفروليه اللى كله بيشتكي منها وابتديت اميل للريو علشان كده على عكس بدايه مقارنتي كانت عجبانى جدا جدا السونيك وما زالت بس حاسس ان فيها جاجه غلط :11:
متابع ...
المفاجئة الكبرى ، على الرغم من تخفيض معظم أسعار سيارات شفرليه في مصر خلال شهر رمضان الكريم (كل سنة و انتو طيبين ) إلى إن السونك تحافظ على سعرها المستفز ، واضح إن مفيش فايدة :(
عربية جميلة اوي بس برة مصر لاكن جوة مصر منصور شايل منها حجات كتير
شكراً علي الموضوع الجامد دة
العربية جميلة شكلها جميل الفنوس الخلفي شكلة وحش
لاكن هي جميلة برة مصر وحشة جوة مصر لان منصور حببنا شايل منها حجات جميلة جداً ومنزلها غلية اوي
معاك حق , ربنا يسهل فى موديل 2013 يا اما يظبط السعر او يزود الكماليات ويحط abs
شكراً على التقرير الجميل العربية جميل اوي ماشاء الله بس انا مضايقني اوي الفتحات اللي في الكونسول الاوسط دي .. شكلها كأن فيه حاجة مكسورة.. إخص عليهم عارف انهم عاملينها عشان موبايلك و محفظتك و كدا بس بجد وحشة اوي :(
للاسف اتوقف انتاجها تقريبا لانها اتشالت من موقع شيفورلية