الموضوع: حصريا لنايل موتورز تقرير مصور عن شيفروليه سونيك الجديدة 2012

المشاركة الأصلية كتبت بواسطة mody3on

بس كمالياتها ضايعة خالص , كثبات ممكن تكون احسن والتعليق ممكن , بس الكماليات تحسسك ان راكب فيرنا بصراحة , لا بلوتوث ولا جنوط ولا طارة ملتي ولا abs ولا usb ولا مثبت سرعة والخامات بلاستيك ولا فتحة سقف ولا اي حاجة , عربية barebones وب 117 الف جنيه , والدركسيون بيتحرك فوق وتحت بس مفيش قدام وورا , , والتسارع اعتقد الاكسنت احسن فيه , وشنطة السونيك ضيقة , وشكل من ورا تعبان جدا , ومكان قفل وفتح الابواب غريب جدا ( في نص التابلوه )
هي كثبات وتعليق ومناورات ومتعة قيادة وفتيس ممتازة واكيد احسن من الاكسنت والريو , بس تضحي بباقي الحاجات بقى

بالنسبالى انا اه اضحى اهم حاجة عندى الاساسيات الكماليات متعة اول 3 شهور و بعد كده الاساسيات هى اللى قاعده و الكماليات الكتير ليها عيوب برضه لما تضرب و التوكيل يقولى التصليح بقى بكذا يعنى و لما برضه تكون الكواليتى بتاعتها مش زى الالمانى مثلا فى نفس كمالياته وجهات نظر و كلها ليها احترامها

انا شوفت العربيه دى بتبداء من 76 الف صحيح الكلام ده يا حسام بيه ؟!!! انا بصراحه عاجبانى اوى ... و عايز ابقى من الشيفرلويه :) ادوس ولا بلاش ؟!!!

المشاركة الأصلية كتبت بواسطة hosam_optrawy

76 الف ايه بالظبط :) معلوماتى ان سعرها 117 الف

اللى ب 76 اعتقد الافيو مش السونيك

فعلا الافيو بس كان على موقع تانى كاتبين نيو افيو 2012 و حاطين صورتها حبيت اتاكد من المعلومه ... شكرا على التوضيح يا ريس ;)

حسبي الله في منصور ، العربية تجنن من برى و جوا ، سبب عدم نزول الكماليات في السيارة هو الجمارك على حسب كلام المبيعات في التوكيل ، عزائي الوحيد موتور ألماني ، تقفيل رائع ، اللون رائع in and out , و المفروض وخدة أعلى نسبة أمان في الفئة بتاعتها ،

إلي بجد هيجنني ، ليه شيلين ال-usp و ال-AUX من العلبة إلي أعلى علبة التبلوه , كدة بئة مش لها لازمة ،،
، و نفسي اعملها test Drive قريباً إن شاء الله