الموضوع: زيوت كاسترول وال 15000 كم وسؤال نصيحة

ازيكم يا شباب اخباركم ايه؟
يارب تكونوا بخير جميعا
من 6 شهور تقريبا حطيت كاسترول ايدج كان سعره لحظتها 255 جنيه
مرت فترة اختباره سريعا وحبيت اعمل تقرير عنه
الحمد لله حاليا عملت بيه 14350 كم وهنزله على 15000 ان شاء الله او بمعنى أدق على اول الشهر لو عملت ال 15000 يبقا زي الفل معملتهومش هنزله برده عشان العيد السفر والكلام دا العربية تبقا فايقة برده
بالنسبة للزيت كزيت معدل البخر تقريبا لا يوجد لأن الزيت في المقياس منزلش الحقيقة ودا كان جيد جدا
لزوجة الزيت جيدة جدا بعد الفترة دي
صوت الموتور كان هادي مبيعلاش
سحب العربية جيد
استهلاك البنزين محسيتش بفرق كبير !
لكن اللي اقدر اقوله ان الزيت بالفعل قدر انه يقدم خدمة لمسافة 15000 كم في مختلف الظروف من طرق سريعة وحرق وجري لسرعة 180كم ومن وسط البلد وزحمة وما شابه وطبعا تكييف وكلام من دا
بصراحة هو رائع جدا


السؤال ليكم بقا دلوقتي!؟
كلنا سمعنا عن زيوت فالفولين ! وانا في الحقيقة محتار احط كاسترول تاني واللا فالفولين؟!
كاسترول دلوقتي الايدج ال 5/40 عامل 270 جنيه
وفالفولين سين باور 5/40 عامل 270 برده
وفالفولين السين باور ام اس تي 5/30 عامل 300 جنيه
المفروض ان في فالفولين اللي بينصح بيه لعربيتي هو ال 5/30 حسب موقع فالفولين نفسه لكن المدى الحراري ل 5/40 انا شايف انه اكبر ومرجح اني احطه
مش عارف احط كاسترول تاني واللا فالفولين؟!
ولو هحط فالفولين احط انهي واحد في الاتنين يا شباب ؟!
منتظر نصيحتكم وياريت لو حد جرب فالفولين لمسافة محترمة نقدر نحكم عليه يدينا خبرته
شاكر جدا ليكم :b4_388: