انا جربت وفصلت الفيشه والدخانه السودا لازالت موجوده اما استهلاك البنزين مش عارف
ها اجرب تانى بس المشكله ان لما بشيل الفيش العربيه كلها بتلغبط
عرض للطباعة
انا جربت وفصلت الفيشه والدخانه السودا لازالت موجوده اما استهلاك البنزين مش عارف
ها اجرب تانى بس المشكله ان لما بشيل الفيش العربيه كلها بتلغبط
عندى 318 موديل 2000 مبتعديش 170 كم/الساعه كشفت كمبيوتر عند حازم الشربينى قال مفيش اى مشكلة فى العربية الموتور والفتيس وكل العربية مفيهاش اى مشاكل والمشكلة مستمرة اخرها 170 برجاء الافادة
بعد إذن صاحب الموضوع ، ممكن أرد هنا في موضوعك على السؤال دة ؟
إلي حضرتك بتقوله دة طبيعي شوية ، بمعنى المفروض العربية دي اخرها 205 ، وحضرتك بتجيب بيها 170 ، دة معناه انها مش حاجة بايظة ، لكن مجرد أداء قليل شوية
لأن لو حدة بايظة لا قدر الله كان التأثير هيبقى أقوى ، لكن كدة ممكن يكون في حاجات قديمة أو متهالكة مسببة الأداء دة ، ممكن تبتدي من أول فلاتر (بنزين وهوا )، بوجيهات وكويلات ضعيفة ، حساسات عايزة تتنضف (حساس الإيرماس ، والبوابة ) ، خراطيم الهوا والفاكيوم فيها حاجة مسربه أو مقطوعة ..
كل دي حاجات ممكن تضعف الأداء لكن مش مشاكل أو أخطاء ، وبالتالي مش هتبان على الكمبيوتر
نفكر كدة مع بعد ، العربية قديمة ولا جديدة ؟ موتور ماشي قد إيه ؟ أخر صيانة امتى وأخر مشاكل كانت فيها إيه أو من امتى بالضبط ظهرت الحكاية دي ؟
الحراره مظبوطه
شوف يا باشا ، الإحتمالات مش هتخرج عن حاجة من تلاتة :
1- الرشاشات مش كويسة ، وبتبان بالكشف على جهاز الرشاشات(لكن يكون شكل الحقن منتظم وليه شكل معروف عند الناس إلي بتشتغل في الإنجكشن)
2- حساس الإيرمس إلي راكب مش نضيف أو مش سليم أو مش بتاع نفس الموتور (في كذا موديل شبة بعض لكن مختلفين )، و دي بتعرف من جهاز الكشف بالكمبيوتر ويكون حد فاهم عشان يشوف قراءته سليمة ولا لأ مش مجرد إنه يطلع أخطاء
3- حساس الحرارة بيدي قراءة إن العربية باردة وعشان كدة الكنترول بيدخل بنزين عالي كأنها سلانسيه ، وبالتالي فيه دخنة ، ودي برضه عايزة الجهاز وحد يكون بيقرا قيراط الحساس صح ، عشان فيه اتنين حساس حرارة في العربية دي ، واحد للعداد وواحد للكونترول
وقبل كل دة لازم تكشف على خراطيم الهوا إن مفيهاش تسريب لأن دي برضه تبرجل قرائة الكنترول وتخليه يعمل حريق مش مظبوط
الحمد لله يا جماعه المشكله اتحلت فصلت فيشه حساس الشكمان واتحلت على طول بس المشكله دلوقتى فى استهلاك البنزين كتير