عربيتى 318 e46 موديل 2001 عندى مشكله بتاكل بنزين كتير جدا يعنى حوالى 70 ك فى الصفيحه وفى دخانه سواده فى العادم وريحه بنزين مش محروق علما ان انا غيرت الرشاشات والبيجوهات
عرض للطباعة
عربيتى 318 e46 موديل 2001 عندى مشكله بتاكل بنزين كتير جدا يعنى حوالى 70 ك فى الصفيحه وفى دخانه سواده فى العادم وريحه بنزين مش محروق علما ان انا غيرت الرشاشات والبيجوهات
كده حضرتك عندك مشكلة في الحريق بمعنى ان الوقود بيدخل غرفة الحريق ومش بيتحرق و العربية بتخرج عادم اسود من الشكمان .. كده لو قلنا ان العربية بتستهلك بنزين جامد وسحبها مش مزبوط ومبرجله يبقى لازم ترةح تبص على الاير ماس . لانه هو اللي بيشوف نسبة الهوا اللي داخلة اد ايه وبعدين يدي حريق على ادها بالظبط .. الفكرة كلها انك هتكشف عليها كمبيوتر وبعد كده هتعرف المشكلة فين .. لان المشكلة عندك مشكلة حساس
هي لمبة check engine إلي هي بتاعت الاعطال مش منورة ؟
أعتقد في كل الاحوال محتاج تكشف فعلاً ، لأن دي حاجة ليها علاقة بالكمبيوتر ، وأول حاجة فيها شك ذي ما ghost قال هي حساس الهوا (الإيرماس )، وبعد كدة الرشاشات (لكن حضرتك بتقول غيرتها ، هل سليمة ؟ ).
check engine بكاشف الاعطال
انا روحت كشفت عند حازم الشربينى وقالى الاير ماس ساليم وعلما لمبه التشك مش منوره تنصحونى اروح لمين افضل واحد
وعلى فكره انا غيرت الايرماس قبل كده وجبت واحد استيراد
حازم المفروض إنه فاهم في الكمبيوتر كويس ، بس أنا مستغرب إن الإيرماس سليم ، لو سلمنا إن الرشاشات سليمة والإيرماس سليم (ولوني مش مطمن لهم ) ، يبقى بعد كدة اتأكد إن ضغط طرمبة البنزين سليم ، لأن بعد كدة الشك هيكون في الكنترول .
ممكن سؤال للتوضيح ، هي عربيتك فيها أي موتور ؟
call me
عربيتى فيها ماتور الابيض 1845 سى سى
الإيرماس في الموتور دة معروف إنه بيبوظ كتير ، وفيه كتير من الموجود استراد بايظ ،
ممكن تجرب تفصل الفيشة بتاعته وتشوف النتيجة إيه ، هل فيه تحسن ولا لأ ؟