بسم الله الرحمن الرحيم
الحمد لله عملت العفشه فى القاهره يوم السبت الماضى وكان طنانى معايا ورحت عند العفشجى بتاعه وهوللامانه كويس جدا بس العيب الوحيد ان الوقت طويل انا كنا فى مصر الساعه 9 صباحا وبدا الشغل فى العربيه الساعه 3 عصرا بس واحد كويس جدا بس انا رحت الورشه وكان دورى ال7 وفى ناس كانت من الساعه 7 صباحا قاعده فى الورشه بس هو صنيعى كويس يستاهل المشوار فك الجنب بتاع العربيه ولاقى ظلت عند السوسته وهى الاقى عامله الصوت الرخم وغير جلد الطعميه ب2 جنيه وفك الجنب ونضفه كويس ورجع ركبه تانى وكان فى صوت فى العربيه وراء مش عارف من ايه رحت لكذا واحد محدش عرفه بس بفضل الله طلع العيب من حرف ال الاس بتاع الشكمان وطنانى ودانى لواحد معرفته ظبته كويس واخد كام 5 جنيه
العفشجى بعد الشغل ده اخد كلم انا استغربت من السعر تخيلوا والله ان كنت مستغرب طلب منى 20جنيه للشغل ده وطبعا طنانى جالى الساعه 12 الظهر وقعد معايا لما خلصت العربيه ووصلنى الى اول الطريق الدائرى وانا بشكره جدا جدا على تعبه معايا غير كمان الشاى والحاجه الساقعه انا كفايه انى غرمته وعطلته كمان