عملت حادثه و الحمد لله......

**x_gomgom** · 02-08-2011 08:57 PM

انا عملت حادثه و الحمد لله على كل شئ و الخسائر كلأتي .......
اكصدام و فانوس و كارتير عجل و الفبره اللي في الاكصدام من تحت و مقص و مسمار الميزان و جنط و فرده كاوتش. المشكله اني مش لاقي المقص ولا مسمار الميزان و محتاس المشكله اني مش لاقيهم في التوكيل
ارجوكم يا جماعه اللي يعرف هما موجودين فين يقول انا دورت في دمشق مش لاقيهم برده هي العربيه f0 .....
لا أراكم الله مكروهاً في عزيز و شكراً

**hazemhassan** · 02-08-2011 09:43 PM

حمد الله على سلامتك
وقدر الله ما شاء فعل

**bassem.naguib** · 02-08-2011 10:23 PM

الحمد لله على كل شيء .. وقدر الله وما شاء فعل .. أهم حاجة أنك سليم بفضل الله وده أهم شيء .

بالنسبة لقطع الغيار حاول تشوف في التوفيقية كدة النظام أيه .. وحاجة غريبة أنها مش موجودة في التوكيل .. وإن كنت أفضل تخليك وراء التوكيل لحد ما الحاجة تيجي .

وألف سلامة عليك مرة تانية وفداك مليون عربية .

**techno** · 03-08-2011 12:40 AM

الف حمد لله علي السلامة و الحمد لله علي كل شئ.. جرب التوفيفة صح لاني شفت للعربية الاف 3 حاجات كتير هناك و ان شاء الله تلاقي .. و الف حمد لله علي السلامة

**abaza2107** · 03-08-2011 02:12 AM

الحمد لله على سلامتك
وخليك ورا التوكيل وحاول تكلم اللواء / حسن شخصيا / 0122499999
او الاستاذ / عماد / 0197771747
وان شاء الله الموضوع يتحل

**ehabpopo** · 03-08-2011 09:47 AM

الف سلامة ليك يا باشا ... والحمد لله انك بخير ... وان شاء الله موضوع قطع الغيار يتحل ... او دور على قطع غيار بديلة ... يمكن يكون ليها قطع غيار بديلة

**elmanahry** · 03-08-2011 03:03 PM

المهم ان سيادتك بخير وربنا يعوض الخسارة وانا مع الراى ان سيادتك تكلم اللواء حسن شخصيا لازم يتكفلوا بقطع غيار سيارة استوردوها وباعوها للسوق المصرى لازم يتكفلوا بقطع الغيار التاجر الذى فى التوفيقية يبيع قطع غيار ال byd لانه نزل الصين واستورد وممكن يستورد اى قطعة للسيارة لانه على اتصال بالشركات التى تصنع قطع الغيار حتى لو تم ارسال القطع المطلوبة فى رسالة خاصة لان عندما كنت فى دولة الجزائر عام 1982 عندما لم يكن يوجد قطع غيار معينة كانت ترسل بالبريد فى طرد لطالب قطع الغيار وربنا يطمنا عليك

**x_gomgom** · 03-08-2011 07:00 PM

الله يسلمكم يا جماعه و بجد شكراً جزيلاً لشعوركم الجميل.....
انا دورت في التوفيقيه للاسف قطع غيارها مش موجوده و المقص غير موجود ولا مسمار الميزان و التوكيل للاسف مش موجوده عنده و انا اتزنقت عشان ظروف السفر و تم استعدال المقص على مكبس و عمل مسمار ميزان عموله عند خراط مؤقتاً لحين ورود قطع الغيار .... و باقي شغل السمكره إ، شاء الله هبدأ فيه اول ما ارجع من السفر......
شكراً و جزاكم الله كل خير