السلام عليكم
ارجو الافادة يا رجالة الرينو
رينو ميجان استيشن 2008 الفتيس الجديد ماشية 77000 كم فابريكة بالكامل ماعدا اكصدام خلفى وبعض الخربشة وتحتاج كوتش جديد معروضة امامى على 75000 جنية وهل سعرها يفرق عن السيدان ام لا
عرض للطباعة
السلام عليكم
ارجو الافادة يا رجالة الرينو
رينو ميجان استيشن 2008 الفتيس الجديد ماشية 77000 كم فابريكة بالكامل ماعدا اكصدام خلفى وبعض الخربشة وتحتاج كوتش جديد معروضة امامى على 75000 جنية وهل سعرها يفرق عن السيدان ام لا
أنا شايف السعر شغال بس شوف الصيانات وأنا أعرف أن الآستشن فرنساوى مش تركى
يعنى نتوكل على اللة و نشتري بس انا متردد بسبب اعادة البيع
إنت شاريها مستعملة أصلاً مش جديدة علشان تخاف من سعر إعادة البيع ... يعني لو حبيت تبيعها مش هتخسر كتيير
و بعدييين إنت قلقان من بيعها من قبل ما تشتريها ... إزاي...؟؟؟؟
حبها تحبك:beeangel:
الفكرة اني هاحط كل ال معايا وخايف تفتح معايا بوقها وفضل رايح جى على التوكيل وبصراحة الن اول مرة اجرب الميجان مش عارف ظروفها في الصيانة وقطع الغيار
اهم شئ تدور علية مش اعادة البيع الاهم عشان متشوفشى الويل ان تكون العربية بتتعامل مع التوكيل لان غير كدة حتصرف كتير لان الميجان عربية ممتعة ورفاهية وامان بس مش بتاعت بهدلة فرنساوى ..وسيبك ماشية كام طالما مش عارف صاحبها علشان اللعب فى عداد الكيلومتر سهل وقلة الضمير منتشرة ومش عايز حد يشوف العذاب الى شوفتة بس من متعة العربية كنت بكع كتير والتوكيل نفعنى كتير علشان ماكنتش بتتعامل مع التوكيل .. حسبى الله ونعم الوكيل فى الى بعلى العربية بس الحمد الله
ممكن السعر يكون اعلى او اقل المهم تاريخه مع التوكيل الشئ الاخر تكشف عليها كشف شامل بالتوكيل ب200جنية او 150ج فاصل معاهم .. لان اللعب برة على الكمبيوتر بالغاء خطأ مسجل كتيير .. دة الاهم من السعر
الف شكر علي نصيحة القيمة
انت لو مش عايزها اخذها انا
نصيحه اخويه لو التوكيل قالك حلوه توكل على الله العربيه دية تحفه انا قعدت اضور عليها اكتر من 6 شهور بعد ما بعت الميجان السيدان ومعرفتش الاقى واحده نضيفه وفى الاخر جيبت سينيك
عايز اقولك ان فرق التقفيل بين الفرنساوى والتركى ملحوظ شويه
انما بالنسبه للسعر عايز اقولك انها زيرو كانت ب 160 اقل او اكتر شويه
فلو المواصفات زى مابيقول وكشفت فى التوكيل الام مش مركز معتمد يعنى المقطم او العبور وشكرولك فيها توكل على الله بدون تردد انت اللى كسبان
ممكن اعرف من حضرتك عملت إيه اشتريت ولا اتراجعت لأن صديق ليا ناوي على الميجان بس انا لحد الأن معطله عن شرائها وبقوله يبحث عن بديل
انا اسف يا جماعة على التاخير لان فعلا اشتريت العربية فعلا قبل العيد وبصراحة انا كنت مشغول شوية معها فعلا فرق كبير بينها وبين عربيات كتير جربتها واشتريتها قبل كدة -الثبات اساسي -تقريبا مفيش احساس بالمطبات- الكماليات الي فيها كتير باس اللى تعبني نفسيا اني مش فاهم فيها ذى العربيات اللي كانت معايا انا واخد لم العربية تظهر فيها مشكلة اعرفها بس في العربية دية شىء مختلف
الف مبروك وربنا يبارك لك ويكفيك شرها.. اما بخصوص معرفتك باشياء عنها فتوجد معلومات وفيرة من الاخوة بالمنتدى ومفيدة جدا وبارك لله فيهم لماقدموة وماسيقدمونة
اة رايكم
فى حاجة غربية فى العربية انها 2008 بس الفوانيس مش عدسات والشبكة فى الاكصدام الامامى الشكل القديم مع ان العربية من الامام فابريكة ومش عاملة حادث والموتور بتاع الفانوس الامامى كان مش شغال ولاقايت الفايشة بتعتة فيشة 2008 وتاريخ الصنع عليها شهر 10 عام 2007( فيشة الشكل 2005 ما تركبش عندي)المهم اشتريت موتور جديد من التوكيل ب 544 جندي لموديل2008 ركب على الفيشة فى العربية عالطول حد ممكن يفهمنى