أستشاره عاجله من أهل الخبره

**elnager** · 24-10-2011 10:43 PM

السلام عليكم
ارجو الافادة يا رجالة الرينو
رينو ميجان استيشن 2008 الفتيس الجديد ماشية 77000 كم فابريكة بالكامل ماعدا اكصدام خلفى وبعض الخربشة وتحتاج كوتش جديد معروضة امامى على 75000 جنية وهل سعرها يفرق عن السيدان ام لا

**abasse** · 25-10-2011 07:35 AM

أنا شايف السعر شغال بس شوف الصيانات وأنا أعرف أن الآستشن فرنساوى مش تركى

**elnager** · 25-10-2011 12:28 PM

يعنى نتوكل على اللة و نشتري بس انا متردد بسبب اعادة البيع

**ahmedtr9989** · 25-10-2011 01:12 PM

إنت شاريها مستعملة أصلاً مش جديدة علشان تخاف من سعر إعادة البيع ... يعني لو حبيت تبيعها مش هتخسر كتيير
و بعدييين إنت قلقان من بيعها من قبل ما تشتريها ... إزاي...؟؟؟؟
حبها تحبك

**elnager** · 25-10-2011 01:48 PM

الفكرة اني هاحط كل ال معايا وخايف تفتح معايا بوقها وفضل رايح جى على التوكيل وبصراحة الن اول مرة اجرب الميجان مش عارف ظروفها في الصيانة وقطع الغيار

**abdallasoliman** · 28-10-2011 10:55 PM

اهم شئ تدور علية مش اعادة البيع الاهم عشان متشوفشى الويل ان تكون العربية بتتعامل مع التوكيل لان غير كدة حتصرف كتير لان الميجان عربية ممتعة ورفاهية وامان بس مش بتاعت بهدلة فرنساوى ..وسيبك ماشية كام طالما مش عارف صاحبها علشان اللعب فى عداد الكيلومتر سهل وقلة الضمير منتشرة ومش عايز حد يشوف العذاب الى شوفتة بس من متعة العربية كنت بكع كتير والتوكيل نفعنى كتير علشان ماكنتش بتتعامل مع التوكيل .. حسبى الله ونعم الوكيل فى الى بعلى العربية بس الحمد الله

**abdallasoliman** · 28-10-2011 11:00 PM

ممكن السعر يكون اعلى او اقل المهم تاريخه مع التوكيل الشئ الاخر تكشف عليها كشف شامل بالتوكيل ب200جنية او 150ج فاصل معاهم .. لان اللعب برة على الكمبيوتر بالغاء خطأ مسجل كتيير .. دة الاهم من السعر

**elnager** · 30-10-2011 12:26 AM

الف شكر علي نصيحة القيمة

**lion99990** · 30-10-2011 11:42 PM

انت لو مش عايزها اخذها انا

**abdoelkot** · 01-11-2011 12:36 AM

نصيحه اخويه لو التوكيل قالك حلوه توكل على الله العربيه دية تحفه انا قعدت اضور عليها اكتر من 6 شهور بعد ما بعت الميجان السيدان ومعرفتش الاقى واحده نضيفه وفى الاخر جيبت سينيك
عايز اقولك ان فرق التقفيل بين الفرنساوى والتركى ملحوظ شويه
انما بالنسبه للسعر عايز اقولك انها زيرو كانت ب 160 اقل او اكتر شويه
فلو المواصفات زى مابيقول وكشفت فى التوكيل الام مش مركز معتمد يعنى المقطم او العبور وشكرولك فيها توكل على الله بدون تردد انت اللى كسبان