جلب مقصات نوبيرا

**MAKandil** · 24-10-2011 11:16 PM

انا بسمع خربطه كده فى العربيه من قدام فى الطرق الترابيه و مع المطبات ... روحت للميكانيكى قالى دى عايزة جلب مقصات و ده شغل عفشه ....
يا ريت لو حد يعرف جلب المقصات دى بكام ؟؟؟؟؟
و مين احسن واحد ممكن يعملها فى المنصورة ؟؟؟؟
شكرا مقدما

**M.Al-Hefnawy** · 24-10-2011 11:28 PM

هات جلب المقصات الأصلية بس بيتباع الطقم كله 2 كبار و2 صغيرين وانت مش هتحتاج غير الكبار بس.

تقريباً الطقم بيعمل في حدود 100 - 110 جنيه

ومصنعية حوالي 40 جنيه

**ahmad--ezzat** · 24-10-2011 11:35 PM

احسن حاجه ال gm الاصلى بتوعها

**don** · 25-10-2011 11:26 AM

هات جلب عفشة مقصا ت سيارة 131 ومجرب وانسها طول عمرك

**zocor742** · 27-10-2011 03:44 AM

جلب 131 جديدة دى كان فية تيوتا كورولا عيون ومش فاكر حاجة تانية
انا برضو حاسس مجرد احساس ان الجلب بدأت تخف مع انى جبت المقصات الاسبانى اللى المفروض بتركبها وتنساها زى ما ناس مجرباها وقالت انها حلوة
مع انى فى المطبات الواطية والنقر بخدها واحدة واحدة لو اللى ورايا هيتشل والطرق الغير ممهدة مبجريش ببقى ماشى بحزر معرفش بقى تهيئات ولا فعلا خفوا ولا حاجة تانية خالص الحكم هو الكشف عليهم .

**ahmedismael** · 27-10-2011 12:24 PM

السلام عليكم
للاسف تعبت كتير لما كنت بغير الجلب من فترة و ملقتش المقصات الاسبانى وبعد لفت وتدوير و اسئلة كتير قولت اغير الجلب لحد ما تيجى شحنة تانية من المقص الاسبانة سعر طقم الجلب الاصلى من الشرقاوى اللى فى جسر السويس بى 190 جنية + 40 مكبس + 20 مصنعية عفشجى .
دور الاول على المقص الاسبانى انا لما جبتة كان من نافع اللى فى شارع دمشق 440 وفضلو فى عربيتى سنتين لو مش موجود هات جلب اصلية اللى الكيس بنتعها علية العلامة المائية بتاعة ال gm