جيناوى جديد و عايز النصيحة

**ahmedrocka1** · 25-10-2011 03:51 AM

انا الحمد لله جبت بروتون جين 2 مستعملة موديل 2007 اوتوماتيك و عاملة 53000 كيلو
بس لما بدوس فرامل و انا مسرع شوية بسمع صوت صفارة فى الفرامل مش عارف ده عيب ايه
و فرامل اليد عايزة تترجلش .
انا بفكر اروح مركز عصام صفا يكشف على العربية كلها بس هل ده هيكلفنى كتيير ولا لأ ؟؟؟
و سؤال اخير هو مينفعش اشيل المفتاح و اخلى العربية على n ؟؟؟؟؟

**koheya** · 25-10-2011 06:16 AM

المشاركة الأصلية كتبت بواسطة ahmedrocka1

انا الحمد لله جبت بروتون جين 2 مستعملة موديل 2007 اوتوماتيك و عاملة 53000 كيلو
الف مبروك ربنا بياركلك فيها ويكفيك شرها.
بس لما بدوس فرامل و انا مسرع شوية بسمع صوت صفارة فى الفرامل مش عارف ده عيب ايه
غير تيل الفرامل بتيل مايلى ايطالى بتاع الفيات بترا
و فرامل اليد عايزة تترجلش .
رجلشها فى عصام صفا وغير زيت موتور وفلتر
انا بفكر اروح مركز عصام صفا يكشف على العربية كلها بس هل ده هيكلفنى كتيير ولا لأ ؟؟؟
على حد علمى كشف كامل على العربية 400 جنية
و سؤال اخير هو مينفعش اشيل المفتاح و اخلى العربية على n ؟؟؟؟؟

لا مينفعش بس ممكن تعمل مفتاح من غير الشفرة وتحطة فى الكونتاكت حيخليك تعرف تحرك الفتيس على n بس مش حيدورها. حتضطر تسيبة فى الكوناكت وتقفل العربية بالمفتاح الاصلى ودة خطر جدا ممكن حد يفكر انك سايب المفتاح الاصلى ويكسر الازاز علشان يسرقها.

**moody_ezat** · 25-10-2011 03:56 PM

الف مبروك ياباشا وربنا يباركلك فيها ويكفيك شرها
لو ممكن حضرتك تقولنا السعر فى حدود كام لانى عايز اشترى واحده قريب ان شاء الله بس مش عارف تعمل كام

**devilishtigers** · 25-10-2011 07:54 PM

المشاركة الأصلية كتبت بواسطة koheya

لا مينفعش بس ممكن تعمل مفتاح من غير الشفرة وتحطة فى الكونتاكت حيخليك تعرف تحرك الفتيس على n بس مش حيدورها. حتضطر تسيبة فى الكوناكت وتقفل العربية بالمفتاح الاصلى ودة خطر جدا ممكن حد يفكر انك سايب المفتاح الاصلى ويكسر الازاز علشان يسرقها.

لا طبعا انا اخاف اعمل كده

المشاركة الأصلية كتبت بواسطة moody_ezat

الف مبروك ياباشا وربنا يباركلك فيها ويكفيك شرها
لو ممكن حضرتك تقولنا السعر فى حدود كام لانى عايز اشترى واحده قريب ان شاء الله بس مش عارف تعمل كام

جبتها ب 60000 و ان شاء الله ربنا يجعلك نصيب فى واحدة زيها عشان نجرى مع بعض هههههههه

**moody_ezat** · 26-10-2011 01:29 AM

جبتها ب 60000 و ان شاء الله ربنا يجعلك نصيب فى واحدة زيها عشان نجرى مع بعض هههههههه[/QUOTE]

الله يخليك ويشرفنى طبعا لما نجرى بيها مع بعض انى اطلع منك واسبقك هههههههههه
المشكله عندى انى عمال اشوف اسعار مره اعلى من كده ومره اقل من كده بس اكيد ده الفرق بين حالة كل عربيه والتانيه
لانى شفت مثلا على موقع كونتكت كارز اسعار ملهاش علاقه ببعض وكنت عايز اعرف ايه السبب فى التفاوت ده

بس انا شكلى كده هدور على حد اكون اعرفه احسن واشتريها منه ولا انت رايك الواحد ممكن يلاقى حاجات كويسه على النت ؟