مش معقول تكيف اللوجان..ارجو الرد من ملاكها

السلام عليكم ورحمه الله وبركاته ..


المشكله الوحيده اللي مجنناني ومخلياني متردد في شرائها هي تكيف العربيه:_Alshmokh08[1]: ..مش ممكن السوء ده والله العظيم بدون مبالغه كأنه مش موجود وعن تجربه تامه وسفر بيها اكتر من 100 كيلو.. هي مع واحد صحبي وبصراحه العربيه عجباني جدا في كل حاجه الا موضوع التكيف ده.. ده انا كمان سافرت بيها في يوم مش حر قوي كانت الحراره 28 .. ووالله العظيم تلاته كأني مشغل مروحه مش تكيف:crying2:.. حتي صاحبي مالك العربيه(بقالها معاه سنه ونص) مش مبسوط خالص من التكيف بس باقي العربيه انا وهو مبسوطين جدا منها.. اللي مجنني بقي ازاي رينو تعمل تكيف بالسوء ده.. ودي الحاجه الوحيده اللي مخلياني متردد في شراء اللوجان لآن بصراحه التكيف من الاساسيات الضروريه جدا عندي.. فهل حد عند علاج للمشكله دي.. ولا دي مشكله خاصه بعربيه صاحبي بس.. ارجو الرد بأستفاضه وتحليل نقطه ضعف التكيف ولكم جزيل الشكر ..:help2:

والسلام عليكم ورحمه الله وبركاته ..

تكيف اللوجان يخسارة هوه رقم وااااااااااااااااااااحد فى شركة لوجان ومتركب فى الداستر .....اسف المشكلة موجودة عند صحبك بس وخليه يظبط مخارج التكيف....التكيييييييييف ثلااااااااااااااااجة

فعلا مش للدرجادى خالص

ياباشا إيه الكلام ده؟؟؟؟!!!!!!

التكييف لو مش ممتاز ـ وهو بالفعل ممتاز ـ فهو عادى إنما اللى حضرتك بتقوله ده فيه قدر كبير من المبالغة بصراحة.

عربية صاحبك فيها مشكلة , تكيف اللوجان حلو قوي ما شاء الله

كدة تكييف صاحبك فيه مشكلة

تكييف اللوجان جيد جداً

لازم يكشف على العربية




وائل الشيشيني

بص يا اخي الكلام اللي بتقوله فعلا مبالغ

انا جبت اللوجان ومع اني لسه في التليين لكن مش بقدر اعلي التكييف عن 2

بص مادمت عايز تشتري العربية يبقي الامر يستحق انك تشوف عربية تانية

يا اما يأكد رايك، وتبقي دي مشكلتك، انت مش عايز تكيييف انت عايز فريزر

او تتأكد برضة وتبقي دي مشكلة عربية صاحبك


اعتقد ان اي حد في القسم عنده استعداد انك تقابله ويركبك العربية كمان

وانا اول واحد

انا في مدينة نصر

بخلص شغلي الساعه خمسه ونص


وربنا يوفقك يا جميل

اقتباس:

---

المشاركة الأصلية كتبت بواسطة fahdebnyonis

بص يا اخي الكلام اللي بتقوله فعلا مبالغ

انا جبت اللوجان ومع اني لسه في التليين لكن مش بقدر اعلي التكييف عن 2

بص مادمت عايز تشتري العربية يبقي الامر يستحق انك تشوف عربية تانية

يا اما يأكد رايك، وتبقي دي مشكلتك، انت مش عايز تكيييف انت عايز فريزر

او تتأكد برضة وتبقي دي مشكلة عربية صاحبك


اعتقد ان اي حد في القسم عنده استعداد انك تقابله ويركبك العربية كمان

وانا اول واحد

انا في مدينة نصر

بخلص شغلي الساعه خمسه ونص


وربنا يوفقك يا جميل

---

طبعاً أنا مع جميع الأخوة ومش حقول أكتر من اللي قالوه
بس بالراحة يا أخ فهد :) ، هو بس الأخ إتش أف كان المفروض يسأل أكتر من شخص و يجرب ميعتمدش على مثال واحد! لأن لو كل واحد عمل كده محدش حيجيب حاجة!
برجاء سؤال أكثر من شخص و أن تنصح صديقك بالذهاب للتوكيل و الكشف على التكييف
تقبلوا مروري


محمود شتا

تكييف اللوجان ممتاز...طوال السنتين تبريده قوي و لم نواجه أي مشاكل معه

اصلا اللي اعرفه
ان فيه شراكة بين نيسان وبين رينو
وان اللوجان اخدت من نيسان التكييف بتاعها

يعني تكييف ياباني محترم

هذا برضه والله اعلم

تكييف اللوجان جيد جدا وليس ممتاز
يعنى مش بهذه الدرجه من السوء

أكيد حضرتك عندك مشكلة خاصة بيك فى التكييف روح التوكيل أو أى مركز صيانة تكيفات ويفضل التوكيل وخليهم يكشفوا على التكييف أحتمال عايز شحن فريون أو عازل على المواسير أو فى حاجة بتسرب الفريون وأن شاء الله تطلع حاجة بسيطة وغالبا هيكون عايز شحن فقط
وكمان خلى تدوير الهواء من داخل السيارة وليس من الخارج
والله الموفق والمستعان

التكييف مافيهوش اي مشاكل و بيسقع في الحر لدرجة اني بغير اتجاه خروج الهوا من الفتحات الى الفتحه اللي قدام في التابلوه

ثلااااااااااااااااااااااا ااااااااااااااااااااااااا اااااااااااجه

تكييف اللوجان في الاصل ياباني وتكييف ممتاز وبمنتهي الامانة انا ساعات كتير مبقدرش اشغل التكييف في الايام اللي بيكون فيها الجو كويس عشان بيخلي العربية تلج وماببقاش مستحملة اكيد العربية اللي انت ركبتها كان فيها مشكلة وخصوصا ان انت كنت علي طريق والتكييف علي الطريق بيبقي اقوي من وانت ماشي في زحمة او علي سرعات قليلة

اقتباس:

---

المشاركة الأصلية كتبت بواسطة nadernabil

تكييف اللوجان ممتاز...طوال السنتين تبريده قوي و لم نواجه أي مشاكل معه

---

تحية لكل اللوجانوية الأخوة مصطفى سعد ، أدهم ، أكيريما (يا رب أكون كتبتها صح)

تحية خاصة للأخ نادر نبيل!
اللي كان التقرير بتاعه عن اللوجان 2010 أحد أهم أسباب شرائي للوجان 2011!

اقتباس:

---

المشاركة الأصلية كتبت بواسطة ModySheta

تحية لكل اللوجانوية الأخوة مصطفى سعد ، أدهم ، أكيريما (يا رب أكون كتبتها صح)

تحية خاصة للأخ نادر نبيل!
اللي كان التقرير بتاعه عن اللوجان 2010 أحد أهم أسباب شرائي للوجان 2011!

---

ashraf kerima

akerima

اشرف كريمة (زي اللي بتتحط علي التورتة)

وصباح العسل يا كبير

السلام عليكم ورحمه الله وبركاته..

جزا الله خيرا لكل من قام بالرد علي الموضوع..واضح انه من الممكن المشكله تكون في عربيه صاحبي بس لان كل الاخوه الملاك الافاضل اكدوا ان تكيفها ممتاز او علي الاقل جيد جدا وانا سوف اختبره في عربيه غير عربيه صاحبي ..وبشكر الاستاذ فهد علي عرضه الكريم بأختبار التكيف في عربيته بس ده صعب لانني من بني سويف .. حاجه اخيره تسيت اقولها المره اللي فاتت. التكيف واحنا راجعين باليل كان فعلا تلاجه لكن الصبح والشمس طالعه كانه مش موجود .. اخيرا انا شاكر لكم جميعا ..

والسلام عليكم ورحمه الله وبركاته..

التكييف عندى ممتاز جدا ...
مع العلم إن مكتبى مكيف على 23 يعنى أنا متعود على الدرجة دى ...
الغريب بقى إنى أحيانا أشعر ببرد من تكييف العربية أروح مغير اتجاهه أو أطفيه شوية ...

طيب في ايام الحر الشديد بيفضل كويس ولا بيقلب قطه .. انا بهزر ماحدش يزعل

يا باشا لو حر شديد مش هيتلج الدنيا لكن هيمنع الحر و يخلي الجو لطيف

حتي في الحر الشديد التكييف ممتاز .:penguin4:

تكييف اللوجان ممتاز فى اى وقت حتى لما بكون جايب الهواء من بره
العربيه معايا من سنتين و نص

شكرا جزيلا لكل الرجاله ملاك اللوجان علي الردود

أنا مش بستحمله أكتر من اول درجه ,انا شايف انه كتكيف قايم بالواجب وزيادة

تكيفها بالنسبة ليا فى الاجواء الحارة بيبقى ملطف اما العادية بيسقع
بس انا ركبت نيسانى صنى وتكيفها مختلف تماما

من الاخر اعمل اللى انا عملته
هات ستاير للعربية كلها
وراء وقدام وساعتها فعلا هتحس بالفرق فى التكيف
غير كدة لو عاوز تكيف فريزر يبقى مرشحش اللوجان

اقتباس:

---

المشاركة الأصلية كتبت بواسطة akerima

ashraf kerima

akerima

اشرف كريمة (زي اللي بتتحط علي التورتة)

وصباح العسل يا كبير

---

صباح الفل يا أبو أشرف! كريمة فعلاً و عسل كمان
صباح الفل و متنساش تصبح لي على لوجي :)

التكييف ماااا شااااء الله ثلااااااااااااجة والحمد لله

التكييف ممتاز ولا يوجد اصعب من جو اسوان لاختباره للعلم درجة الحرارة وصلت 120 درجه مئويه تحت التابلوه للعربيه المغلقه المركونه فى الشمس المباشرة لمدة ساعات وحوالى 60 درجة مئويه فوق الكراسى ومع ذلك لم اشكو مطلقا من التكييف وهو رائع

بصراحة التكيف عندي الحمد لله راضي عنه

تكيف اللوجان ضعيييييف ازاي ده من اقوى التكيفات
انا عندي مش بعليه اكثر من 2 هو 4 سرعات وده بالنهار اما بالليل ببيبقى على 1 وخلي النظام توزيع هواء ومش مركز في الهويات الماميه عشان بيبقى تلااااااااجه
مقلل الترموستات كمان
وفعلا هو تقريبا زي النيسان صني بس بحس ان درجة تبريده اعلى كمان من النيسان
لا تكيف اللوجان من ضمن مميزاتها اللي مغلياها في نظري عن عربيات كتير في نفس الفئة السعريه
تكيف عربية زميلك فيه مشكله اكيد ولا ممكن هو مش مشغل الكمبروسر هههههههه

اقتباس:

---

المشاركة الأصلية كتبت بواسطة hamottos

تكيف اللوجان ضعيييييف ازاي ده من اقوى التكيفات
انا عنديلو عندك لوجان طب متغير بياناتك الشخصية لأن ده مفيد ليك ولينا وشكرا ليك مش بعليه اكثر من 2 هو 4 سرعات وده بالنهار اما بالليل ببيبقى على 1 وخلي النظام توزيع هواء ومش مركز في الهويات الماميه عشان بيبقى تلااااااااجه
مقلل الترموستات كمان
وفعلا هو تقريبا زي النيسان صني بس بحس ان درجة تبريده اعلى كمان من النيسان
لا تكيف اللوجان من ضمن مميزاتها اللي مغلياها في نظري عن عربيات كتير في نفس الفئة السعريه
تكيف عربية زميلك فيه مشكله اكيد ولا ممكن هو مش مشغل الكمبروسر هههههههه

---

بص يا باشا انا معايا العربية من سنة و نص و دي خامس عربية أركبها أكيد في حاجة في عربيتك راجع التوكيل لان ده مش طبيعي و تكييف اللوجان عموما جيد جدا