مش معقول تكيف اللوجان..ارجو الرد من ملاكها

**شارلي شابلن** · 25-10-2011 06:42 AM

السلام عليكم ورحمه الله وبركاته ..

المشكله الوحيده اللي مجنناني ومخلياني متردد في شرائها هي تكيف العربيه ..مش ممكن السوء ده والله العظيم بدون مبالغه كأنه مش موجود وعن تجربه تامه وسفر بيها اكتر من 100 كيلو.. هي مع واحد صحبي وبصراحه العربيه عجباني جدا في كل حاجه الا موضوع التكيف ده.. ده انا كمان سافرت بيها في يوم مش حر قوي كانت الحراره 28 .. ووالله العظيم تلاته كأني مشغل مروحه مش تكيف.. حتي صاحبي مالك العربيه(بقالها معاه سنه ونص) مش مبسوط خالص من التكيف بس باقي العربيه انا وهو مبسوطين جدا منها.. اللي مجنني بقي ازاي رينو تعمل تكيف بالسوء ده.. ودي الحاجه الوحيده اللي مخلياني متردد في شراء اللوجان لآن بصراحه التكيف من الاساسيات الضروريه جدا عندي.. فهل حد عند علاج للمشكله دي.. ولا دي مشكله خاصه بعربيه صاحبي بس.. ارجو الرد بأستفاضه وتحليل نقطه ضعف التكيف ولكم جزيل الشكر ..

والسلام عليكم ورحمه الله وبركاته ..

**klaw** · 25-10-2011 09:05 AM

تكيف اللوجان يخسارة هوه رقم وااااااااااااااااااااحد فى شركة لوجان ومتركب فى الداستر .....اسف المشكلة موجودة عند صحبك بس وخليه يظبط مخارج التكيف....التكيييييييييف ثلااااااااااااااااجة

**amrelzawawy** · 25-10-2011 09:07 AM

فعلا مش للدرجادى خالص

**harizy** · 25-10-2011 09:34 AM

ياباشا إيه الكلام ده؟؟؟؟!!!!!!

التكييف لو مش ممتاز ـ وهو بالفعل ممتاز ـ فهو عادى إنما اللى حضرتك بتقوله ده فيه قدر كبير من المبالغة بصراحة.

**ASSASSIN** · 25-10-2011 09:37 AM

عربية صاحبك فيها مشكلة , تكيف اللوجان حلو قوي ما شاء الله

**walloo1978** · 25-10-2011 09:43 AM

كدة تكييف صاحبك فيه مشكلة

تكييف اللوجان جيد جداً

لازم يكشف على العربية

وائل الشيشيني

**Moustafa.yonis** · 25-10-2011 10:32 AM

بص يا اخي الكلام اللي بتقوله فعلا مبالغ

انا جبت اللوجان ومع اني لسه في التليين لكن مش بقدر اعلي التكييف عن 2

بص مادمت عايز تشتري العربية يبقي الامر يستحق انك تشوف عربية تانية

يا اما يأكد رايك، وتبقي دي مشكلتك، انت مش عايز تكيييف انت عايز فريزر

او تتأكد برضة وتبقي دي مشكلة عربية صاحبك

اعتقد ان اي حد في القسم عنده استعداد انك تقابله ويركبك العربية كمان

وانا اول واحد

انا في مدينة نصر

بخلص شغلي الساعه خمسه ونص

وربنا يوفقك يا جميل

**ModySheta** · 25-10-2011 10:50 AM

المشاركة الأصلية كتبت بواسطة fahdebnyonis

بص يا اخي الكلام اللي بتقوله فعلا مبالغ

انا جبت اللوجان ومع اني لسه في التليين لكن مش بقدر اعلي التكييف عن 2

بص مادمت عايز تشتري العربية يبقي الامر يستحق انك تشوف عربية تانية

يا اما يأكد رايك، وتبقي دي مشكلتك، انت مش عايز تكيييف انت عايز فريزر

او تتأكد برضة وتبقي دي مشكلة عربية صاحبك

اعتقد ان اي حد في القسم عنده استعداد انك تقابله ويركبك العربية كمان

وانا اول واحد

انا في مدينة نصر

بخلص شغلي الساعه خمسه ونص

وربنا يوفقك يا جميل

طبعاً أنا مع جميع الأخوة ومش حقول أكتر من اللي قالوه
بس بالراحة يا أخ فهد :) ، هو بس الأخ إتش أف كان المفروض يسأل أكتر من شخص و يجرب ميعتمدش على مثال واحد! لأن لو كل واحد عمل كده محدش حيجيب حاجة!
برجاء سؤال أكثر من شخص و أن تنصح صديقك بالذهاب للتوكيل و الكشف على التكييف
تقبلوا مروري

محمود شتا