عرض للطباعة
السلام عليكم ورحمة الله وبركاته
يا جماعه ياريت لو حد يعرف الفرق بين الفتيس ال dsg الست غيارات و السبعه لأن اخويا عجباه جدا السيات ألتيا دي
ENGINES - ALTEA XL - SEAT ALTEA XL | SEAT Official Dealer in Egypt
و عايز يشتريها وانا رغم عشقي لفولكس و سيات و لكن قلقان من الفتيس dsg و مشاكله في مصر
واللي أعرفه ان المشاكل كلها في ال سبع غيارات
فهل الفتيس ال dsg الست غيارات فيه نفس عيوب و مشاكل السبعه ولا لأ و هل بنفس التصميم ؟
وايه رأيكم في الألتيا عموما ؟
و جزاكم الله خيرا
بص ياسيدي
هو نفس تصميم ال7 بس اعتقد انه بياخد 4 لتر زيت (مش متأكد من الرقم) بعكس DSG 7 بيسموه (dry clutch)
لو صح فعلا انهم استبدلوا السته بالسبعه اعتقد ان ده ممكن يطول العمر الافتراضي على اساس عدد النقلات هايقل بس الله اعلم ايه اللي ممكن يحصل قصاد كده خصوصا انه لسه ماحدش جربه
نصيحه لوجه الله بلاش DSG من اصله
شكرا أستاذ هاني علي ردك
ولكن انا تصفحت بعض المواقع الأجنبية و لقيت ان الست سرعات ده نازل من زمان بقاله حوالي 7 سنوات و مكنش فيه مشاكل بسبب انه بيتحطله زيت زي محضرتك قلت ومش جاف تماما زي السبعه
بحاول ادور علي اي مشاكل ليه ومش لاقي
هل فيه فرق بينه (الست سرعاتdsg) و بين الفتيس الست سرعات اللي بينزل في الأوكتافيا ؟
ومنتظر بقية الأراء !!!
حضرتك جربت تقرا الموضوع دة ؟
http://www.nilemotors.net/Nile/250319-dsg.html
شوفه كدة ولو ليك استفسارات أكتر أنا تحت أمرك
ربنا يكرمك يا أفندم و يجزيك خيرا ولكن يبقي السؤال ليه مازال بيتم انتاجه و تركيبه حتي الأن برغم وجود العيوب دي فيه وهل تم حلها بشكل فعلي كامل ولا لأ؟اقتباس:
المشاركة الأصلية كتبت بواسطة farahat
ايه رأيك في العربية اللي هو راكب فيها ؟ تنفع ولا لأ ؟وهل مصاريف صياناته و مستهلكاته غالية ؟
مش ممكن تكون فولكس بتنتجه بقالها 7 سنوات و مازال فيه مشاكل مش عارفين يحلوها ؟؟؟؟؟؟؟؟؟؟؟
منتظر ردك
لو أي شركة بطلة تنازل منتج عشان الجيل الاول بتاعه فيه مشاكل يبقى مكناش هنشوف iPhone 4 ولا windows 7 ولا كان بقى فيه سادس جيل من BMW الفئة التالتة ، كل الحاجات دي أول جيل منها كان مليان مشاكل .. و حلوها، ومع ذلك لما نزل الجيل التاني برضه برضه كان فيه مشاكل ، بس أقل وبرضه حلوها .. ، هو دة العادي .اقتباس:
المشاركة الأصلية كتبت بواسطة ehab_mansour
ال-DSG دة لسة أول جيل منه ، وبقاله يدوب 6 سنين للمنتج الاول و-3-4 سنين للمنتج التاني ، يعني لسة في مرحلة التجربة لمناسبة السوق ، مهما كان إتجرب في المعامل وفي التراكات ، الاستعمال بواسطة ملايين المستخدمين هو إلي بيوصل المنتج للشكل النهائي ، ودة لسة مكملش عشان يحكم أصلاً إذا كان منتج ناجح ولا فاشل ويوقفوا إنتاجه .
سؤال حضرتك عن العربية ومصاريفها ، الإجابة انها غالية طبعاً ، مش عشان الفتيس ، عشان العربية دي غالية أصلاً سواء فيها DSG أو اوتو عادي ، عشان مصاريف صيانة الأوروبي عموماً وسيات خصوصاً غالية ، عشان التوكيل ضعيف والمبيعات قليلة في السوق ، وبالتالي قطع غيار قليلة وبالتالي سعر عالي .
فولكس بتنتج ال-DSG-6 بقالها 7 سنين وحالة مشاكل كتير فيه، واعتقد أصبح مستقر أكتر من ال-DSG-7 ، لكن أي حد يقولك إنه ليه مشاكل أو ملوش في مصر يبقى "بيفتي " ، لأن محدش جربه هنا عشان يحكم عليه .
وبما إن أنا ضد مبدأ الفتي في إلي ما اعرفوش ، فأنا هكتفي بإني أقول المعلومة المؤكدة إلي أنا عارفها ولحكم النهائي لحضرتك على حسب اقتناعك
[frame="1 80"]
هل فيه فرق بينه (الست سرعاتdsg) و بين الفتيس الست سرعات اللي بينزل في الأوكتافيا ؟
[/frame]
6 سرعات DSG تصميمه على اسطوانات دبرياج زي المانيوال وفتيس الاوكتافيا اوتو عادي
الواقع ان الموديل القديم من DSG 6 سرعات كان بيعيبه الاهتزاز الشديد بين النقلات في حالة shift down في السرعات البطيئه و خصوصا من السرعه الثانيه للاولى كأن العربيه بتفرمل فاخترعوا DSG7 لتقليل الاحساس بالنقله و قصروا مدى النقله الاولى و ماتجيش الا لو العربيه وقفت تماما وتبقى طول ما هي ماشيه سلانسيه واخده السرعه التانيه بس ده طبعا حمل رهيب على الاسطوانه رقم 2 و عشان كده الدبرياج عمره قصير
بالمناسبه الكلام ده مش فتي
الفتيس ال-DSG-6 مبني على ما يسمى بالتروس الكوكبية (Planetary gears )، يعني نفس تركيب الفتيس الاوتو العادي ، بس الفرق إن بدل محول العزم (Torque converter ) أو البطيخة فيه مجموعة دبرياج ، بس مش دبرياج على إسطوانات ذي المنوال ولكن multi-plate wet clutch ، يعني ببساطة كدة مجموعة دبرياجات سع؛ايرة بتشتغل عن طريق ضغط الزيت .
وعشان كدة التصميم كله فتيس اوتو لكن معقد شوية ، وعشان مبني على زيت كله بيستخدم 10 كتر زيت ، في حين ال-DSG-7 مانوال وبالتالي بياخد 1.7 لتر زيت فقط ذي الفتيس المنوال .
عيوب الفتيس ال-DSG-6 كانت في السخونة ، عشان فيه زيت كتير ، وضغط الزيت مع الزحمة بيزيد وبالتالي بيسخن ، وبالتالي الكنترول بتاعه كان بيضرب ، ودي المشاكل إلي ظهرت فيه ، حتى في أمريكا ، وإتحلت أغلبها دلوقتي .
على الناحية التانية فتيس الاكتفيا ال-6 سرعات العادي دة حاجة تانية غير الاتنين دول ، لأنه فتيس اوتو عادي خالص بس فيه 6 سرعة بدل 5 ، وبالتالي مش بيعاني من نفس المشاكل .
اتمنى دة يكون وضح لحضرتك الفرق .
جزاكم الله خيرا أستاذ فرحات و أستاذ هاني وربنا يجعله في ميزان حسنات حضراتكم
كده كل شيء بقي واضح و مفهوم و يبقي الحكم لصاحب العربية في الشراء و الله الموفق