الموضوع: غيرت الماسورة الفبر بتاعة الميه

المشاركة الأصلية كتبت بواسطة amr_650

حصلت عندى و دوختى و جبت الاصلى ,

انا عايز اقولك حاجة مهمة عشان شكل اللى معاك زى اللى عندى بالظيط و دى للاسف هى اللى جابتلى جوان وش السلندر ,,

بص يا ريس ,,الماسورة اللى معالك دى فيها اكتر من فتحة ,,قبل متركبها او لو ركبتها ,,يا ريت تشوف هل كل الفتحات دى ليها خراطيم راكبة فيها ,, و لا هيظطر يعملك طبة مية عشان يفقلك فتحة منهم ,,بحيث انها ملهاش لازمة ,,

لية ,,انا عندى جبت زى الماسورة ددى بس اكبر شوية ,,كان فيها 3 فتحات ,,الاصلى بتاعة العربية فتحتين بس ,,ال3 فتحات دى بتاعة الا2000 سى سى ,,عشان هى بتحتاج تبريد اكتر ,,فعملين فتحة زيادة فى الوش زى اللى عندك بلظبط ,,تقريبا بتاخد من الرادياتير ,,

المهم الميكانيى عندى لما شاف كدة ,,قلك بدل ميرجعنى اجيب بتاعة ال 1600 اللى هى بفتحتين ,,جاب طبة و قفلها ب كولية نحاس ,,بسسسس و شكرااا

طبعا مع حرارة المواتير بتاعة الفكترا ,,الطبة دى مستحملتش خالصص ,,افاجأ ان المية بتنقص كل شوية و مفيش اى حاجة باينة ,,لان الطبة مش بتكون باينة اوى

لحد مالطبة اتفتحت من تحت و انا طبعا مش شايف خالص ,,و سربت كل المية ,,بلمس الطبة لقيتها ملزوقة تقريبا ,,كدة العربية خدت هوا كمان ,,عملتها تانى بطبة ,, اشترين 2 احتياطى ,,مشوار واحد تانى و نفس الكلام حصل ,,

لحد مضربت منى خاللص ,,المهم فى الاخر لقيتلها حل الحمد لله بس بعد مدفعت 500 جنية جوا وش ,,

لذلك لزم التنبية و اسف على الاطالة ,,

عمرو باشا .. متشكر جدا على نصيحتك .. بس الحمد لله هى دى زى اللى كانت راكبه عندى بالضبط .. انت عارف الكورسا السيدان كلها موتور واحد .. غير الفكترا.

المشاركة الأصلية كتبت بواسطة abousaef1996

المهم انا فكرت بعد ماحصل الموضوع ده فى حاجة ، قلت مينفعش نعمل واحدة زيها بالخامة بتاعت مواسير البلاستيك ال بتتعمل للمياه السخنة وبتتحمل درجات حرارة عالية من السخان وهى مواسير تسمى br واعتقد ان بتوع بى فى سي للبلاستيك يقدرو يضبوطوا الاخرام وكمان فى مكن لالوظة فتحات الماسورة ال هيركب فيها الخراطيم ، بالاضافةالى السعر ال اعتقد انه هيكون الربع مش النصف

والله يا باشا أنا جبت ال جى ام الأصلية عشان كده .. و ب 200 جنية بالعافية و دخت على ما لقيت الأصلية .. و هى ماسورة فى الأول ول الاخر متستاهلش 20 جنية.

بس أكيد مصممة انها تستحمل درجات حرارة عالية.