مالهاش تفسير الا انه مش سليم نفسيا او انه كان متعاطي حاجة او شارب حاجة !
عرض للطباعة
مالهاش تفسير الا انه مش سليم نفسيا او انه كان متعاطي حاجة او شارب حاجة !
الحمد لله انها جت علي اد كده نفس السيناريو حصل معايا بالظبط علي الدائري من يومين واحد بعربية تويوتا نص نقل دوبل كابينة كان ورايا وكنت ماشي تقريبا علي 100 جه ميكروباس وخد غرزة غبية قدامي ففرملت عشان اعديه والنص نقل كان هيلبس فيه من وراه وفجاة لقيته اتحول وعمال ييجي جنبي ويزنقني في تريلا كانت جانبي امت حكيت فيه وطيرلي الجريدة بتاعة الجنب الشمال بس طلعت منه وهو ورايا مصمم انه يخبطني من اي جنب او يلبسني في اي تريلا ماشية بس والله ماعرفش انا كنت بجري بغباء وخدت غرزة غبية مابين مقطورتين لدرجة اني كنت جبت 150 كم وهو ورايا خدت المسافة من المرج لنزلة السلام في 10 دقايق انا نزلت السلام وهو كمل علي طول ربنا يسترها اليومين دول في كم غباء رهيب من الناس
ده أكيد ماكنش في واعيه وشارب حاجه أو سكران وتلقى العربية مسروقة فا مش فارقة معه، و الحمد لله انك طلعت من الموضوع بأضرار بسيطة
دا أكيد سارقها + شارب حاجة
انا حصل معايا موقف مشابه على مصر اسكندرية الزراعي كنت بجري وجه واحد بنوبيرا من غير نمر يجري جنبي فزودت شوية لقيته شغال كلاكسات فهديت وسيبته يعدي لقيته اتنرفز وكان مصر انه يلبسني في تريله او في السور الخرسانة بأي طريقة وكان هيطير واحد راكب موتسيكل وهيخبط في كذا عربية فضلنا في المطاردة دي حوالي 20 كيلو والحمد لله انه كان الشمال فاضي وهو ادامي عاليمين ولسة هيزنق عليا شمال رحت كابس فرامل واخدت اقصى اليمين على التراب كنت ماشي 130 وهو ملحقش يعدل نفسه بسرعة ومعرفش ييجي ورايا لان كان في سحابة تراب ورايا
لا حول ولا قوه الا بالله
ممكن اصلا يكون بتاع السيراتو زنق علية وكان حيخبطة فاتنرفز وجرى وراة وخبطة ولما انت دخلت معاهم جالك من الحب جانب هههههههههه
مفيش تفسير غير انه مريض نفسيا .. وربنا يبعد عننا الاشكال دى
حاجة تنرفز بجد. عشان كدة العربيات ال suv وما أكبر حلوة أوي في مصر ليها هيبة كدة وتخوف الأشكال دي.
ياريت ياجماعه اليومين دول ما ننجرش لموضوع الشداو نحتك بحد لسببين :
1-ممكن يكون حد عايز يستفزك ومجرد ما تقف ينزل يسرقك و ياخد العربيه
2-الناس عموما بعد الثوره للاسف اخلاقها بقت زفت و ممكن تلقى ناس بتقتل لمجرد انه حست ان حد كسر او بيتمنظر عليها وده طبعا بسبب الانفلات الامني و السلاح اللي مالي الشارع
ربنا يستر على الكل
الحمد لله انها جت سليمة
الشوارع والله مليانة مجانين حصل معايا موقف من حوالى سنة وشوية كنت مع واحد صاحبى وكنت فى اشارة روكسى وطبعا انتوا عارفين انها متراقبة بالكاميرات و غرامتها خرافية وكنت واقف فى اول الصف وكان واحد ورايا مصمم انى امشى عشان اعديه وكان فاضل ثوانى والاشارة تفتح ونمشى كلنا ونزل اتخانق معايا وقل ادبه كل ده عشان ثوانى
المهم الراجل من غبائه فى وسط خناقته كانت الاشارة فتحت والناس مشيت من بدرىوقعد يشتم ويقولى الكاميرات مبتلقطش بسرعة على الجناب مع ان ناس اتلقطت فى نفس المكان ودفعوا غرامات وقولتله الحوار ده وثوانى وهنمشى بس الدماغ المتعفنة بقى هنقول ايه المهم الراجل مكتفاش بعد غباوته وقلة ادبه بعد مامشينا دخل غرزة قدامى وقعد يقفل عليا بمنتهى الهبل والمعيلة ويفرمل قدامى لدرجة ان منظره كان غبى وعامل زى العيال والناس كانت بتبصله وتستغرب من عبطه وكان مصمم يخبطنى بس الحمد لله مديتلوش الفرصة وسيبته يعك العك بتاعه ومشيت هادى لغايت لما غار بعيد عنى
بجد ناس مريضة ومجنونة بالرغم ان سنه مش صغير فى الاربعينات تقريبا وسبحان الله بيزعق وعامل فيها العملاق بالرغم انه ضعيف البنية جدا وممكن كان بجد يشوف اللى مشافوش منى انا وصاحبى بس الحمد لله احنا ناس محترمة ومرضيناش نعمل حاجة ومكناش فاضينله حتى مهما كان مستعجل مكانش هيعمل كده
سورى على التطويل بس ده موقف من ضمن المواقف وربنا يسلم طريقنا كلنا ان شاء الله