تحذير للى بيشد بالهوندا

**hondaman** · 25-10-2011 12:50 PM

بدون مقدمات كدة ... ممكن حد يتخيل انة وهو بيشد بالعربية يلاقى نفسة دخل فى مطاردة سيارات امريكانى زى الافلام كدة ... ايوة مطاردة سيارت خبط من الجنب وحك وصدامات جانبية ... انا حاسس انى كنت بحلم بس مطلعش حلم
امبارح ... خرجت بالعربية الهوندا وللعلم انا مش بخرج بيها كتير غير فى الخروجات يعنى رايح كافية اصحابى بتاع كدة .. المهم اتفقت مع صاحبى انة هيجى يبات عندى واحنا مروحين ماسك كوبرى اكتوبر وماشى فى العادى بتاعى اذا والاقى فيرنا و سيراتو السيراتو فيها اتنين والفيرنا واحد لوحدة المهم عملت الصح وجبتهم ورا ومرة واحدة ونا باصص فى المرايا اشوف بتاع الفيرنا ضرب بتاع السيراتو فى الحنب ويروح ويرجع ويضرب تانى وجايلى انا ( بتاع السيراتو وقف طبعا مذهول وعشان يشوف حصل اية ) والاقى بتاع الفيرنا دة طاير ونا بجرى من الاخر جرى خوف بعد مشفت اللى حصل منا مش عايز يحصل كدة فيا اتارى هو ملهوش فية عايز يجبنى وخلاص يقوم خابط تاكس شاهين ويجى جنبى و سلم على المريات تارك اثار دوكو عربيتة على عربيتى وينزل نزلة مصر الجديدة ... مردتش اقف لانى كنت فى حالة ذهول اول مرة اشوف كدة وتانى حاجة مكنتش عايز اشوف العربية حصل فيها اية عشان دى اول خبطة تاخدها من بعد ما شديتها وحسيت ان العربية باظت بس الحمد الله محصلش حاجة .. الدزكو بتاعى محصلوش حاجة واول لما غسلتها راحت اثار الحكة ... بس انا عايز حد يقولى اية دة

**szaalouk** · 25-10-2011 12:59 PM

لا حول ولا قوه الا بالله العلي العظيم
دي عقده نقص يا باشا و ربنا يسترها معاك و معانا جميعا

**ZALABANY** · 25-10-2011 01:10 PM

ممكن يكون سارقها اصلا ومش يتاعته
وياريت بلاش نتجر لحوارات الشد اليومين دول

**hondaman** · 25-10-2011 02:43 PM

المشاركة الأصلية كتبت بواسطة szaalouk

لا حول ولا قوه الا بالله العلي العظيم
دي عقده نقص يا باشا و ربنا يسترها معاك و معانا جميعا

الحمد الله انها عدت على كدة

**hondaman** · 25-10-2011 02:45 PM

المشاركة الأصلية كتبت بواسطة zalabany

ممكن يكون سارقها اصلا ومش يتاعته
وياريت بلاش نتجر لحوارات الشد اليومين دول

الله اعلم ... بس انا مش بجر حد لحورات شد... بعدين حتى لو كان فى شد مفيش حد بيشد بالطريقة دى يجيلو جنان فى دماغة ويعمل كدة
الغرض انى عايز افهم حصل كدة لية ومعقولة انة فى لحظة ميفرقش معاة اى حاجة ويعض يخبط فى العربيات يا راجل دة خبط التاكس الشاهين اكنة بيبعتهولى يعنى بيخبط التاكس الشهاين عشان يخبطنى .. انا مش عارف اصورلكم الموضوع ازاى انا حكيت باختصار ..

**mado83** · 25-10-2011 02:49 PM

ممكن يكون كان شارب وفاقد الوعى

**A.Saad** · 25-10-2011 02:57 PM

حصلت معايا حاجة شبه كدة
مكنتش شد - هتشد مع مين بالبيكانتو -
واحد تيت معاه سيتروين ax زنق نفسه جنبى والمفروض اتاخره علشان الامور يعدى
قعد يفرمل قدامى مرة واحدة على المحور
مخلصتش غير بانه شاف سلاح فى ايدى - مش سلاح نارى طبعاً

**SAMEH_FOUAD** · 25-10-2011 03:09 PM

قدر الله وماشاء فعل والحمد لله انها عدت على خير بدون خسائر بس فعلا بجد حاجة غريبة جدا واول مرة اسمع عنها والصراحة الاجابة اكيد مبهمة ومافيش حد هيلاقى تصرف للموقف دة غير انك تطير من قدامة