المطلوب لتحويل هوندا سيفيك 92 من كربيراتير الى انجكشان ولو اسعار قطع الغيار المطلوبه وتكلفة المصنعيه
عرض للطباعة
المطلوب لتحويل هوندا سيفيك 92 من كربيراتير الى انجكشان ولو اسعار قطع الغيار المطلوبه وتكلفة المصنعيه
طيب التحويل هيشمل تعديل على المحرك ولا هتسقط محرك تانى ؟؟؟؟
عموما التحويل بعيدا عن تغير المحرك او تعديلة هيكون كالتالى :
1- ضفيرة كاملة + كنترول ( 1200) هتحدد على حسب المحرك
2- تانك يتم تركيب بداخلة طلمبة بنزين كهربائية لان تانك ال ex,el يكون فقط فية العوامة ( 700+ 200 )
3- حساس شكمان ودة طبعا هيختلف حسب نوع المحرك اللى هيركب 150 جنية
4- فلتر بنزين + الحامل او القاعدة بتاعتة 125 جديد يابانى والحامل هيتجاب استيراد ب200 جنية او 150 بس يارب تلاقية
5- عداد سرعة وممكن ماتغيرش العداد كلة ممكن فقط تقوم بتغير عداد الحرارة والبنزين وتجيب بدالة واحد فية لمبة اعطال ( 225 جنية عداد ) ( تعديل عداد 75 جنية )
6- علبة evaporative canister ودية عشان يتوصل بيها الخراطيم الصغيرة الى خارجة من البوابة ودية علبة بيبقى فيها كاربون نشط بيقوم بتنقية الابخرة من عملية الاحتراق والعلبة دية مهمة لانها بتخفض صوت المكنة وبتظبط عدد لفات المحرك ( 150 جنية )
7- سلك بنزين اصلى + سلك كيك داون ( 120 جنية + 120 ) ( استيراد 100 جنية )
8- ماسورة فلتر اسبور + الفلتر + حساس اكسجين لان فى ال ex مافيهاش فتحة فى الشاسية لفلتر الهواء الاصلى ( الاجمالى 400 جنية ) بدون الحساس ( الحساس 80 جنية )
9- هتكبر حجم الردياتير وتجيب بتاع ال si
سامح باشا اخبارك سيادتك ايه
انا بتهيئلي عربيتي كانت injection و صاحبها قلبها كاربيراتير
لان انا عندي لمبه اعطال بس مش شغاله
وعندي علبه بيئة طويله وسودا في سدر الحوض
اتأكد ازاي؟
ثم ايه هي مميزات الانجكشن مع العلم اني كتير با بحط بنزين 80
باشا باشا باشا شكرا يرافع الهوندا للسماء
في رأى تسقيط ماتور انجكشن D15B - Vtec أفضل من التحويل هو هتدفع زيادة شوية بس هتكون أحسن سيب الماتور اللى عندك لما يجيب أخره بعد كدة سقط واحد انجكشن
اتاكد من التانك ان فية فتحتين واحدة للعوامة وواحدة للطلمبة طبعا الاتنين منفصلين عن بعض
اى حاجة عندك هتلاقيها من اللى انا كاتبها يبقى هتشيلها من المتطلبات وهتوفر معاك فلوس مش اكتر
مميزات الانجيكشن ( سحب اقوى - توفير فى ستهلاك البنزين - سرعة اعلى - تكنولوجيا اعلى )
لكن خلى بالك لازم بنزين 92 عشان تحافظ على الرشاشات
معلومات ممتازه
سمسم مين احسن واحد يعمليه التحويل ده
سمسم باشا الموتورd16a6هو اصلان انجكشان وركب فى الموتور كربيراتير مع العلم العربيه متجهزه كربيرتير يعنى التنك هيتغير