الموضوع: المطلوب لتحويل هوندا

طيب التحويل هيشمل تعديل على المحرك ولا هتسقط محرك تانى ؟؟؟؟

عموما التحويل بعيدا عن تغير المحرك او تعديلة هيكون كالتالى :

1- ضفيرة كاملة + كنترول ( 1200) هتحدد على حسب المحرك

2- تانك يتم تركيب بداخلة طلمبة بنزين كهربائية لان تانك ال ex,el يكون فقط فية العوامة ( 700+ 200 )

3- حساس شكمان ودة طبعا هيختلف حسب نوع المحرك اللى هيركب 150 جنية

4- فلتر بنزين + الحامل او القاعدة بتاعتة 125 جديد يابانى والحامل هيتجاب استيراد ب200 جنية او 150 بس يارب تلاقية

5- عداد سرعة وممكن ماتغيرش العداد كلة ممكن فقط تقوم بتغير عداد الحرارة والبنزين وتجيب بدالة واحد فية لمبة اعطال ( 225 جنية عداد ) ( تعديل عداد 75 جنية )

6- علبة evaporative canister ودية عشان يتوصل بيها الخراطيم الصغيرة الى خارجة من البوابة ودية علبة بيبقى فيها كاربون نشط بيقوم بتنقية الابخرة من عملية الاحتراق والعلبة دية مهمة لانها بتخفض صوت المكنة وبتظبط عدد لفات المحرك ( 150 جنية )

7- سلك بنزين اصلى + سلك كيك داون ( 120 جنية + 120 ) ( استيراد 100 جنية )

8- ماسورة فلتر اسبور + الفلتر + حساس اكسجين لان فى ال ex مافيهاش فتحة فى الشاسية لفلتر الهواء الاصلى ( الاجمالى 400 جنية ) بدون الحساس ( الحساس 80 جنية )

9- هتكبر حجم الردياتير وتجيب بتاع ال si

المشاركة الأصلية كتبت بواسطة lord_of_egypt22

سامح باشا اخبارك سيادتك ايه
انا بتهيئلي عربيتي كانت injection و صاحبها قلبها كاربيراتير
لان انا عندي لمبه اعطال بس مش شغاله
وعندي علبه بيئة طويله وسودا في سدر الحوض
اتأكد ازاي؟
ثم ايه هي مميزات الانجكشن مع العلم اني كتير با بحط بنزين 80

اتاكد من التانك ان فية فتحتين واحدة للعوامة وواحدة للطلمبة طبعا الاتنين منفصلين عن بعض

اى حاجة عندك هتلاقيها من اللى انا كاتبها يبقى هتشيلها من المتطلبات وهتوفر معاك فلوس مش اكتر

مميزات الانجيكشن ( سحب اقوى - توفير فى ستهلاك البنزين - سرعة اعلى - تكنولوجيا اعلى )

لكن خلى بالك لازم بنزين 92 عشان تحافظ على الرشاشات

المشاركة الأصلية كتبت بواسطة titofouda

سمسم مين احسن واحد يعمليه التحويل ده

طيب هتعدل الماتور بتاعك ولا هتشترى واحد استيراد ؟؟؟؟؟