عرض بريدجستون للكاوتش والخدمات(خاص نايل موتورز)

**تامر.محمد** · 13-03-2011 05:14 PM

المشاركة الأصلية كتبت بواسطة ahmed.ali

انا مش فاكره كله بس مثلا ترصيص الجنط الاسبور بـ 7 بدال 10
نيتروجين بـ 12 بدلا من 20 بس نص العرض موجود عند بريدجستون و ممكن تشوفه عندهم

هو مش مكتوب في اي مكان العرض ده دلوقت ؟

انا باسأل تحديدا على اسعار الكاوتش

**SonaSteel** · 18-04-2011 11:48 PM

السلام عليكم
ممكن تعديل للينك في اول مشاركة علشان مش شغال
جزاكم الله خيرا

**hosammoner** · 10-05-2011 10:21 PM

المشاركة الأصلية كتبت بواسطة emadnd

عايز اعرف الكاوتش المتوفر للانسر بوما من بريدجستون وموجود فين وياريت لو في اسعار
المقاس 195/60/15
ان شاء الله هاغير اربع فرد كاوتش الشهر اللي جاي باذن الله
ارجو سرعة الرد لو ممكن

بص يا سيدى انا لسه شارى طقم من بريدجستون بس 16 مش 15 المهندس قالى ان الكاوتش زاد من شهر تقريبا المهم اللى هفيدك بيه ان فى كذا نوع عندهم افضلهم التورانزا والبوتنزا اللى هو الادرينالين واوعى تجيب ال p250 نوع سئ جدا كنت لسه شاريه من تلات شهور لعربيه تانيه بس وحش اوى الطقم ال 15 دا كان الفرده ب 490 جنيه من غير خصم المنتدى اما الطقم الجديد خدت عليه خصم حوالى 120 جنيه ويا ريت لو تروح فرع عمارات العبور المهندس هناك محترم لابعد الحدود وربنا يوفقك ان شاء الله

**Amera** · 19-06-2011 07:44 AM

لو سمحت يابشمهندس نجاد كنت عايزه أعرف مقاس 70/175/13 ،مقاس 70/185/13 أسعارهم كام وبعد خصم نايل موتورز هيبقوا بكام ؟ ، هل المقاسات دى متوفره عند حضرتك ولا لاء ؟
أسفه على الإطاله .

**tamerosman** · 25-06-2011 11:51 PM

[QUOTE=Karim_Monir;274673]طبعا نايل موتورز عودتكم على عروض هايلة لا تقاوم

والنهاردة جايبنلكم عرض ان شاء الله هايكون عرض الموسم 2008

بمعاونة اخي في الله وصاحب الفكرة والطلعة الاولية معاذ الشرباصي

تم الاتفاق مع توكيل بريدجستون مصر يتم بموجبة حصول اعضاء نايل موتورز على تخفيض في كل الخدمات المقدمة من كل فروع فيت اند فيكس

وايضا خصم على مقاسات معينة من كاوتش السيارة ومش هانقدر ناخد خصم على الانواع العادية لتأثر اسعار الكاوتش بارتفاع اسعار النفط عالميا وهذا ما تمت مناقشتة بيني وبين مهندس احمد عناني مساعد مدير مبيعات التجزئة بشركة النيل للمشروعات والتجارة وكيل بريدجستون في مصر والعرض المقدم يسري على كل فروع بريدجستون ماعدا شرم الشيخ والغردقة لاسباب معينة

كما وعد مهندس احمد عنان بالاشتراك في المنتدي ودخولة كلما سنحت الفرصة للرد على اسئلة بخصوص اي استفسار يتعلق بالكاوتش

شكرا مهندس احمد عناني
شكرا معاذ الشرباصي
شكرا شركة النيل للتجارة
شكرا كل اعضاء وادارة نايل موتورز وفي انتظار المزيد من العروض

http://www.nilemotors.net/ADS/Bridge...NileMotors.pdf

ملحوظة :
لن يتم تفعيل اي خصم في اي مكان سواء بريدجستون او غيرها من العروض الا بالتحقق من وجود الاستيكر موجود على السيارة المراد العمل بها فقط

كريم منير

_________________
تم تعديل اللينك بواسطتي
الإشراف 2

من فضلكم منين و بكام الستيكر فى اسكندرية ؟

و ياريت تليفون بريدج ستون فى اسكندرية؟ هو فيه فرع تانى غير الى فى لوران على البحر ؟

شكرا

**tamerosman** · 25-06-2011 11:54 PM

من فضلكم منين و بكام الستيكر فى اسكندرية ؟

هو فى فرع تانى لبريدجستون فى اسكندرية غير اللى فى لورن على البحر ؟ و ياريت ارقام تليفون بريدج ستون فى اسكندرية

شكرا

**prisoner** · 26-06-2011 09:33 AM

المشاركة الأصلية كتبت بواسطة hosammoner

بص يا سيدى انا لسه شارى طقم من بريدجستون بس 16 مش 15 المهندس قالى ان الكاوتش زاد من شهر تقريبا المهم اللى هفيدك بيه ان فى كذا نوع عندهم افضلهم التورانزا والبوتنزا اللى هو الادرينالين واوعى تجيب ال p250 نوع سئ جدا كنت لسه شاريه من تلات شهور لعربيه تانيه بس وحش اوى الطقم ال 15 دا كان الفرده ب 490 جنيه من غير خصم المنتدى اما الطقم الجديد خدت عليه خصم حوالى 120 جنيه ويا ريت لو تروح فرع عمارات العبور المهندس هناك محترم لابعد الحدود وربنا يوفقك ان شاء الله

فعلا الناس فى المكان ده محترمين جدا وانا اتعاملت مع فرع الرحاب برضوا معاملتهم محترمة بس انا لية سؤال ليه النوع ده بالزات وحش انا كنت فاكر بريدجيستون حتى الاندونيسى اكيد ممتاز كفاية الاسم وعن تجربة تحياتى