how can i take NILEMOTORS sticker???????????
عرض للطباعة
how can i take NILEMOTORS sticker???????????
مجهود جباااار، ونتائج متوقعة.:k18:
ربنا يجعله في ميزان حسناتكم، "من كان في عون أخيه كان الله في عونه" و "من فرج عن مسلم كربة من كرب الدنيا فرج الله عنه كربة من كرب يوم القيامة" ..... ربنا يكرمكم.
سؤال بس: هي كالتكس عباس العقاد فين بالظبط؟ اللي عند تقاطع عباس مع مصطفى النحاس؟
وشكرا ليكم جميعا،
أخوكم/ أحمد فؤاد
طب اقدر اجيب الاستيكر ده ازاي؟
اليوم الساعة حوالى 2 كنت عند فرع فيت اند فيكس فرع المنيل امام ماكدونالدز رحت عشان نيتروجين للكاوتش لكن مع الاسف الاستاز اللى كان موجود على المكتب لا يعلم بوجود اى خصومات لنايل موتورز وبعدين لما عمل مكالمة تليفونية عشان يتأكد قالة الخصم بتاع نايل موتورز على الكاوتش فقط وطبعا الموقف كان محرج جدا وبصراحة انا زعل لانى حسيت انى جاى افاصل وبعد شوية الموظف اللى كان قاعد على الكرسى قاللى يعنى بتاخد خصم كام يعنى(هو اللى بيسألنى) قلتلة المنتدى بياخد خصم 15% قاللى يعنى 3 جنية يا سيدى!! يعنى كمان حسسنى انى جاى اشحت منة وطبعا ال3 جنية اللى بيتكلم عنهم دول انا اديتهم للعامل اللى نفخ الكاوتش ودفت 17 جنية للنتروجين بدل 12 وبعدين عملت روتيشن للعجل وبدل مادفع 5 جنية دفعت 8 جنية بدل 5 وبرضة مش عارف لية
وعلى فكرة الفلوس مش فارقة معايا خالص لكن الموقف المحرج دة ماحبش انة يحصل مع اى واحد تانى..........ارجو الاهتمام بالرد وشكرا
ممكن اعرف اجيب استيكر المنتدى منين
شكرا على العروض الجامده دي
بجد مجهود عالي جدا و حماس شديد.
كريم
انا عضو معاكم هنا في المنتدي
كنت عاوز اعرف ازاي احصل علي الاستيكر
وكمان نسبه الخصم علي كاوتش بريدجستون
كيف استطيع ان احصل عليها
شكرا جزيلا للسادة القائمين على العروض الجابرة وعلى راسهم الاستاذ: معاذ وكريم باشا
ادام الله فى عمرهم وربنا يخليهم للغلابه
اشرف محمد حسن سليم::k32
شكرا جزيلا للسادة القائمين على العروض الجابرة وعلى راسهم الاستاذ: معاذ وكريم باشا
ادام الله فى عمرهم وربنا يخليهم للغلابه
ومستنى الاستيكر . علشان عاوز اغير قريب الطقم كله
اشرف محمد حسن سليم
انا بشكر المهندس نجاد علي المجهود اللاكثر من رائع الي قدمهولي انهارده في بردجستون عباس العقاد
بصراحه معامله ممتاذة
وخصومات حقيقيه وده اول مره استفيد من عروض نايل موتورز
وكفايه ان نايل موتورز واخدين برستيج مخصوص هناك
انا بصراحه كان قدامي واحد بيغير كاوتش لعربيه Bmw
دافع قدامي حوالي 10800 بس بصراحه وشهاده حق المهندس نجاد عمل معايا واجب اكتر منه مع اني كنت رايح اعمل حاجه بسيطه
وفرجني علي فيديوهات فهمت منها حجات مكنتش اعرفها ووراني البطشه الالماني وشرحهالي
بصراحة انا مش عارف اقول ايه
اكتر من شكرا من القلب
للمهندس نجاد وللاستاذ كريم منير
وربنا يوفق نايل موتورز
استاذ انس انا مارديتش عليك هنا انا رديت عليك على الخاص في ساعتا وكلمت مهندس نجاد وقتها وبلغ كل الفروع طبعا
-------------
استاذ اشرف جزاك الله كل خير
الشكر لله وليكم فنايل موتورز بيكم وليكم
وفقنا الله الى ما يحبه ويرضاه
شكرا جزيلا بس عندي استفسار اديله فترة نفسي اسأله
لو سمحت اخد منين الاستيكر بتاع نايل موتورز؟؟؟
شكرا جزيلا
خير الناس
انفعهم للناس
اسأل الله العظيم ان يجزيكم خير الجزاء
وان يجعل ذلك فى ميزان حسناتكم
جزاكم الله خيرا
كنت عايز اعرف اسعار الكاوتشات البريدجستون مقاس 13/70/175
وايه افضل الانواع فيهم من الشركة
فين الاستكر يا زعيم
شكرا على هذا المجهود بس انا محتاج الستيكر عشان اجيب الكوتش:E_braces[1]:
مشكورين علي المجهود اولا و ثانيا وبما اني عضو جديد فين الاستيكر القديم لنيل موتورز واجيبه منين :whtauwant:
عرض رائع من نايل موتورز شكرا / كريم منير على المجهود
مجهود رائع و شكرا
الف شكر الف شكر
هل العرض دة موجود لحد دلوقتي في الفروع المذكورة في العرض والا خلاص
أولأ إستاذ كريم منير شكراً علي مجهودك الرائع في خدمة أعضاء نايل موتوز
ثانياً للأسف فرع المعادي بردو ميعرفوش حاجات كتيير عن الخصومات بتاعت نايل موتورز أو العروض بتتغير ومبنعرفش التغييرات في العروض. تاني حاجه لما الإستاذ نجاد مبيكونش في الفرع يوم الجمعه بردو بنتحاسب عادي علي الرغم من إني بلغت المسئول (مش الفني) في اليوم دا إني من نايل موتوز وليا خصم علي الخدمات اللي عملتها قالي هيراجع علي العرض وقالي مفيش خصومات علي تربيط العفشه ، مع إني متأكد إني عملت الخدمة دي قبل كده بتخفيض نايل موتوز، بصراحه أنا بقيت بكسل أقول إني من نايل موتوز علشان اللي شغالين هناك المفروض يكونوا علي علم بالخصومات بتاعتنا ولو حاجه إتغيرت المفروض نعرفها علشان ميحصلش لبس وشكرأ للإدارة علي المتابعه.
شكرا على المجهود الرئع .
استاذ ميللر العرض شغال
استاذ بشير يا ريتك كنت بلغتني وانت هناك
انا هابلغ مهندس نجاد
لكن في قاعدة لازمةتكون عارفها انتوكل الاعضاء
كل ما لا يتكلف خامات اي خدمات ومصنعية زي تربيط العفشة والنتروجين والزوايا
خصمهم 40% زي ما نص العرض اللي بين نايل موتورز وبينهم ما بيقول
فلازم تكون عارف حقك تماما وتطالب بيه
كيفية الحصول على استيكر
العرض جميل جدا بس فين ال ستيكر
جهود رائع من الناس اصحاب ومنفذين الفكرة
ولهم مني ارق التحيات
انا روحت امبارح لبريد جيستون الي في سموحه الاسكندريه طبعا علشان كان في فرده كاوتش اتخرمت و سالت علي اسعار الكاوتش عندهم و قالتلهم طبعا في خصم لنيل موتورز قالولي لا ما فيش حاجه و ماجلناش تعليمات بكده . هو العرض او الخصم شغال ولا لا ؟؟؟ بس من الي سمعتوا امبارح كده ما فيش اي خصم خالص
لسلام عليكم عاوز اعرف سعركاوتش ماكسيز 145/13 بكام ضرورى
سؤوال صغير قوي
هو بريدجستون الي في شارع المنيل فين بالظبط
اصلي عايز اعمل العجل نيتروجين
ياريت تدلوني
على اقرب فرع من الجيزة او فيصل او الهرم او وسط البلد او المهندسين
لو حضرتك تعرف العمارة اللي فيها ماكدونالدز ومستششفى الندى هاتلاقي الشارع اللي قدامهم على طول على ناصيته بريدجستون.
هنا الخريطة