هو مش مكتوب في اي مكان العرض ده دلوقت ؟
انا باسأل تحديدا على اسعار الكاوتش
عرض للطباعة
السلام عليكم
ممكن تعديل للينك في اول مشاركة علشان مش شغال
جزاكم الله خيرا
عايز اعرف الكاوتش المتوفر للانسر بوما من بريدجستون وموجود فين وياريت لو في اسعار
المقاس 195/60/15
ان شاء الله هاغير اربع فرد كاوتش الشهر اللي جاي باذن الله
ارجو سرعة الرد لو ممكن
بص يا سيدى انا لسه شارى طقم من بريدجستون بس 16 مش 15 المهندس قالى ان الكاوتش زاد من شهر تقريبا المهم اللى هفيدك بيه ان فى كذا نوع عندهم افضلهم التورانزا والبوتنزا اللى هو الادرينالين واوعى تجيب ال p250 نوع سئ جدا كنت لسه شاريه من تلات شهور لعربيه تانيه بس وحش اوى الطقم ال 15 دا كان الفرده ب 490 جنيه من غير خصم المنتدى اما الطقم الجديد خدت عليه خصم حوالى 120 جنيه ويا ريت لو تروح فرع عمارات العبور المهندس هناك محترم لابعد الحدود وربنا يوفقك ان شاء الله
لو سمحت يابشمهندس نجاد كنت عايزه أعرف مقاس 70/175/13 ،مقاس 70/185/13 أسعارهم كام وبعد خصم نايل موتورز هيبقوا بكام ؟ ، هل المقاسات دى متوفره عند حضرتك ولا لاء ؟
أسفه على الإطاله .
[QUOTE=Karim_Monir;274673]طبعا نايل موتورز عودتكم على عروض هايلة لا تقاوم
والنهاردة جايبنلكم عرض ان شاء الله هايكون عرض الموسم 2008
بمعاونة اخي في الله وصاحب الفكرة والطلعة الاولية معاذ الشرباصي
تم الاتفاق مع توكيل بريدجستون مصر يتم بموجبة حصول اعضاء نايل موتورز على تخفيض في كل الخدمات المقدمة من كل فروع فيت اند فيكس
وايضا خصم على مقاسات معينة من كاوتش السيارة ومش هانقدر ناخد خصم على الانواع العادية لتأثر اسعار الكاوتش بارتفاع اسعار النفط عالميا وهذا ما تمت مناقشتة بيني وبين مهندس احمد عناني مساعد مدير مبيعات التجزئة بشركة النيل للمشروعات والتجارة وكيل بريدجستون في مصر والعرض المقدم يسري على كل فروع بريدجستون ماعدا شرم الشيخ والغردقة لاسباب معينة
كما وعد مهندس احمد عنان بالاشتراك في المنتدي ودخولة كلما سنحت الفرصة للرد على اسئلة بخصوص اي استفسار يتعلق بالكاوتش
شكرا مهندس احمد عناني
شكرا معاذ الشرباصي
شكرا شركة النيل للتجارة
شكرا كل اعضاء وادارة نايل موتورز وفي انتظار المزيد من العروض
http://www.nilemotors.net/ADS/Bridge...NileMotors.pdf
ملحوظة :
لن يتم تفعيل اي خصم في اي مكان سواء بريدجستون او غيرها من العروض الا بالتحقق من وجود الاستيكر موجود على السيارة المراد العمل بها فقط
كريم منير
_________________
تم تعديل اللينك بواسطتي
الإشراف 2
من فضلكم منين و بكام الستيكر فى اسكندرية ؟
و ياريت تليفون بريدج ستون فى اسكندرية؟ هو فيه فرع تانى غير الى فى لوران على البحر ؟
شكرا
من فضلكم منين و بكام الستيكر فى اسكندرية ؟
هو فى فرع تانى لبريدجستون فى اسكندرية غير اللى فى لورن على البحر ؟ و ياريت ارقام تليفون بريدج ستون فى اسكندرية
شكرا
ممكن حد يشرح الفرق بين الانواع دى potenza-turanza -my,01
بس سكون شرح كويس عشان انا اعرف الفرق العام مابينهم بس عاوز الفروق كلها
لو سمحت عاوز أعرف سعر لمقاس 205/55/16 R
91v
وسعر r17/45/225 v الله يكرمك ومين الاطرى والاجود والاشد تحملا
السلام عليكم عايز اعرف سعر r13/70/185
ولو فيه r13/80/165
ولا حياة لمن تنادى
السلام عليكم جميعا
انا امبارح كنت عند بريدجستون الي اخر عباس العقاد كنت رايح علشان العجل بينام و عايز اكشف عليه و اصلحه رحت هناك الفني قالي دوري بعد عربيه مرسيدس وكان في نوبيرا جوا فيها شغل النوبيرا مشيت والمرسيدس دخلت وانا واقف جت عربية بورا المهم المرسيدس بتخرج المفروض انا الي اخش الفني قالي كده والبورا جت وانا واقف الراجل المسؤل قال للراجل الفني اعمل العربيه بره ليه مش عارف يمكن علشان مش هاشتري المرسيدس اشتري و البورا اشتري وانا الحيوان الي جي يصلح العجل الزباله بتاعي الفني كشف علي الفرده لقي فيها مسمار قلتله اعمله بي لحام التيب توب لاقيت الفني بيقولي العجل مشقق و انتاج قديم 2005 وانا مشتريه في 2010 ومكنش معوج ولا فيه اي مشاكل وخد العجل وراح للبيه المسئول عن المركز قالي العجل ناشف و ممكن يتقطم مني واحنا بنفكه ولغيت ماتشتري ابقي زوده و خلاص علشان مصرف عليه كنت هاشتمه واسبله ميت ميله ونسيت حاجه كمان دخلت المكتب و سئلة علي المقاس بتاعي علشان اعرف سعره كام عشان عايز اغير الكوتش لانه بقالي معايا سنتين محدش رد علي فقلتله ركب العجل و زوده ومشيت
يعني انا واقف و مستني دوري مختش دوري والعجل الي جي علشان اصلحه متصلحش وبيحجر علي وعلي تفكيري وبيقول لازم يتغير ومقدرش اشتغل فيه وانا مش هاسكت علشان ان اعمل الي انا عايزه و يوم مايحصلي نصيبه محدش هايقولي انت عاملة العجل فين و الكلام ده وهابعت ميل لي بريدجستون ذات نفسها علشان يعرفوا يربوهم شويه علي قلة الادب ديه
معلش يا piezo ... قدر الله ماشاء فعل ....
انا كنت ناوى اشترى طقمين من هناك زى ما استا> كيم رشح لى ... هبقى اروح واشوف النظام وكمان الخصم اشوفه شغال ولا لسه...
والله انا حاسس ان بريجسنوت خاب اليومين اللي فاتوا
محدش بيرد هنا ولا في اي حته
علي فكرة مراكز بريدجستوون من سيئ لاسوء لاسوء كعادة اي حاجة في مصر.. لسة امبارح كنت في الفرع ال في عمارات العبور لاقيت كل ال شغال هناك عيال عندها 18 و 20 سنة قلت اظبط زوايا وارصص والشغل بصراحة زي الزفت وعندي حدفة شمااال غبية + ان العربية بتعوم رحتلهم النهاردة علشان يظبوطو ال قرف ال عملوة لاقيت الواد بتاع ظبط الزوايا واخد اجازة
بارك الله فيكم
وانا كمان ظبت زوايا في فرع ش مراد اللي امام عمر افندي وكان الشغل مش تمام وقاللي عندك عجلة يمين واكلة مطب ومفتوحة ومحتاجة زرجينة واحنا مش بنعملها والمفروض انه ظبط زوايا علي حالها كدة بس قاللي ما تسيبش الطارة وانت سايق
بعدها رحت للحاج اسماعيل في المنيل وطلع ما فيش حاجة وظبط العربية تمام
very bad , i did tarseas i found car is not stable after that .
ياريت يا جماعة اللى معاه ارقام الفروع كلها يحطها لنا فى مشاركة واحدة .... لانى دايخ على كاوتش لعربيتى ومش لاقى المقاس اللى انا عايزه
ده لينك فيه ارقام كتير ليهم.بس مش عارف الارقام ديه قديمة ولا جديدة لاننى مجربتهاش
ط¨ط±ظٹط¯ط¬ط³طھظˆظ† ط§ظ„ط´ط±ظ‚ ط§ظ„ط£ظˆط³ط· ظˆط£ظپط±ظٹظ‚ظٹط§
واللينك ده احسن واحسن
Fit & Fix
أخوني الأعزاء: أنا عضو جديد في نايل موتورز وعلي فكرة انا معجب كتير بالمنتدي الجميل ده
كنت عاوز أسئل عن معلومات تخص كاوتش للعربية بتاعي Grand Terios المقاس بتاع الكاوتش 215/65 جنط 16
العربية عاملة 48500 كيلو ورحت أرصص الكاوتش بتاع العربية في مركز صيانة، لقيت الفني بيقوللي أنتا محتاج تغير كاوتش عربيتك.
ولما سئلت في التوكيل مهندس الأستقبال قاللي ان الكاوتش بيغير علي 40 أو 50 ألف.......؟؟؟؟
مش عارف اية الحكاية وخاصة ان الدركسيون بيرج علي 120 وبعدين بتروح علي 140أرجو الإفادة من أهل الخبرة.
بعكس الاعضاء روحت مرتيين في بريدجستون الهرم وكانت المرتيين الشغل كان كويس ,,
واحب انوه ان العرض مش لنايل موتورز بس ده لاي حد ,,
لاني لما جيت احاسب قولت له انا تبع نايل موتورز وعايز اخد الخصم قالي انتا اخدت الخصم ( قبل ما الزق الاستيكر ) يعني ماكنش يعرف اني من نايل موتورز ,, ومتعلق علي الحيطة اصلا الخصم من كذا لكذا ,, يعني مش خاص لنايل موتورز !!
هو الخصومات لسه شغالة ؟ وهل العرض يشمل خصم عند شراء كاوتش جديد ؟ ولا الخصومات على الخدمات فقط ؟
ربنا يبارك لك يا كريم
ربنا يبارك لك يا كريم
تصحيحا لردي السابق فعلا العرض لنايل موتورز شغال .. ومش لاي حد :)
فيه خصم للكاوتش الجديد ٥٪ لاعضاء نايل موتورز
انا لما كنت سالت قالي مافيش خصومات للكاتوش