مساعده فى اختيار سيستم للنوبيرا

**blazer** · 26-10-2011 03:21 AM

السلام عليكم ورحمه الله وبركاته
انا باذن الله الفتره اللى جايه هشترى سيستم كدا وعاوز مساعدتكم
انا شارى العربيه من شهر لسه ومكانش فيها كاسيت
لاقيت فيها سماعتين ورا نوعم كينود اندونيسى مدورين موديل kfc-1660s 170 watt
ودى صوره السماعه من ورا

By blazer10 at 2011-10-25
والعربيه فيها كمان سماعتين فى الابواب الاماميه و2 تويتر امامى الفابريكه
انا طبعا مسمعتش صوتهم ومعرفش ايه الاخبار
بس اعرف ان السماعت البيضاوى افضل
فأولا : انا عاوز اشترى كاسيت نضيف واعتقد البايونير افضل حاجه
بس عاوز اعرف الفرق بين موديلات 3350-4350-5350-6350 ? واسعارهم ايه
ثانيا: لو هشترى سماعات بيضاوى بايونير برده اجيب كام وات يعنى 400 ولا 500 وات و بيبقى مكتوب 3 way - 4 way فياريت توضيح للموجود فى السوق و سعرهم كام؟
ثالثا: هل ابيع المدورين الكينود ولا اركبهم بدل السماعات الفبريكه اللى فى الابواب الاماميه
ولا سماعات الابواب دى بتكون موديلات مخصصه للابواب ومينفعش تركب اى حاجه تانيه ليها؟
ملحوظه : البيز عندى مش مهم يعنى عادى
المهم الصوت يكون نقى لاقصى درجه لانى مش بستحمل الوش او الشوشره خالص
وشكرا لانى عارف انى هتعبكم معايا

**mody_mt2007** · 26-10-2011 12:45 PM

بصراحة موضوع الموديىت دة انا مش خبير فية عندك ( موش و بيسو ) ماشاء الله موسوعة فى الموضوع دة انما بالنسبة للسماعات فخليك فى البايونيير 600 وات 5 واى و دى اعلى حاجة من البايونيير حاليا و هتسمع منها احلى نقاء صوت و لو مقاس السماعات اللى عندك نفس المقاس بتاع البيبان ( مع انى اشك ) لأن بيتهيالى اللى قدام 16 و اللى ورا 13 بس لو نفس المقاس ركبها عادى و هتظبط معاك السراوند بتاع الصوت و يارب اكون قدرت افيدك يا بوب

**blazer** · 26-10-2011 05:17 PM

تسلم ياباشا
انا برده عاوز اقلكم ان انا حاطط ميزانيه فى حدود 1000 جنيه تقل او تزيد سنه بسيطه

**blazer** · 26-10-2011 10:21 PM

ايه يا جماعه
مفيش حد عاوز يرد ليه

**sherif_84** · 27-10-2011 01:43 AM

خلى بالك ياباشا انك لو هتركب سماعات بايونير بيضاوى 600 وات او 500 وات او 400 وات لازم تركب جى ام عشان قدرة الكاسيت اللى هتركبه مش هتقدر تقوملك السماعة بالقوة بتاعتها ولو ميزانيتك ماتسمحش بالجى ام يبقى تركب إيكولايزر اهوو يقوم بالغرض برضو بس كل ده انا بقولك عليه عشان تحس بقدرة السماعات اللى هتركبها ان شاء الله .
بالنسبة لسماعات الابواب نصيحة منى بلاش تغيرها والله تكلفة على الفاضى انا عملت كده وغيرتها ولا فى اى فرق خالص لان السماعات الخلفية هتقوم بالواجب وزيادة كمان وكمان ممكن الصنايعى مايركبش بطانة الباب كويس وربنا يوفقك فى الشراء .

**blazer** · 27-10-2011 02:03 AM

تشكرا على النصيحه
هو انا بصيت على مواضيع القسم وفكرت كدا برده
ولاقيت ان احسن سماعات ال 500 و ال 600البايونير
والكاسيت لسه معرفش اى حاجه عن الموجود او الفروقات مابينهم
وهل ممكن لو جبت الكاسيت على السماعات ال 500 او ال 600 يبقى كويسين واشغلهم كدا مؤقتا لحد ما اجيب الامبيليفير
وهحتاج امبليفير قدرته اد ايه

**blazer** · 27-10-2011 02:25 AM

الكاسيت دا سعره كام؟/DEH-6300UB
DEH-6300UB - CD Receiver with Color Customizable 2-Line LCD Display, Pandora App Compatibility, and USB Direct Control for iPod®/iPhone® | Pioneer Electronics USA

**mody_mt2007** · 27-10-2011 12:36 PM

بص ياباشا انا اللى فهمتة من كلامك انك مش عاوز هيصة يعنى عاوز صوت معقول و كمان نقاء عالى يبقى انت هتجيب السماعات البايونيير ال 600 لأنهم 5 واى و هيظبطوك فى الميدرينج و التريبل اوى لأنهم جبارين و كمان بيزها اتقل من ال400 و بالنسبة لموضوع الجى ام انت مش هتحتاج جى ام و السماعات هتشتغل عادى جدا بس طبعا لو جبت جى ام يكون افضل علشان السماعات تقوم بقدرتها الكاملة

يارب اكون وصليلك المعلومة

**blazer** · 27-10-2011 01:08 PM

بس انا عاوز اسل سؤال فنى شويه
السماعات ال 600 مكتوب انها 80 rms والكاسيت بيطلع 50w *4
فكدا السماعات هتشتغل بكام فى الميه من قدرتها؟
هل كدا هيضيع ال 20 و تشتغل ب 60 بس؟

وسعر DEH-6300UB بايونير كام

ولو ربكنا ال gm البايونير ال 400 ال 2 ch
دا بيطلع 60 rms
هل كدا السماعات هيوصلها 60 بدل من 50
ولا الاتنين بيتجمعوا على بعض
يعنى قدره الكاسيت + قدره ال gm

**mody_mt2007** · 27-10-2011 01:14 PM

بص ياباشا القدرة الفعلية اللى بيخرجها الكاسيت للسماعات تقريبا 20 وات rms يعنى هى دى القدرة اللى بتدخل للسماعات تمام و ما اعتقدش ان ال جى ام البايونيير ال 400 وات بيخرج 60 watts power rms لأن انا كان عندى سونى 350 و كان بيخرج 75 rms و الفكرة مش فى الجى ام انة فية فلاتر mid & bass & tribel و هو دة اللى بيخلى الجى ام بدى السماعات الباور بتاعها او الأقرب ليها لأنك مش بتعلى الجين بتاع الجى ام على الأخر علشان السماعات متبوظش

الموضوع: مساعده فى اختيار سيستم للنوبيرا

LinkBack

أدوات الموضوع

عرض

مساعده فى اختيار سيستم للنوبيرا - انشر الموضوع فى :

-

-

-

-

-

-

-

-

المواضيع المتشابهه

مساعده لسوند سيستم لأوبترا

ساعدوني ف اختيار السوند سيستم

محتاج مساعدة في اختيار سوند سيستم !!!!

محتاج مساعدة في اختيار سوند سيستم !!!!

ممكن مساعده فالساوند سيستم

الكلمات الدلالية لهذا الموضوع

المفضلات

المفضلات

ضوابط المشاركة