مازدا 3 زيرو ولا سيفيك 2009

**Mahmode** · 26-10-2011 03:38 PM

مازدا 3 يعني عيش بقى في أسعار قطع الغيار. فانوس الشبورة الواحد بـ 2200 جنية. والفانوس الزينون الواحد بـ 4000جنيه. وكنبة ضيقة بشكل مستفز.

**Ahmed Nasser** · 26-10-2011 05:15 PM

المشاركة الأصلية كتبت بواسطة IronHead

قطع غيار المازدا اغلى من الهوندا (تخيل)
السيفيك اريح واوسع من المازدا 3 خصوصا الكنبة اللى ورا, بس المازدا فى الصالون من قدام وسعه كويس, فا لو هتركب معاك ناس كتير ورا, المازدا مش هتريحهم
طبعا تسارع الهوندا احسن من المازدا والثبات احسن بفرق طفيف, العفشة فى العربيتين multi-link فهايلة
انا افضل المازدا زيرو وبذات لو هتجيب الهاى لاين, كمالياتها حلوة قوى. لما تكون راكب عربية زيرو احساس تانى وخصوصا ان الفروقات مبين العربيتين بسيطة جدا لصالح السيفيك. فالموضوع مش مستاهل تضحى بزيرو قصاد مستعمل
وربنا يوفقك

+1

**yalahwy2010** · 26-10-2011 08:52 PM

الفلوس هى اللى بتحكم يا جماعة
كل حاجة بحسابها
انا ما بقولش السفيك احسن من المازدا.......بس المازدا هجيبها زيرو.......
والزيرو زيرو...........وتمنها ب 128 ألف........والله يا بلاش
عليها أوفر منزلين فى تمنها أكتر من 6000 جنيه
ويابانى ...وانا مش محتاج الكنبة من ورا تكون واسعة....انا عندى بنت صغيرة بس
وبالنسبة لقطع الغيار......الفانوس ده الزينون.....انا هجيب البيزك ان شاء الله
والسيفيك برضه قطع غيارها غالية..............المهم انها تكون معمره

**Ayman_A1** · 27-10-2011 12:20 PM

المشاركة الأصلية كتبت بواسطة mahmode

مازدا 3 يعني عيش بقى في أسعار قطع الغيار. فانوس الشبورة الواحد بـ 2200 جنية. والفانوس الزينون الواحد بـ 4000جنيه. وكنبة ضيقة بشكل مستفز.

مش عارف حضرتك جبت الأسعار دى منين!!!
هو الزينون غالى فعلاً بـ 3500 جنيه بس انت بتتكلم فى زينون يعنى ماكينات اصلى .. شوف سعر الزينون الماركات المحترمة الأصلى بكام
الفانوس العادى بـ 2500 وعلى فكرة الفوانيس دى عدسات
أنما الفوجات اللى بـ 2200 دى مش منطقية خالص، يعنى لما يكون سعر الباب كامل فى التوكيل 2000 جنيه وبردوا دة نفس سعر الكابوت، والرفرف ب 800 جنيه... ماعتقدش ان دة ممكن يكون سعر الفوجات.

**Mahmode** · 27-10-2011 07:21 PM

مش عارف حضرتك جبت الأسعار دى منين!!!
هو الزينون غالى فعلاً بـ 3500 جنيه بس انت بتتكلم فى زينون يعنى ماكينات اصلى .. شوف سعر الزينون الماركات المحترمة الأصلى بكام
الفانوس العادى بـ 2500 وعلى فكرة الفوانيس دى عدسات
أنما الفوجات اللى بـ 2200 دى مش منطقية خالص، يعنى لما يكون سعر الباب كامل فى التوكيل 2000 جنيه وبردوا دة نفس سعر الكابوت، والرفرف ب 800 جنيه... ماعتقدش ان دة ممكن يكون سعر الفوجات.

أنا جبت الأسعار دي من سمارت كار في المعادي. وهية اللي خلتني أصرف نظر عن المازدا. أسعار قطع غيارها آخر استهبال. والناس في قسم المازدا كانو لمو نفسهم وبعتو شكوة لمازدا اليابان بس معرفش الموضوع وصل لأيه. عموما كل واحد بيحسبها من ناحيته. أنا عن نفسي عاوز عربية هاي لاين فأسعار الفوانيس دي خلتني أصرف نظر. إنما البيزك كدا كدا ما فيهاش فوانيس شبورة ولا زينون.