سؤال لرجالة الهوند (خصوصاً انت يا سمسم)

**M_Nabil** · 26-10-2011 10:49 PM

كلام سليم يا شباب بالنسبة لتسقيط الماتور أخرك تسقط فيها ماتور كامة واحدة D-series ولو عاوز أداء وقوة يبقى K-series كامتين بس مكلف جداًً و احب اضيف ان شكل الكنسولة اللى فيها زراير التحكم في التكييف في موديل 99-00 مختلفة شوية عن كنسولة موديل 96-98

**Seifmando** · 27-10-2011 09:16 AM

سمسم باشا
كالعادة شرحت فوفيت

انا متشكر جداً لتعبك وردك يا باشا

**Seifmando** · 31-10-2011 09:15 AM

يا رجالة

انا شوفت الاعلان دا على contact cars
وعاوز اعرف ايه النظام

هوندا
سيفيك 1997

66000 ج

1600 سى سى | 190000كم

sir أورجينال بالكامل فتحة سقف وصالون وعفشة وفوانيس sir الأصلي بتاع الفبريكة السيارة فبريكة سقف وشنطة لم ترش سوى مرة واحدة من الزيرو بدون معجون الدواخل فبريكة من الأكصدام للأكصدام الشداد الأصلي جنط 15 لاتحتاج مصاريف 174 حصان لهواة الحالات النادرة فقط اللون زيتي

عاوز اعرف ايه الكلام يعني كتير السع ولا تمام هل فيه فعلاً 1997 SIR ولا متعدلة مع ان صاحبها بيقول اوريجينال

**sanhory** · 31-10-2011 09:59 AM

مبدأيا السعر معقول

إنت كده عندك كام نقطة حتتأكد منهم لما تروح تشوفها

اولا : انها موديل 96 مش 97 و لو لاقيتها في الرخصة 97 بص في حزام السواق من مكان مهو مربوط جمب الكرسي عند القايم في ورقة كده في الحزام عليها سنة الصنع

ثانيا : تتأكد ان كود الشاسيهEK4 و ده الكود الخاص بال SIR مكتوب في مكانين في رقم الشاسيه اللي عند البطارية
و في باب السواق عند القايم من تحت (EK4 حتلاقيها مكتوبة في وسط الرقم مش مكتوبة كدا لواحداها)

ثالثا: اللي نزل للشرق الاوسط او لافريقيا بيبقى كود متوره B16A6 و ده 160 حصان مش 174 حصان الا لو هو مسقطلها مكنة تانية و لو لاقيت اي كود تاني تبقى المكنة متسقطة

رابعا و الاهم : هو مش جايب اي سيرة عن الفرامل ال ABS مفيش SIR من غير ِABS و تتاكد من لمبة الABS في التبلوه و تقفل الكونتاكت و تفتحه تلاقي CHECK ENGINE و ABS منورين ال check engine تتطفي الأول وبعدها بثانيه أو اقل ال ABS تطفي كل ده من غير ماتدور كونتكت بس

خامسا : الشداد و ده ممكن اي حد يجيبه و يركبة فدا مش دليل قاطع ان دي SIR

سادسا : الفرمل ورا تكون سكاكين مش طبل يعني ورا تبقى لقم زي قدام

و ربنا يوفقك انشاء الله

**Seifmando** · 31-10-2011 10:15 AM

جزاك الله كل خير

**SAMEH_FOUAD** · 31-10-2011 11:25 AM

الله ينور ياسنهورى تمام كدة

وبردة عايز اضيف تـأكد من الصالون انة خاص بال sir ودة بيبقى مختلف عن العادى
الاربى ام عندك مختلف الريد زون بيبدأ من 8200 لفة ودة فى العداد

**sanhory** · 31-10-2011 01:54 PM

المشاركة الأصلية كتبت بواسطة semsem kane

الله ينور ياسنهورى تمام كدة

وبردة عايز اضيف تـأكد من الصالون انة خاص بال sir ودة بيبقى مختلف عن العادى
الاربى ام عندك مختلف الريد زون بيبدأ من 8200 لفة ودة فى العداد

و عليك يا سمسم
اصل انا شوفت الاعلان و كان حاطط صورة للصالون هو بتاع ال SIR عشان كدة مجبتش سيرته

**M_Nabil** · 03-11-2011 07:38 PM

اللى في الاعلان دى SiR اوريجنال فعلاً بس الحالة متوسطة عاوزة مصاريف فابلاش منها أحسن اللا لو السعر نزل كام ألف يبقى ممكن

**sanhory** · 04-11-2011 12:04 AM

المشاركة الأصلية كتبت بواسطة m_nabil

اللى في الاعلان دى sir اوريجنال فعلاً بس الحالة متوسطة عاوزة مصاريف فابلاش منها أحسن اللا لو السعر نزل كام ألف يبقى ممكن

نبيل باشا اخبارك ايه

عموما لو حالتها متوسطة و شاسيها نضيف ينزل في سعرها بس متتسبش دي مش حتتلاقى كل شوية
بس لو عايزه مصاريف في المكنة تنزل 5000 اقل واجب

-

الموضوع: سؤال لرجالة الهوند (خصوصاً انت يا سمسم)

LinkBack

أدوات الموضوع

عرض

-

-

-

-

-

المواضيع المتشابهه

سؤال لرجالة ال it

سؤال بسرعه يا سمسم

سؤال لرجالة الالنترا

سؤال لرجالة السوزوكى

سؤال هام الي اصحاب الخبرة في الكيا و خصوصاً السيراتو

الكلمات الدلالية لهذا الموضوع

المفضلات

المفضلات

ضوابط المشاركة