كلاسك بونتو2009 ولا جولف ولا لانوس حد يفدني

**samasemo16** · 26-10-2011 10:45 PM

السلام عليكم دي اول مشاركه ليا في المنتدي والصراحه انا بستفيد منه كتير من خلال النقاش بين الاعضاء و احب استفيد من رأي الاعضاء الكرام
محتاره اختار بين البونتو اللي انا شخصيا مقنعه بيها ولكن كله بيخوفني من التوكيل ومن قطع الغيار الغير متوافره خارج التوكيل ومن اعده البيع
تاني اختيار الجولف اللي ميقلش عن البونتو ولكن قطع غياره منشره
واخيرا كل مسأل ميكانيكي او ليه علاقه بالسيارات يقولي خليكي في الكوري قطع غيار عن البقال و اغلي من قطع غيار عربيتي ب 10 جنيه (عربيتي 127) وفي نفس الوقت سهل تتباع
ارجوكم عايزه رايكم لانه فعلا يفرق

**M.Alaa92** · 28-10-2011 08:00 PM

الفكرة انتى تقبلى تتنازلى عن اية لصالح اية؟؟؟

تتنازلى عن التقفيل مثلا ف مقابل الامان و لا اية؟؟ لان كل عربية ليها ميزات و عيوب

كمان انتى عاوزة اية من العربية استخدامك اد اية و رينج السعر اية؟؟؟؟
عشان نقدر نفيدك

**crayvor** · 29-10-2011 04:29 AM

أولا اللانوس مش حريمي خالص بتاتا.. موتور صوته عالي شوية والدبرياج تقيل حبتين.. وبعدين أنا أعرف ان أغلب البنات بتميل للهاتش باك كاشكل وأبعاد. ممكن الجوليت الخليجي تجيب معاكي خصوصا لو عاوزة أوتوماتيك..
سعر الجوليت من 36 ل 40 حسب الحالة.. ممن نزود 2000 لو أوتوماتيك.. اللانوس مو98 تعملها 38 لغاية مثلا 2009 تعملها من 58 ل 60 لو فابريقة جوة وبرة.

الجولف.. بالميت عشان تبقي مريحة يبقي جولف 4 مش حاتقل عن 55 دا لو رشة برة وفاتحة بقها قبل كدة.. من جولف 3 ونازل كل دي حاجات بتتباع بأسعارها دي عشان قابلة للتعديل زيها زي السيفيك.. لو مش حاتعدلي يبقي ارمي الجولف علي جنب الا لو ناوية تدفعي 60 ألف ف جولف 4 حالة كوسية.

البونتو.. منتشرة أوي ف الشوارع وحتلاقي اللي يفهم فيها واللي بيبيع قطع غيارها.. مافيش حاجة اسمها مافيش ^_^. العربية حلوة ومناسبة جدا لواحدة وخصوصا ان الموتور هادي وراسي بس مشكلته منه مش عالي حاجة وستين حصان ودا معناه لو فيه نية علي جري فكك منها.. بالنسبة للسعر 2009 ممكن تدخل ف ال 50 ألف أو أكتر.

ندخل بقي في الصح عشان نلم كل ده علي بعضه.. شوفي الكليو.. حلوة جدا وبتدي برستيج كويس.. عندك كذا حاجة.. أولا موتور 1200 ودا مش وحش وبيدي أعتقد 74 حصان وموفر جدا. فيه بقي ال 1400 لو علي جري بيدي 92 حصان بس طبعا حايفرق ف السعر. عندك 3 موديلات 2003 و 2005 و 2008. الأسعار من أول 38 لل 2003 فابريقة بالكامل و ف حدود 42 ل 2005 و 45 ل 2008.. حطي حوالي 3000 زيادة علي الأسعار اللي فاتت لموتور 1400. (بس تقريبا مافيش 1400 مو 2008)
قطع الغيار مش وحشة.. أغلي من اللانوس بس أنضف.. فيه كتير بيعرفو فيها.. التوكيل نفسه نضيف ومش مفتري ف الأسعار..

فيه برضه عربيات تانية كتير بس المشكلة أنا مش عارف رانج السعر كااام؟؟ والعربية دي ايه الغرض منها؟؟