اقتباس المشاركة الأصلية كتبت بواسطة M_HaFeZ مشاهدة المشاركة
بالراحه يابيشو على وعلى الناس
احنا بنسأل علشان نتعلم علشان متبقاش انت لوحدك اللى بتاع الميكانيكا :)
زى ماقولت ليه الشركات بتفرض على المشترى انه يجيب الاوتوماتيك علشان يلاقى كل حاجه
طيب وبتاع المانيوال يعمل ايه بقى
يا باشا العمليه ان الحمير كتير و ترجع بعد ما تصرف و تكلف نفسك ماتشتغلش و يبقي طيرت فلوسك في الهواء ... فيه عربيات فول اوبشن مانوال .. حتي و لو مش نازله مصر - و بالمناسبه مابتنزلش مصر - بره فيه كل حاجه .. بره فيه حتي انك تختار اللون و الكماليات اللي انت عاوزها و دي اسمها سبيشيال اوردر ... انما اللي بيوصل هنا هوه زباله الشغل اللي بيوصل بره .. علشان كده تلاقي العربيات المستورده و العربيات موديلات قديمه احسن من الجديد هنا ...

اقتباس المشاركة الأصلية كتبت بواسطة MMamdouh مشاهدة المشاركة
طيب افرض اللى بيعدل بيفهم زى حالاتك و حالاتى؟؟؟؟

انا طبعا فاهم ان حوار الABS مش سهل خالص لكن الباور سهل جدا

MMamdouh
احنا حاله شاذه .. انت كام مره قلت للصنايعي اللي بيشتغل في عربيتك اعمل كذا و كذا و كذا ؟ كام مره اشتغلت بايدك في عربيتك ... يا باشا احنا مترمطين في الصنعه و ساعات كتير بنشتغل بادينا لحد ما الحاجه تتظبط .. انما الصنايعي اول ما يزهق يلزقها و يمشي ...


اقتباس المشاركة الأصلية كتبت بواسطة M_HaFeZ مشاهدة المشاركة
والله ياممدوح الموضوع تعلم
انا عايز اعرف حاجات وبدخل ادور هنا فى المنتدى وعايز اسأل الناس
فى ناس كتير ماشاء الله متمكنه فى الميكانيكا وحوراتهم مفيده
محبش يبقى عندى معلومات مش كامله
نقطه كمان اولد فيك انت بتقول ان ال Abs + Ebd دايما
فى عربيات كتير شفتها Abs بس
وان مكانش فيه العكس على حسب مأتذكر
يعنى ممكن بس ال Abs والله اعلم
المعلومات مش وحشه طبعاُ .. بس صدقني .. الواحد مخه مليان معلومات و مالهاش لزمه هنا ... انت هنا عاوز عربيه سيمبل علي قد ما تقدر و بسيطه و يكون موتورها صغير و عفي ... و شكراُ علي كده ....
بالنسبه الاي بي اس و الاي بي دي .. فده حسب كل شركه .. فتلاقي مثلاُ موديلات نازل فيها الاتنين ستاندرد و ساعات بتلاقي الاي بي اس بس .. بس عامه العربيات القديمه اي بي اس بس .. و ده ظهر تقريباُ في العربيات موديل 1985 و طالع ..او في العربيات المبنيه علي التكنولوجيا القديمه ... اما العربيات الجديده فغالباُ بيبقي الاتنين مع بعض