شفتها راكنة النهاردة الصبح فى شارع البحر الأعظم عند كوبرى الجامعة ، لونها بترولى
ومعلقة نمر ملاكى
بس شكلها بصراحة على الأرض انيق جدا، هى صغنطوطة اوى بس شكلها مريح للعين اوى
عرض للطباعة
شفتها راكنة النهاردة الصبح فى شارع البحر الأعظم عند كوبرى الجامعة ، لونها بترولى
ومعلقة نمر ملاكى
بس شكلها بصراحة على الأرض انيق جدا، هى صغنطوطة اوى بس شكلها مريح للعين اوى
إيه دا دى خلاص إتسلمت و إترخصت كمان !!
لا يا جماعة ... في منها اتسلم و ترخص كمان
انا اعرف واحد اشترى واحدة بترولي
بس ده تقريبا نزل يجري على التوكيل او ما شاف الاعلان :)
انا برضه شفت واحده بس كانت من غير نمر
افتكرتها كورسا سيدان اول ما شفتها
فيه دكتور في الجامعة عندنا جاب ال Mcv لونها بيستاج...شكلها حلو و كبيرة بغباء....و شنطتها بحر:)
العربيه بدأت تتسلم فعلا وانا هستلم فى خلال اسبوع إن شاء الله
اتمنى من ربنا تكون مغامره موفقه لانى حاسس ان الرينو فى مصر حظها وحش
بس عموما هى عربيه محترمه جدا فى رايى
كان حظها وحش...دلوقتي وعي الناس زاد و عصر الانترنت خلا نناس كتير تعرف و تقتنع بحاجات كتير كان منتشر عنها أفكار مغلوطة....فعلا عربية محترمة
و ماتنساش تتابع معانا اخر الاخبار و تقييمك و كده....هاتبقي أول واحد علي نايل موتورز يكتب عنها:)
دة التوكيل جايب مجموعة كبيرة وبيسلم على طول
من المتوقع انهاهاتحقق مستقبل كويس فى الشارع المصرى
والف مبروك مقدما للاخ هشام
هو مفيش اخبار عن اللاجونا ؟؟؟؟
المفاجأة بأه انى شفت واحدة تانية فضى عندنا فى مدينة نصر قريب من البيت وانا مروح وبرضه مترخصة ومعلقة نمر
طيب هي شكلها مقبول و لا إيه نظامها سبعاوةي باشا .. ؟!
:):)
بص هو الشكل مسألة اذواق، العربية مضلعة بشكل مبالغ فيه، يعنى كلها مثلثات وخطوط حادة، وانا بعشق الأشياء المضلعة ذات الخطوط الحادة ، وبالتالى وقعت فى غرام العربية اول ما شفتها
لكن فيه ناس تانيين كانوا شايفينها مبعجرة (مش هقول هم مين علشان بلاش افتن ، سامعنى ياللى فى بالى؟)
عموما مسألة الحجم لا اختلاف عليها، العربية فى حجم الكورسا سيدان والكليو والنيو اكسنت
يا ريت يا جماعة الناس اللي هتستلم يعجلوا بالتليين و يسافروا شرم الشيخ و ينجزوا الالف كيلو عشان ابن عمتي عايز يجيبها و قلتله يستني التقرير المتين:dرخامة معلش
============
نرجو من العضو الفاضل
تصغير حجم التوقيع لديه
لأنه تم التنبيه من قبل على ذلك في موضوع عام
وشكرا
الادارة 3
ودى ياجماعه صور الاجونا واللوجان عشان اللى مايعرفهمش
1-روعة الاداء وبساطة التصميم انها renault logan اللوجان :)
مع انى شايف انها من الامام اوبل كورسا سيدان ومن الخلف رينو كليو ال new generation
http://www.redlineblog.com/autos/wp-...logan-extf.jpg
http://www.redlineblog.com/autos/wp-...logan-extr.jpg
http://indimoto.com/blog/media/blogs...n-interior.jpg
2- الفخامه كما يجب ان تكون انها renault laguna اللاجونا :)
http://static.taume.com/image/2008-Renault-Laguna.jpg
http://static.taume.com/image/2008-R...aguna-Back.jpg
http://www.autounleashed.com/images/renault_laguna2.jpg
يا سلام عليك يا بابا يا بوب يا مظبتنا ..
:):)
اى خدمه ياحبيب بابا :) :)
إيه الكلام الكبير ده ...هي لاجونا حتنزل مصر ؟ ألف شكر على الصور يا فلاينج باشا :)
والله انا حاسس للعربيه دى هتنجح فى مصر رغم ان فيه ناس اول ما نزل الاعلان هجمت العربيه دى اشد هجوم معرفش ليه
وكمان هى نازله مع توكيل من احسن توكيلات مصر من حيث الخدمه
وهى شكلها حلو وكفايه انك راكب حاجه فرنساوى تقفيل رومانى بالسعر ده يعنى من الاتحاد الاوروبى
العفو ياشيكو باشا يا حبيبى
دا خلاص اللاجونا نزلت مصر واترخصت كمان واسعارها بتتفاوت حسب الكماليات
مابين 40 الف و45 الف جنيه !!!! تخيل...بيقولو فرنسا مقدماها اهداء للشعب المصرى
والكلام دا مش اشاعات ياشيكو باشا.
.دا منقول عن مجلة السيارات الرائده levonero
واللى انت تعرفها وتعرف تارخها كويس
:) :) :) :)
و طبعا كان المقال بتاع مستر جونسون كبير محرري المجلة العريقة :stuart:
بس بجد عربية تحفة
اللاجونا الجديدة نزلت مصر بجد و لا أنت قصدك على اللوجان .. ؟!
لأن أنا مش عارف إذا كانت اللاجونا الجديدة نزلت مصر و لا لأ ..
:):)
انا شوفت اللوجان 3 مرات منهم واحدة اسيشن
كبيرة فعلا وحلوة وفعلا بقولها هاتعمل مبيعات جامدة وهاتشوفو
اللاجونا شوفتها نمر جمرك وقفت تنحت من شياكتها وكانت اول مرة اشوفها في مصر في حياتي
جميلة وروعة وكبير جدااااا
السلام عليكم
ممكن صور لرينو لوجان؟
انا كمان شفت اللوجان النهارده ..
اصلا بقيت بشوفها كل يوم :thinking: ..
بس بجد يا جماعه بقي ..
انا نفسي اشوف لوجان .. انا كل يوم بشوف ميجان و كليو كتير .. بس لوجان لا ..
حاسس زي ما يكون مفيش لوجان في القاهره ..
ممكن صور للاجونا
حتلاقيها فى اللينك دا
http://www.nilemotors.net/Nile/showthread.php?t=195
حتلاقى اللاجونا الجديدة فى اللينك دا
http://www.nilemotors.net/Nile/showthread.php?t=7168
متشكر جدا يا شاركي