مشكله في السحب بعد تغير السيور وبلي الكاتينه وفلتر البنزين

عربيتي نيو اكسنت 2008 عامله 55 الف كم
امبارح قررت اعمل الصيانه
وغيرت
فلتربنزين
والسيور كلها
وبلي الكاتينه وسير الكاتينه

المشكله
سحب العربيه بقا ضعيف جدا
ادوس الدواسه للاخر بتاخد وقت لحد متوصل ل rpm 3
المشكله دي ممكن تكون من ايه
هل سير الكاتينه لو مش مظبوط بياثر علي اسحب
مع العلم اني لو مورت وكبست بنزين الموتور فايق والار بي ام بيجري تمام
اما بقا لو مدي تاني مثلا وقمت كابس بنزين اسمع صوت اكني مركب فلتر اسبور كده ومفيش سحب
بسمع صوت الفلتر انو بيسحب هوا (انا مش مركب فلتر اسبور ده صوت الفلتر بتاعها )
برجاء افادتي لاني قلقان ليكون الموضوع ليه علاقه بالكاتينه
انا كلمت الميكانيكي فالتليفون قالي ده طقم دبرياش
بس انا شايف لا
لان الموضوع ده ظهر بعد تغير الحجات دي علطول
معلش هتعبكم معايا والسلام عليكم

ممكن يكون فييه تاخير او تقديم فى التقسيمه و ده يضعف السحب و يعمل رجه فى الموتور

راجع علي تقسيمه الكاتينه

طب انا اركنها كده ولا امشي بيها عادي لحد يوم الثلثاء وبعدين الراجل ده شغل في التوكيل انا اعرفه من التوكيل اصلا
بس انا عملتها عنده في الورشه
ازاي يغلط غلطه زي دي وهل التقسيمه دي مش عارف بتحتاج حاجه اسمها مسطره باين عشان يراجع عليها ولا هي بالنظر كده ولا ايه لان انا مشفتوش استخدم اي حاجه عشان يظبطها
وهل ممكن يكون الموضوع ليه عه علاقه بطقم الدبرياش زي مقالي في التليفون

لا تمشى معاك عادى بس حتبقى مش مظبوطه و بالنسبه لموضوع سير التقسيمه هو بيبقى فيه علامات فى ترس عمود الكامات وترس الكرنك المفروض انهم بيتظبط عليهم و بعدين يركب السير
لو التقسيمه عندك فيها اختلاف حتكون سنتيين بس عشان لو اكتر كانت عوجت الصبابات
و عايز اقولك ان ممكن يكون طقم الدبرياج فعلا زى كلام الميكانيكى وهى صادفت معاك لما عملت الصيانه ظهر العيب عموما خليه يراجع التقسيمه و جرب ولو المشكله قائمه شوف طقم الدبياج

شكرا بجد لاهتمامكم الواحد بيحس ان الناس هنا عاوزه تساعد بجد
هو اخر حاجه قالهالي برضو وهو لسه مشفش العربيه
بيقلي في حاجه في ليها علاقه بفلتر البنزين اوسيل باين قالي هبص عليهم
وهو فعلا انا اشتكيتله ان العربيه بترجرج في الطلعه قالي ده عيب في الدبرياش وقام محمل دبرياش وزود بنزين خلا العجل يفرك وهو محمل علي الاسطوانه قالي كده انا هساوي الاسطوانه عشان لو فيها عوجه يساويها
وسوائل تاني انا غيرت بلي الكاتينه البليتين فهو تقريبا عشان يفك البلي ده بيطلع الترس الكرنك فممكن يكون مركبوش علي نفس العدله فالزمبه مبقتش مظبوطه في نفس المكان قدي مثلا ان لو الزمبه في اتجاه عقرب الساعه 6 هو ركب الترس بس خلا الزمبه دي في اتجاه 5.5 ده مجرد تخمين علي فكره ولا غلط الكلام الي بقوله ده ؟

[QUOTE=osos_lion;3873899090]شكرا بجد لاهتمامكم الواحد بيحس ان الناس هنا عاوزه تساعد بجد
هو اخر حاجه قالهالي برضو وهو لسه مشفش العربيه
بيقلي في حاجه في ليها علاقه بفلتر البنزين اوسيل باين قالي هبص عليهم
وهو فعلا انا اشتكيتله ان العربيه بترجرج في الطلعه قالي ده عيب في الدبرياش وقام محمل دبرياش وزود بنزين خلا العجل يفرك وهو محمل علي الاسطوانه قالي كده انا هساوي الاسطوانه عشان لو فيها عوجه يساويها
وسوائل تاني انا غيرت بلي الكاتينه البليتين فهو تقريبا عشان يفك البلي ده بيطلع الترس الكرنك فممكن يكون مركبوش علي نفس العدله فالزمبه مبقتش مظبوطه في نفس المكان قدي مثلا ان لو الزمبه في اتجاه عقرب الساعه 6 هو ركب الترس بس خلا الزمبه دي في اتجاه 5.5 ده مجرد تخمين علي فكره ولا غلط الكلام الي بقوله ده ؟

لا كلامك صح بس هو مش بيطلع الترس انما ممكن و هو بيركب السير ترس الكرنك او ترس عمود الكامات يتحرك عن الزنبه فالتقسيمه تاخر عموما هو لما يكشف عليها حيشوف الزنب لو قصاد بعض يبقى تمام لو ماخره او مقدمه حيشيل السير و يظبط الزنب و يركبه تانى

طيب تمام انا هتابع معاه وهكتب هنا عمل ايه وربنا يقدم الي فيه الخير إن شاء الله